完整藏文原文 · 德格版页 当前仅加载第 83 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྡོ་རྗེ་ལུ་གུ་རྒྱུད། །གསུམ་པ་ན་ནི་མདའ་ཡང་བསྣམས། །གཡོན་པ་བསྡིགས་པའི་མཛུབ་མོ་སྟེ། །གཉིས་པ་ན་ནི་ཞགས་པར་གསུངས། །གསུམ་པ་གཞུ་ཡང་ཐོགས་པར་བརྩོན། །སངས་རྒྱས་རྣམས་ནི་སྤྲིན་འཕྲོ་བ། །རྡོ་རྗེ་ལུ་གུ་རྒྱུད་བསྒོམས་ན། །
D466.083.0103b01.01བྱང་ཆུབ་སྐད་ཅིག་གིས་འཐོབ་ན། །དངོས་གྲུབ་གཞན་ལྟ་ཅི་ཞིག་སྨོས། །རྡོ་རྗེ་སྒྲོག་གི་ཡེ་ཤེས་ཀྱི་རྡོ་རྗེ་ལྟ་བ་ཞེས་བྱ་བའི་ཏིང་ངེ་འཛིན་ཏོ། །མཻ་ཡི་ཡེ་ཤེས་ལས་བསྒྲུབས་པ། །ཐུབ་པའི་སྐྱེས་མཆོག་བྱམས་པ་ནི། །ཞལ་རས་གསུམ་པ་སྤྱན་གསུམ་པ། །
D466.083.0103b02.01དེ་ཡི་འོག་ན་པདྨ་སྟེ། །སེམས་དཔའི་སྐྱིལ་མོ་ཀྲུང་དུ་བཞུགས། །ཕྱག་བཞི་དག་གིས་རྣམ་པར་བརྒྱན། །ཕྱག་གཉིས་ཆོས་འཆད་ཕྱག་རྒྱས་བརྒྱན། །གཡས་པ་ཡི་ནི་ཕྱག་གཉིས་པ། །སེམས་ཅན་སྐྱོབ་པ་མཆོག་འཛིན་མཛད། །གཡོན་པ་
D466.083.0103b03.01ལྷ་རྫས་ཀླུ་ཤིང་གི། །མེ་ཏོག་ཟེའུ་འབྲུའི་མགོ་ལྕོགས་བསྣམས། །སངས་རྒྱས་བྱང་ཆུབ་སེམས་དཔའ་ཡི། །སྤྲིན་ཆེན་དེ་བཞིན་འཕྲོ་བར་མཛད། །བྱམས་པའི་སྟོབས་ཀྱི་ཡེ་ཤེས་ཀྱི་རྡོ་རྗེ་རྣམ་པར་བརྒྱན་པའི་ཏིང་ངེ་འཛིན་ཏོ། །མུྃ་གྱི་ཡེ་ཤེས་ལས་
D466.083.0103b04.01བསྒྲུབས་པ། །གཞོན་ནུ་འཇམ་པ་ཚིག་གི་ལམ། །ཤེས་རབ་ཡེ་ཤེས་མཆོག་ཐོབ་པ། །ཟབ་མོ་ཚུལ་ནི་སྟོན་པ་པོ། །ཞལ་གསུམ་སྤྱན་གསུམ་ཟུར་ཕུད་གསུམ། །གཞོན་ནུ་རྒྱན་གྱིས་བརྒྱན་པ་སྟེ། །ཅོད་པན་བཟང་པོ་མི་འཁྲུགས་ཅན། །
D466.083.0103b05.01མེ་ཏོག་སྣ་ཚོགས་རྣམས་ཀྱིས་བཀླུབས། །འོག་མ་པདྨ་ཆེན་པོ་ལ། །སེམས་དཔའི་སྐྱིལ་མོ་ཀྲུང་དུ་བཞུགས། །འཇོ་སྒེག་ཐབས་ཀྱིས་རོལ་པ་སྟེ། །ཞལ་ནི་ཅུང་ཟད་བཞད་པ་ལ། །དཔའ་བོ་ཆེན་པོ་ཕྱག་དྲུག་པ། །དང་པོ་མི་འཇིགས་སྦྱིན་པར་
D466.083.0103b06.01བྱ། །གཉིས་པ་ན་ནི་རལ་གྲི་ཉིད། །གསུམ་པ་ན་ནི་མདའ་ཡང་གསོར། །དེ་བཞིན་གཡོན་པ་ཤེས་རབ་འཆང་། །གཉིས་པ་ན་ནི་ཨུཏྤལ་ཐོགས། །གསུམ་པ་ན་ནི་གཞུ་ཉིད་དོ། །ཤེས་རབ་ཡེ་ཤེས་མཆོག་གིས་བཀླུབས། །སངས་རྒྱས་རང་
D466.083.0103b07.01