完整藏文原文 · 德格版页 当前仅加载第 93 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་སུ་འབྲོས་པར་བྱེད་དོ། །ཡམས་ཐམས་ཅད་དང་། ཉེ་བར་འཚེ་བ་ཐམས་ཅད་དང་། ནད་འགོ་བ་ཐམས་ཅད་དང་། གདོན་ཐམས་ཅད་དང་། ནད་ཐམས་ཅད་དང་། འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་རྣམས་ཐམས་ཅད་དང་། གཏམ་ངན་གྱི་འཇིགས་
D686.093.0017a01.01པ་རྣམས་རབ་ཏུ་ཞི་བར་བྱེད་དོ། །གདུག་པ་ཐམས་ཅད་དང་། ཕྱིར་རྒོལ་བ་ཐམས་ཅད་དང་། མི་མཛའ་བ་རྣམས་རབ་ཏུ་ཞི་བར་བྱེད་དོ། །སྡིག་པ་དང་སྒྲིབ་པ་ཐམས་ཅད་རྣམ་པར་གྲོལ་བར་བྱེད་དོ། །མཚམས་མེད་པ་ལྔ་ལ་སོགས་པ། སྡིག་པ་དང་སྒྲིབ་པ་དང་། ཉོན་མོངས་པ་རྣམས་རྣམ་པར་
D686.093.0017a02.01གྲོལ་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱིས་དབུགས་འབྱིན་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །ལྷ་རྣམས་ཐམས་ཅད་ཀྱིས་ཀྱང་ཀུན་ཏུ་སྲུང་བར་འགྱུར་རོ། །ལག་ན་རྡོ་རྗེ་རིག་སྔགས་འཆང་གི་དབང་པོ་རྗེས་སུ་འབྲང་བར་འགྱུར་ཞིང་།
D686.093.0017a03.01སྲུང་བ་དང་། སྐྱོབ་པ་དང་། སྦེད་པར་བྱེད་དོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུ་རྟག་ཏུ་རྗེས་སུ་འབྲང་བར་འགྱུར་རོ། །རྒྱལ་པོ་ཆེན་པོ་བཞི་ཡང་དཔུང་དང་བཅས། འཁོར་དང་བཅས་པས་ཀུན་ནས་ཕྱོགས་བཞིར་སྲུང་བར་བྱེད་དོ། །ཐམས་ཅད་དུ་ཆོ་ག་ཞིབ་མོ་དང་། གསང་
D686.093.0017a04.01སྔགས་དང་ཕྱག་རྒྱའི་དངོས་གྲུབ་མཆོག་སྦྱིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་དངོས་གྲུབ་ཆེན་པོ་སྦྱིན་པར་འགྱུར་རོ། །པདྨ་ཡངས་པའི་དཀྱིལ་འཁོར་འདི་དང་། དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་གསང་བ་དོན་ཡོད་
D686.093.0017a05.01པའི་དེ་ཁོ་ན་ཉིད་ཀྱི་དངོས་གྲུབ་ཏུ་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་ཐམས་ཅད་ཀྱང་རྟག་ཏུ་རྗེས་སུ་འབྲང་བར་འགྱུར་རོ། །སེམས་ཅན་ཐམས་ཅད་ཀྱི་དྲུང་དུ་མཆོད་པ་ཆེན་པོ་
D686.093.0017a06.01བྱེད་པར་འགྱུར་རོ། །བཀྲ་ཤིས་དང་ཡིད་ལ་བསམས་པ་ཐམས་ཅད་ཡོངས་སུ་རྫོགས་པར་འགྱུར་རོ། །གཤེད་བྱེད་དང་། བྱད་སྟེམས་དང་། གསང་སྔགས་དང་། རོ་ལངས་དང་། སེམས་བསྒྱུར་བ་དང་། སྦོད་གཏོང་གི་སྦྱོར་བ་དང་། མཁའ་འགྲོ་མ་རྣམས་ཐམས་ཅད་འབྱེར་བར་བྱེད་
D686.093.0017a07.01