完整藏文原文 · 德格版页 当前仅加载第 81 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
བུང་བ་ལྟ་བུར་ཨི་ཡི་སྒྲ། །ངེས་པར་བློ་དང་ལྡན་པས་བསྐུལ། །སྒེག་ཆོས་སྟབས་ཀྱིས་འཁྲུད་ནས་ནི། །མགོ་ཡི་སྐྲ་བཟུང་ལྐོག་མ་གཟིར། །མ་མཆུའི་སྦྲང་རྩི་གཞིབ་པར་བྱ། །རྡོ་རྗེ་འཁྱུད་པས་འཁྱུད་པ་དང་། །རྡོ་རྗེ་འོ་
D448.081.0290a01.01ཡིས་འོ་གདབ་ཅིང་། །སོ་དང་སེན་མོས་བསྣུན་པར་བྱ། །རྡོ་རྗེ་པདྨར་རབ་འཇུག་ཅིང་། །སྭི་ཏ་ཀྱི་སྒྲ་རྣམས་བྱེད་པ་དང་། །ནུ་མ་འཚིར་དང་སྐྱེས་པའི་ཚུལ། །སྦྱོར་བ་ཐམས་ཅད་བྱ་བར་བྱ། །ནུ་མ་སོར་མོ་རྐེ་དང་མ་མཆུ་དང་། །རྣ་བ་མིག་དང་སྤྱི་བོ་བྷ་གར་
D448.081.0290a02.01ཡང་། །འོ་བྱ་རྣ་བ་མཆན་ཁུང་རྐེ་དང་རྟགས། །སེན་མོས་གདབ་བྱུ་ནུ་མ་མཆན་ཁུང་དང་། །མཁུར་ཚོས་འགྲམ་དང་རྐང་ལག་མཐིལ་དག་ཏུ། །ཉེད་པར་བྱ་ཞིང་འཁྱུད་པའི་སྟབས་བརྒྱད་བྱ། །སོར་མོ་ལིང་ག་ལྕེ་དང་ལྕེས་བསྐྱོད་ནས། །པདྨ་བསྐུལ་ཞིང་རྩ་མཆོག་
D448.081.0290a03.01སད་པར་བྱ། །ཟབ་ཆེ་བ་དང་། ཤིན་ཏུ་ཆུང་བ་དང་། ལྷོད་པ་དང་། རྩུབ་པ་དང་། རྟག་ཏུ་འཛག་པ་དང་། དྲོད་དང་གཤེར་དང་བྲལ་བའི་བྷ་ག་ནི་སྤང་ངོ་། །དཔངས་མཐོ་བ་དང་། འཇམ་པ་དང་། སྟེང་མཉམ་པ་དང་། བརྒྱས་ཤིང་དམ་པ་དང་། ཁྲག་
D448.081.0290a04.01དང་ཁུ་བར་ལྡན་པ་དང་། སྤུ་ཉུང་བ་དང་། དུས་མ་ཡིན་པར་མི་འཛག་པ་དང་། རིང་ཞིང་སྙིང་པོ་ཟླུམ་པ་ནི་སྐལ་བ་བཟང་མོའོ། །དེ་ཡོངས་སུ་བསྐུལ་བས་ཇི་སྲིད་དུ་ཁོང་ནས་སཱིཏ་ཀྱི་སྒྲ་འབྱུང་བ་དེ་སྲིད་དུའོ། །ཧཿཞེས་བྱ་བས་མཆོག་ཏུ་དགའ་བའི་ཚེ་བཅིང་བར་བྱའོ། །ཡང་
D448.081.0290a05.01ན། ཧཱུྃ་ཞེས་བྱ་བ་སྙིང་ག་ལ་གནས་པའི་སྒྲ་ཡིས་སོ། །ཡང་ན་ཧྲིཾ་ཧ་ཞེས་བྱ་བ་མགྲིན་པ་ལ་གནས་པའི་སྒྲ་ཡིས་སོ། །ཧཱུྃ་དང་ཕཊཿཀྱི་བྱ་བ་དང་། མདའ་བོ་ཆེའི་སྦྱོང་བ་བྱས་ལ་ཁུ་བ་བཅིང་བར་བྱའོ། །གཞན་ཡང་ཆ་བཞི་བའི་ཕྱེད་ཀྱི་མཚམས་སུ་ལྷན་ཅིག་སྐྱེས་པ་
D448.081.0290a06.01བསྒོམས་པར་བྱ་སྟེ། གལ་ཏེ་བྷ་གའི་ཟེའུ་འབྲུ་ལ་གནས་པའི་ཐིག་ལེ་ཡང་རྡོ་རྗེའི་ཁས་བཏུང་བར་བྱའོ། །སྐོར་བ་ལ་སོགས་པའི་སྦྱར་བ་དང་། རླུང་གིས་སྦྱོར་བས་མཉམ་པར་བྱའོ། །འདི་ལ་དགང་བ་དང་། གཞིལ་བ་དང་། རེངས་པ་དང་། བུམ་པ་ཅན་གྱི་སྦྱོར་བས་དག
D448.081.0290a07.01