完整藏文原文 · 德格版页 当前仅加载第 81 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
གསེར་གྱི་རྣ་ཆ་གཡོ་བ་ཅན། །ཞལ་བཞི་ཕྱག་བརྒྱད་འདོད་པའི་གཟུགས། །རྡོ་རྗེ་འཛིན་མའི་དཀྱིལ་འཁོར་བསྒོམ། །རྣལ་འབྱོར་མ་ནི་བཅུ་དང་བཅས། །གྲྭ་བཞིར་འབྱུང་བ་བཞི་ཡང་དགོད། །དཀྱིལ་འཁོར་འཆོག་འདི་སྐུ་ཡི་ནི། །གསང་
D448.081.0294a01.01བའི་ཡེ་ཤེས་བླ་མེད་པའོ། །དེ་ནས་གསུང་གི་དཀྱིལ་འཁོར་ནི། །བྷ་གའི་དབུས་སུ་ཟླ་བ་བསྒོམ། །དམར་པོ་བཅུ་གཉིས་ལོ་ཡི་ཚུལ། །ཕྱག་རྒྱ་ལྔ་དང་ཐོད་པས་བརྒྱན། །ཞབས་བཞི་གཡས་བརྐྱང་རོལ་བར་མཛད། །བདུད་བཞི་མཉམ་པར་(མནོན་,གནོན་)པའོ། །སྤྱི་བོར་
D448.081.0294a02.01ཨུཏྤལ་ཕྲེང་བ་བཅིངས། །གཡས་པ་སེར་པོ་ནག་པོ་དང་། །སྣ་ཚོགས་འབར་བས་རྣམ་པར་འཕྲོ། །དཀར་པོ་ལྗང་གུ་སྔོན་པོ་ནི། །གཡོན་གྱི་ཞལ་ལ་རིམ་པས་སོ། །སྟེང་ཞལ་དུད་ཀ་བུང་བུས་གཟུགས། །རལ་གྲི་ཨུཏྤལ་མདའ་བོ་ཆེ། །རྡོ་རྗེ་ཐོད་པ་དབྱུག་
D448.081.0294a03.01པ་དང་། །ཟངས་གྲི་མི་འཇིགས་ཕྱག་རྒྱའོ། །ཐོད་པ་སྡིག་མཛུབ་འདི་ལས་གཞན། །གཞུ་དང་ཁ་ཊྭཾ་ཞགས་པ་དང་། །མགོ་བོ་ནོར་བུ་བུམ་པར་བཅས། །མཆེ་གཙིགས་འདོད་པའི་གཟུགས་ཅན་མ། །ཧེ་རུ་ཀ་ཡི་སྒྲོལ་མའོ། །ཏཱྃ་ལས་ལྗང་གུ་ཞལ་གཅིག་མ། །
D448.081.0294a04.01མཆོག་སྦྱིན་ཨུཏྤལ་བསྣམས་པ་ཡི། །འདོད་པ་ཐམས་ཅད་སྦྱིན་པར་བྱ། །མི་འཇིགས་སྦྱིན་པའི་ཕྱག་རྒྱ་ཅན། །འཇིགས་པ་བརྒྱད་ལས་སྐྱོབ་པ་སྟེ། །ཡི་གེ་བརྒྱད་བཟླས་ངེས་འགྲུབ་འགྱུར། །རྡོ་རྗེ་གདོང་ལྡན་ཕྱག་གཉིས་དམར། །ཧེ་རུ་ཀ་དཔལ་
D448.081.0294a05.01ཡུམ་གྱུར་པའམ། །འཁོར་ལོ་བདེ་ཆེན་རིམ་པ་ལས། །ཡང་ན་ཧེ་རུ་ཀ་སྦྱོར་བས། །གང་ལ་དགའ་བ་དེ་འགྲུབ་འགྱུར། །ཐོད་པ་རྡོ་རྗེ་ཁྲག་འཐུང་དང་། །གྲི་གུག་ཕག་མོས་བསྣམ་པའོ། །བདུད་བཞི་པོ་ནི་རྣམ་པར་མནན། །ཐལ་བ་འཚོ་བྱེད་ཊྭཱཾ་
D448.081.0294a06.01བཅས། །བྷ་ག་ལིངྒ་ལྡོག་པར་བྱ། །རྡོ་རྗེས་བསྣུན་ནས་ཁྲག་འཐུངས་པས། །སྐད་ཅིག་གཅིག་གིས་གསོད་པར་བྱེད། །ཞགས་པ་ལྕགས་ཀྱུའི་སྦྱོར་བ་ཡིས། །བུ་མོ་ཐམས་ཅད་འགུགས་པར་འགྱུར། །ཁུ་བ་ཁྲག་དང་ཆང་དང་ནི། །གོར་གུ་ལ་སོགས་
D448.081.0294a07.01