完整藏文原文 · 德格版页 当前仅加载第 83 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །དེ་ནི་འཆི་བར་འགྱུར་བའམ། །ཡང་ན་ལུས་ནི་འཇིག་པར་མཛད། །བྱིན་རླབས་དམ་ཚིག་དབང་བསྐུར་ལ། །རྡོ་རྗེ་སེམས་མ་རིན་ཆེན་དང་། །ཆོས་དང་རྡོ་རྗེ་ལས་མ་བཞི། །སྦྱོར་བ་རྣམས་ནི་རབ་ཏུ་སྦྱར། །སེམས་དཔའ་ཆེན་པོ་བཅུ་དྲུག་ཀྱང་། །བླ་མེད་འཁོར་ལོ་བྱེད་པ་སྟེ། །
D466.083.0125b01.01རང་གི་ཕྱོགས་ནས་ལས་བྱས་ན། །འབྲས་བུ་དོན་ཡོད་སྦྱིན་པར་བྱེད། །ཁྲོ་བོའི་ལུས་ལ་ལེགས་གནས་ཏེ། །ཁྲོ་བོའི་རྒྱལ་པོ་སྦྱར་བར་བྱ། །དམ་ཚིག་ལ་སོགས་ཆོ་ག་བཞིན། །དེར་ནི་རྡོ་རྗེ་བསྒོམས་ནས་བསྐུལ། །རྐང་པའི་རྗེས་ཀྱིས་བླངས་ལ། །དུར་ཁྲོད་ཐལ་བདག་དང་
D466.083.0125b02.01བསྲེ། །དེ་ཡི་རས་བླངས་མི་རུས་དང་། །ཆུ་འགྲམ་གཉིས་ཀྱི་ས་དག་ནི། །བཏགས་ནས་ལུང་བོང་གཅིན་གྱིས་སྦྲུ། །དེ་ལས་དགྲ་བོའི་གཟུགས་བྱས་ལ། །དེ་ཚེ་གཟུགས་བརྙན་བཅིང་བར་བྱ། །དུག་དང་སྐེ་ཚེ་ལན་ཚྭ་དང་། །འབྲུ་མར་ཚ་བ་རབ་བསྲེས་ཏེ། །དགྲ་བོ་ཚ་བ་བསྐྱེད་
D466.083.0125b03.01པའི་ཕྱིར། །དེ་ཡིས་ལུས་ནང་རབ་ཏུ་དགང་། །དེ་ནས་རྣམ་ཤེས་རླུང་འདྲ་བ། །ལྕགས་ཀྱུ་ཡིས་ནི་བཀུག་ནས་ཀྱང་། །སྲིན་བུ་མེ་ཁྱེར་འདྲ་བཅུག་སྟེ། །ཞགས་པ་ཡིས་ནི་དམ་དུ་གཟུང་། །དེ་ནི་རྡོ་རྗེ་སྒྲོག་ཏུ་གཞུག །བསྒྲིམས་ནས་དེ་ཡི་མིང་སྨོས་ཏེ། །དགྲ་བོའི་ལུས་ནི་མ་ལུས་
D466.083.0125b04.01པར། །པོ་སོན་ཆ་ཡི་ཚེར་མས་དབུག །མི་རུས་ལས་བྱས་ཕུར་བུ་འམ། །ཡང་ན་སེང་ལྡེང་ལས་བྱུང་བས། །དཔྲལ་བ་སྙིང་མགྲིན་དཔུང་མགོ་གཉིས། །གནས་ལྔ་དག་ཏུ་བསྒྲིམས་ཏེ་གདབ། །ནིམ་པའི་ཤིང་ལ་སྦར་བ་ཡིས། །མེ་འབར་བ་ལ་བསྐམ་པར་བྱ། །མཁས་པས་རྐང་པ་
D466.083.0125b05.01ནས་བརྩམས་ཏེ། །མཚོན་ཆ་རྣོན་པོས་གཏུབས་ནས་ནི། །འབར་བའི་ལུས་ཅན་ཁྲོས་པ་ཡིས། །དེ་ཡི་དུམ་བུ་སྦྱིན་སྲེག་བྱ། །ལས་འདི་ལ་ནི་ལྷག་པར་ཡང་། །རུས་སྦལ་གྱི་ནི་རྐང་སྟབས་སྦྱར། །ཉི་མའི་གུང་ངམ་ནམ་ཕྱེད་ན། །ལས་འདི་ཉིད་ནི་བསྒྲུབ་པར་བྱ། །ལས་འདི་
D466.083.0125b06.01བྱས་ནས་ངེས་པར་ནི། །གང་ཞིག་རྒྱལ་བས་བསྲུངས་ནའང་དེས། །ངེས་པར་འཆི་ན་ཁྱབ་འཇུག་དང་། །ལྷ་ཆེན་ཚངས་པས་ཅི་ཞིག་སྨོས། །ཕྱི་རོལ་གྱི་དྲག་ཤུལ་སྤྱོད་པའི་གོ་ཆའོ། །གསོད་པའི་ཡེ་ཤེས་ལས་སྤྲུལ་པ། །ནང་གི་ཡང་ནི་བཤད་པར་བྱ། །བསྒྲུབ་བྱ་ཡིད་ཀྱིས་
D466.083.0125b07.01