完整藏文原文 · 德格版页 当前仅加载第 83 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀུན་བྱེད་པ་ཡིན། །བྱེ་བ་བཟླས་ནས་དངོས་གྲུབ་སྟེར། །བྱེ་བ་ལྔ་བཟླས་སྨོས་ཅི་དགོས། །ཉིན་རེའམ་ཡང་ན་ཟླ་རེ་འམ། །དེ་བཞིན་ལོ་ནི་རེ་རེ་ལ། །གཏོར་མ་དྲུག་ཅུ་རྩ་བཞི་སྦྱིན། །དབྱུག་གུ་དྲུག་ཅུ་རྩ་བཞིར་ཤེས། །རྟག་ཏུ་ཅུང་ཟད་ཅི་ཟ་དང་། །དེ་བཞིན་ཅུང་ཟད་འཐུང་
D467.083.0145b01.01བ་དང་། །གཞན་ཡང་བཟའ་བ་ཐམས་ཅད་ཀྱི། །ཕུད་ནི་གཤིན་རྗེའི་གཤེད་ལ་དབུལ། །དེ་ནས་ཡང་དག་བཤད་བྱ་བ། །བླ་མ་ལ་ནི་ཡོན་དབུལ་བའོ། །ལས་ནི་ཐམས་ཅད་བསྒྲུབ་པ་དང་། །བདག་ཉིད་ཞི་བར་བྱ་བའི་ཕྱིར། །བདག་ཉིད་ཀྱང་ནི་དབུལ་བ་དང་། །རྟ་དང་བ་དང་གླང་པོ་
D467.083.0145b02.01དང་། །གསེར་དང་དེ་ལས་གཞན་པ་དང་། །རང་གི་ཆུང་མ་དེ་བཞིན་བུ། །མ་དང་སྲིང་མོ་ཚ་མོ་དང་། །དེ་བཞིན་དུ་ནི་སྤུན་ཟླ་དང་། །ན་བཟའ་སྣ་ཚོགས་དག་དང་ནི། །གདུགས་དང་རྡུལ་ཡབ་མཛེས་པ་དང་། །ཁྱིམ་དང་གདན་དང་དྲི་ཞིམ་དང་། །དེ་བཞིན་གླུ་དང་རོལ་མོ་དང་། །
D467.083.0145b03.01རལ་གྲི་དང་ནི་རྒྱན་དག་དང་། །བརྟུལ་ཞུགས་ཅན་གྱིས་བླ་མར་དབུལ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེའི་གཤེད་ནག་པོའི་རྒྱུད་ལས་ཉེ་བར་མཁོ་བའི་ལས་ཀྱི་ཁྱད་པར་ཐམས་ཅད་ཞེས་བྱ་སྟེ་རིམ་པར་ཕྱེ་བ་བཅུ་གཉིས་པའོ།། །།དེ་ནས་སེམས་ཅན་ཐམས་ཅད་
D467.083.0145b04.01ཀྱི། །སྡིག་པ་དག་ནི་ཇི་སྙེད་པ། །དེ་དག་གཅོད་པའི་གྲི་གུག་སྟེ། །ཞེ་སྡང་གཅོད་པའི་ཤུབས་ཅན་ནོ། །དེ་ནས་ཡང་དག་བཤད་བྱ་བ། །རིང་བའི་ཐོས་པ་བསྒྲུབ་པའི་ཕྱིར། །རྡོ་རྗེ་མཁའ་འགྲོ་མ་སྒྲུབ་ཐབས། །ནམ་མཁའི་ཁམས་ཀྱི་དབུས་གཏོགས་པར། །ཉི་མའི་དཀྱིལ་འཁོར་
D467.083.0145b05.01མཆོག་བསམ་བྱ། །གནས་དེར་རྩེ་ལྔ་པ་ཡང་བསྒོམ། །དེ་ཡི་སྟེང་དུ་གནས་དགོད་བྱ། །མཐིང་མདོག་ནག་པོ་འཇིགས་ཚུལ་ལ། །ཕྱག་དྲུག་འཇིགས་སུ་རུང་བ་སྟེ། །ཕྱག་ན་རྡོ་རྗེ་རྣམ་བསྒོམ་བྱ། །ཕྱག་གཞན་དག་ལ་གཞན་དག་དགོད། །ཤར་དུ་སངས་རྒྱས་མཁའ་འགྲོ་
D467.083.0145b06.01མ། །ཕྱག་དྲུག་གཏི་མུག་རྡོ་རྗེ་མཚུངས། །ལག་ན་འཁོར་ལོ་འཇིགས་པར་བྱེད། །བསྒོམ་བྱ་སྦྱོར་བའི་དཀྱིལ་འཁོར་དུ། །ལྷོ་རུ་རིན་ཆེན་མཁའ་འགྲོ་མ། །ཕྱག་དྲུག་ཕྲ་མ་དང་མཚུངས་པ། །ཕྱག་ན་རིན་ཆེན་རབ་འབར་བ། །ཉི་མའི་དཀྱིལ་འཁོར་བསྒོམ་པར་བྱ། །ནུབ་ཏུ་
D467.083.0145b07.01