完整藏文原文 · 德格版页 当前仅加载第 83 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ན་རྒྱན་རྣམས་ཐམས་ཅད་ཀྱིས། །བརྒྱན་པའི་གནོད་སྦྱིན་མོ་བཞི་དག །རིན་ཆེན་ཆར་པ་འབེབས་པར་བྱེད། །མགོ་བོའི་སྟེང་ན་སངས་རྒྱས་ལྔ། །དེ་ཡི་ཅོད་པན་བཟང་པོ་ཡི། །གཡོན་ཕྱོགས་རྩེ་ཕྲན་རྒྱན་ཡང་ཆགས། །སངས་རྒྱས་རྣམས་ཀྱི་སྤྲིན་
D466.083.0107a01.01འཕྲོ་ཞིང་། །རིན་ཆེན་ཆར་པ་འབེབས་པར་མཛད། །གང་ཞིག་ནོར་རྫས་འདོད་པ་ཡིས། །གནོད་གནས་འདི་འདྲ་བསྒོམས་བྱས་ན། །དེ་ཡིས་ས་ཆེན་ནོར་རྫས་ཀྱིས། །རིང་པོར་མི་ཐོགས་གང་བར་འགྱུར། །ལག་ན་རྡོ་རྗེས་བདུད་རྩི་ཡི། །ཆུ་ཡང་རྟག་ཏུ་དབུལ་
D466.083.0107a02.01བར་བྱ། །རིན་པོ་ཆེ་སྤྲིན་སྦྱིན་པའི་ཆར་པ་འབེབས་པའི་ཡེ་ཤེས་ཀྱི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །མ་ཡི་ཡེ་ཤེས་ལས་བསྒྲུབས་པའི། །ཉི་མའི་འོད་ལྟར་འོད་ཟེར་ཅན། །རྟ་བདུན་ལྡན་པའི་ཤིང་རྟར་བཞུགས། །འབར་བའི་དཀྱིལ་འཁོར་སྣང་མཛད་པ། །
D466.083.0107a03.01ཞལ་རས་གསུམ་པ་སྤྱན་གསུམ་ལྡན། །ཕྱག་དྲུག་ཁ་དོག་སེར་པོར་སྣང་། །ཕྱོགས་བཅུ་བསྲུང་བར་བརྩོན་པ་སྟེ། །འཇོ་སྒེག་ཚུལ་དུ་ཞལ་ཡང་བཞད། །ན་ཆུང་རྒྱན་ནི་གཡོ་བ་ཅན། །ཅོད་པན་རྫོགས་པའི་སངས་རྒྱས་ལྔ། །ཐོར་ཚུགས་མེ་ཏོག་རྣམས་ཀྱིས་
D466.083.0107a04.01བརྒྱན། །གཡས་པའི་ཕྱག་ན་རྡོ་རྗེ་སྟེ། །གཉིས་པ་ལ་ནི་ཁབ་སྐུད་བསྣམས། །གསུམ་པ་ན་ནི་མདའ་ཡང་གསོར། །གཡོན་པ་སྡིགས་མཛུབ་ཞགས་པ་ཅན། །གཉིས་པ་ཨ་ཤྭའི་ཡལ་ག་སྟེ། །གསུམ་པ་ན་ནི་གཞུ་ཉིད་དོ། །གཟུགས་བརྙན་མང་
D466.083.0107a05.01པོ་འཕྲོ་བ་ཡིས། །སྡང་བའི་སེམས་ཅན་བཅིང་བ་དང་། །མིག་དང་ཁ་ནི་འདྲུབ་པར་བྱེད། །གསང་སྔགས་བཟླས་བརྗོད་འབད་པ་དག །གལ་ཏེ་བྱང་ཆུབ་མཆོག་འདོད་ན། །ལྷ་མོ་ཧཱུྃ་མཛད་བསྒོམ་པར་བྱ། །འདི་ནི་སྒོམ་པར་བྱེད་པ་ཡིས། །དབང་དུ་སེམས་
D466.083.0107a06.01ཅན་རབ་ཏུ་འགྲོ། །སྡང་བ་རྣམས་ཀྱིས་མི་ཚུགས་པར་བྱེད་པའི་རྡོ་རྗེ་མཆོག་རབ་ཅེས་བྱ་བའི་ཏིང་ངེ་འཛིན་ཏོ། །པ་ཡི་ཡེ་ཤེས་ལས་བསྒྲུབས་པའི། །རིག་པའི་རི་ཁྲོད་ཤིང་ལོ་ཅན། །ཞལ་རས་གསུམ་པ་སྤྱན་གསུམ་པ། །ཞལ་རས་བཞད་ཅིང་ཁྲོ་དང་བཅས། །
D466.083.0107a07.01