完整藏文原文 · 德格版页 当前仅加载第 81 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱས་ནས། མི་མོ་རྣམས་ཀྱི་སྦྱོར་བ་ལ་འཇུག་སྟེ།། ལུས་འདི་ཉིད་ཀྱི་དངོས་གྲུབ་ཐོབ་པར་བྱའོ། །དེ་ལས་དགའ་བ་བཞིའི་དབྱེ་བས་སྒྲུབ་པ་པོ་ལ་རེངས་པ་དང་། རྔུལ་བ་དང་། བ་སྤུ་ལྡང་བ་དང་། དབུགས་འགྱུར་བ་དང་། འདར་བ་དང་། ཁ་དོག་ལོག་པ་དང་།
D448.081.0290b01.01མཆི་མ་འབྱུང་བ་དང་། ཐིམ་པ་ཞེས་བྱ་བ་སྙིང་སྟོབས་བརྒྱད་འབྱུང་ངོ་། །བུ་མོས་ཡེ་ཤེས་ཐོབ་པ་ནི། །སྙིང་ནི་འགུལ་ཞིང་ཐོབ་པ་དང་། །འདར་དང་དྲན་པ་ཉམས་པ་དང་། །སྐྲ་གྲོལ་གཅེར་བུ་གཤེར་བས་ཁྱབ། །མདོག་དམར་རབ་ཏུ་ཕྲ་བའི་མིག །ཡེ་ཤེས་
D448.081.0290b02.01ལྔ་ཡི་རྣམ་པར་འཕྲུལ། །བུད་མེད་ཤེས་བར་ཡེ་ཤེས་ཏེ། །དེ་ལས་ཡེ་ཤེས་ལྔ་ཐོབ་འགྱུར། །རྡོ་རྗེ་ཆུ་སྐྱེས་སྦྱོར་ལྡན་པ། །སྐུ་ཡི་རྡོ་རྗེ་སྙན་པར་བརྗོད། །རླུང་ནི་མཉམ་པར་གྱུར་བ་དང་། །སཱིཏ་ཀྱི་སྒྲ་དང་སྐད་འགྱུར་པ། །གསུང་ནི་ཉེ་བར་སྒྲུབ་པ་པོ། །སྐྱོབ་པ་
D448.081.0290b03.01ལས་ནི་རབ་ཞུ་བ། །ནོར་བུ་བཅུ་དྲུག་ཆ་བབས་ཏེ། །ཡིད་ཀྱི་བདེ་བས་གཉིས་འགག་པས། །ཐུགས་ཀྱི་དེ་ཉིད་སྒྲུབ་པར་མཛོད། །གཞུ་ཡི་གཟུགས་ཅན་རབ་སྦྱོར་བས། །དུང་དང་ཀུནྡ་ལྟར་ཐིག་ལེ། །སྡོམ་བརྩོན་བདེ་བས་གཟུང་བར་བྱ། །རང་གི་རིག་པའི་
D448.081.0290b04.01ཡེ་ཤེས་མཆོག །གྲུབ་པ་ཆེན་པོ་དེ་ཉིད་དེ། །རྣམ་ཤེས་ཡེ་ཤེས་དག་པར་བྱེད། །འདི་ཡིས་རྡོ་རྗེ་བདག་ཉིད་ཆེ། །སྐུ་གསུམ་མི་ཕྱེད་ལས་བྱུང་བའི། །ཡེ་ཤེས་རྒྱ་མཚོ་འགྲུབ་པར་འགྱུར། །ཡེ་ཤེས་ཆེན་པོ་རབ་སྦྱོར་བས། །ཤིན་ཏུ་རྣལ་འབྱོར་མཁས་པས་
D448.081.0290b05.01བསྟོད། །བུད་མེད་སྒྱུ་མའི་ཕྱག་རྒྱ་འདི། །དམ་ཚིག་རྣམས་ཀྱི་མཆོག་གི་མཆོག །ངན་ཟོས་ངན་སྤྱད་ཐམས་ཅད་ཀྱིས། །སྒྲིབ་པ་དག་ཏུ་ཡོངས་མི་འགྱུར། །དེ་སྐད་ཅེས་གསུངས་སོ། །དེ་ལ་འདི་ནི་རྣལ་འབྱོར་དང་པོའི་དམ་ཚིག་གོ། ཨུ་ཏྤལ་མི་འཇིགས་
D448.081.0290b06.01ཕྱག་རྒྱ་ཅན། །ཕྱག་གཉིས་རྣལ་འབྱོར་བསྒོམས་བྱས་ལ། །ནམ་མཁའི་དབྱིངས་ཀྱི་དབུས་གནས་པར། །དཀྱིལ་འཁོར་གྲུ་བཞི་སྒོ་བཞི་བ། །དབུས་སུ་ཀུན་ནས་ཟླུམ་པོ་སྟེ། །ལས་ཀྱི་སྣམ་བུ་ལྔ་དང་ལྡན། །ཨུཏྤལ་དམར་པོ་སིལ་མར་དགྲམ། །ཟླ་བ་ཉི་མའི་སྦྱོར་
D448.081.0290b07.01