完整藏文原文 · 德格版页 当前仅加载第 83 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི། །མཉམ་པར་བཞག་པས་བྲི་བར་བྱ། །རི་རབ་ལྕོག་བརྒྱད་ཅེས་གྲགས་པ། །དེ་ཡི་སྟེང་དུ་མཉམ་པར་བྲི། །ཡི་གེ་ཧཱུྃ་དང་ཡི་གེ་བྃ། རི་རབ་དེ་ནི་བརྟན་པར་བྱ། །དེ་ཡི་སྟེང་དུ་ལྃ་ཡིག་ལས། །དབང་ཆེན་དཀྱིལ་འཁོར་དགོད་པར་བྱ། །སྣ་ཚོགས་རྡོ་རྗེས་མནན་པ་ལ། །སྐུད་པ་སེར་པོས་
D467.083.0138b01.01བཅིངས་ནས་ནི། །གཤིན་རྗེའི་གཤེད་པོ་མདོག་སེར་པོ། །དབང་ཆེན་དཀྱིལ་འཁོར་ལ་གནས་པ། །བསྒྲུབ་བྱ་སེར་པོ་རྣམ་བསམས་ལ། །རི་རབ་ཀྱིས་ནི་མནན་བྱས་པ། །ཕྱག་ན་རྡོ་རྗེས་མནན་བྱས་པ། །དབང་ཆེན་དཀྱིལ་འཁོར་གྱི་འོག་ཏུ། །མན་དཱ་ར་སོགས་རི་བོ་དང་། །སྣ་ཚོགས་རི་
D467.083.0138b02.01བོ་རྣམས་ཀྱིས་ཀྱང་། །བསྒྲུབ་བྱ་མནན་པར་བསྒོམ་པར་བྱ། །དེ་ལ་གནས་ནས་བཟླས་པར་བྱ། །ཨོྃ་ཧྲཱིཿཥྚྲཱིཿལྦི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ལྃ་དེ་བ་དཏྟ་སྠཱ་ནེ་སྟམྦྷ་ཡ་ཀུ་རུ་ལཾ། འདི་ནི་བཅོམ་ལྡན་འདས་ཀྱིས་རེངས་པར་བྱེད་པའི་གསུངས་པའོ། །ངག་ནི་རེངས་པར་འདོད་པ་ཡིས། །
D467.083.0138b03.01དེ་བཞིན་འཁོར་ལོ་གཉིས་བྲིས་ལ། །བསྒྲུབ་བྱའི་མིང་ཡང་བྲི་བར་བྱ། །དེར་ནི་སྔགས་ཀྱང་སྤྲོས་ལ་བཟླས། །ཨོྃ་ཧྲཱིཿཥྚྲཱི་ཝིཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ལྃ་དེ་བ་དཏྟསྱ་ཡ་ཐཱསྲ་རཐཱ། ཀར་ཀྲིཏ་ཏེ་ནན་ཏི་བི་ར་ཡ་ཐཱ་ཨ་བི་རཱུ་པ་ཀཾ་དེ་བ་དཏྟ་ཡ་ཛྙཱ་དཏྟ་ཡ་སྱ་ཝཱ་ཀཝཀ་སྟམྦྷ་ན་ཀུ་རུ་ལཾ། བཅོམ་ལྡན་འདས་
D467.083.0138b04.01ཀྱིས་རེངས་པར་བྱེད་པའི་ཆོ་ག་དེ་སྐད་གསུངས་སོ། །ཤིན་ཏུ་ལེགས་པར་སྦས་པ་ཡིས། །འདི་ལས་གསུངས་བཞིན་དགོས་པ་དག །གཤིན་རྗེའི་གཤེད་ནག་སྦྱོར་བ་ཡིས། །ཉི་མ་གཅིག་གིས་འགྲུབ་པར་འགྱུར། །སྔར་བཞིན་དུར་ཁྲོད་ཀྱི་རས་ལ། །འཁོར་ལོ་གཉིས་བྲིས་བརྟུལ་
D467.083.0138b05.01ཞུགས་ཅན། །སྐེ་ཚེ་དང་ནི་ཚྭ་དང་ནི། །དུག་དང་གཞན་ཡང་ནིམ་པ་དང་། །ཚ་བ་གསུམ་དང་ཚ་བའི་མར། །དུར་ཁྲོད་ཀྱི་ནི་སོལ་བ་དང་། །དྷ་དུར་ལོ་མའི་ཁུ་བ་དང་། །ཙན་ད་ལི་འབྲས་མཛུབ་མོ་ཁྲག །ཚ་སྒོ་ཅན་གྱི་ས་བླངས་ཏེ། །གདོལ་བའི་རྫ་མའི་དྲེག་པ་དང་། །རབ་ཏུ་ལྟོགས་
D467.083.0138b06.01པའི་སྨྱུ་གུ་ཡིས། །བཅུ་བཞི་ལ་བྲིས་བརྟུལ་ཞུགས་ཅན། །ཁྲོས་པའི་སེམས་ཀྱིས་ཉིན་ཕྱེད་ན། །གདུག་པ་ཅན་རྣམས་གསད་པའི་ཕྱིར། །སེམས་ཅན་གནོད་པ་བྱེད་པའི་མིང་། །ཡི་གེ་ཧཱུྃ་གིས་བརྟེན་བྱས་ལ། །བདག་ཉིད་གཤིན་རྗེ་མཐར་བྱེད་པའི། །སྦྱོར་བས་ལྷོ་ཕྱོགས་
D467.083.0138b07.01