完整藏文原文 · 德格版页 当前仅加载第 83 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་ཅན་གྱི་གཟུགས་སུ་བྲི། །སྨྱོན་པའི་ཁུ་བས་བསྐུ་བྱས་ལ། །སྔགས་ཁྲི་བཟླས་པས་མཛེས་ཐེབས་འགྱུར། །གྲུབ་པའི་ཡུངས་ཀར་བླངས་བྱས་ལ། །འབུམ་ཕྲག་བཞི་ནི་བཟླས་བྱས་ན། །སྦྲུལ་གྱིས་བཟུང་ནས་འགྱེལ་བ་ལ། །གཏོར་ན་འཚོ་བར་ཐེ་ཚོམ་མེད། །
D467.083.0143a01.01རི་གཤོང་ཆུ་ཡི་ས་བླངས་ལ། །སྔགས་ཀྱི་བཟླས་པ་འབུམ་བྱས་ནས། །མགོ་ལ་བསྐུས་པ་ཙམ་གྱིས་ནི། །མགོ་ཡི་ནད་ནི་ཉམས་པར་བྱེད། །སྔགས་ནི་ལན་བདུན་མངོན་བཟླས་པའི། །ལག་པས་མགོ་བོ་མཉེས་ན་ནི། །མགོ་ནི་ཟུག་གཟེར་འབྱུང་མི་འགྱུར། །དེ་ནི་འདི་ལྟར་ཐེ་ཚོམ་མེད། །
D467.083.0143a02.01བྲམ་ཟེ་ཡི་ནི་ཤ་དག་ལ། །དུར་ཁྲོད་ས་དང་ཐལ་བ་ལས། །གཤིན་རྗེའི་གཤེད་ཀྱི་གཟུགས་བྱས་ཏེ། །ཕྱག་གཉིས་ཞལ་ནི་གཅིག་པ་ལ། །རྡོ་རྗེ་ཆེན་པོ་གཡས་པ་ན། །དེ་བཞིན་མི་མགོ་གཡོན་པ་ནའོ། །མདོག་ནི་དཀར་པོ་ཆེར་འཇིགས་པ། །དེ་ཡིས་གདུག་པ་འཇོམས་པར་བྱེད། །
D467.083.0143a03.01བདུད་རྩི་ལྔ་དང་ཤ་ལྔ་ཡིས། །ཉིན་རེ་བཞིན་དུ་གཏོར་མ་སྦྱིན། །བདག་གི་དགྲ་བོ་ཆོམས་ཤིག་ཅེས། །རྣལ་འབྱོར་པས་བདག་གསོལ་བ་གདབ། །ནུབ་མོ་དེ་སྐད་བརྗོད་པས་ཉལ། །དགྲ་ནི་ཐོ་རངས་འཆི་བར་འགྱུར། །ཆུ་འགགས་ལ་སོགས་པས་གཟིར་ཞིང་། །ཡང་ན་ནད་ཀྱིས་
D467.083.0143a04.01ཐེབས་པར་འགྱུར། །དགྲ་ཡི་བཻ་རོ་ཙ་ན་བླང་། །མི་ཡི་རྐང་སྦུབས་ཡོངས་བཀང་སྟེ། །རབ་ཏུ་བཀང་ནས་འབུམ་བཟླས་ན། །ཤིང་རྩེར་རྒྱུ་བའི་{ཡི་དགས་,ཡི་དྭགས་}མཚུངས། །ལྷ་རྫས་དངོས་གྲུབ་ཀུན་བྱེད་ཅིང་། །དགོས་པ་སྣ་ཚོགས་རབ་སྒྲུབ་བོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་
D467.083.0143a05.01གཤིན་རྗེའི་གཤེད་ནག་པོའི་རྒྱུད་ལས་འཇིགས་བྱེད་གཤིན་རྗེའི་གཤེད་ཅེས་བྱ་བའི་རིམ་པར་ཕྱེ་པ་སྟེ་དགུ་བའོ།། །།རོ་ལངས་ཆེན་པོའི་སྒྲུབ་ཐབས་ནི། །དེ་ནས་ཡང་དག་བཤད་པར་བྱ། །སྒྲུབ་པ་བཟང་པོ་ཀུན་བྱེད་ཅིང་། །དགོས་པ་སྣ་ཚོགས་རབ་སྒྲུབ་པའོ། །བཟང་པོ་མ་གོད་རྨ་མེད་
D467.083.0143a06.01པ། །ཤིང་ལ་སྦྱངས་པས་བསྡུས་བྱས་ལ། །ཕབ་ལ་ལེགས་པར་བཀྲུ་བྱ་སྟེ། །དེར་འདུག་སྔགས་བཟླས་བརྟུལ་ཞུགས་ཅན། །ཨེ་མའོ་ངོ་མཚར་སྔགས་ཀྱི་མཐུ། །བསམ་པ་མེད་པའི་འོ་དོད་འབོད། །གཤིན་རྗེའི་རྣལ་འབྱོར་ལྡན་པ་ཡི། །ཡིད་ཀྱིས་ཅུང་ཟད་འཇིགས་མི་བྱ། །རྣལ་འབྱོར་
D467.083.0143a07.01