完整藏文原文 · 德格版页 当前仅加载第 81 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
བུམ་པ་རྣམས་དགོད་པ། །སྔགས་རྒྱུད་བདག་པོས་ཤེས་བྱས་པ། །རྡོ་རྗེ་སེམས་དཔའི་ཏིང་འཛིན་གནས། །བརྟན་པའི་བློས་ནི་བརྟག་པར་བྱ། །དངོས་གྲུབ་ཀུན་འབྲས་འདོད་པ་ཡི། །སྔགས་ཤེས་པས་ནི་སྦྱིན་སྲེག་བྱ། །བཤང་གཅི་འབྲུ་མར་ཤ་ལ་སོགས། །བསྲེག་རྫས་
D442.081.0134b01.01དག་ནི་དབུལ་བར་བྱ། །རྡོ་རྗེ་མི་ཕྱེད་གསུམ་འཁོར་ལོ། །རྡོ་རྗེ་གསང་བའི་སྦྱིན་སྲེག་དབུལ། །དབུས་སུ་རང་གི་ལྷ་ཡི་གཟུགས། །བསམས་ཏེ་ཞལ་དུ་དབབ་པར་བྱ། །འདི་སྐད་ཀྱང་གསུངས་སོ། །དབང་པོ་གཉིས་ནི་རབ་སྦྱོར་བས། །བརྒྱ་རྩ་བརྒྱད་ནི་སྦྱིན་སྲེག་བྱ། །
D442.081.0134b02.01འདི་ནི་སངས་རྒྱས་ཐམས་ཅད་ཀྱི། །དམ་ཚིག་ཤིན་ཏུ་འདའ་དཀའ་བའོ། །རྣམ་པར་སྣང་མཛད་སྦྱོར་བ་ཡིས། །སློབ་མ་རྡོ་རྗེ་གསུམ་ལས་བྱུང་། །ཨཱཿཡིག་ལུས་དང་ངག་སེམས་ལ། །བསྒོམས་ནས་རྡོ་རྗེ་འཛིན་པར་བྱེད། །རྒྱལ་ཆེན་རྡོ་རྗེ་སེམས་དཔའ་དང་། །གྲགས་ཆེན་
D442.081.0134b03.01རྣམ་པར་སྣང་མཛད་ནི། །སྐུ་གསུང་ཐུགས་ཀྱི་དམ་ཚིག་ཏུ། །བྱིན་གྱིས་བརླབས་ནི་རབ་ཏུ་སྩོལ། །དེ་ལ་འདི་ནི་དཀྱིལ་འཁོར་ཆེན་པོར་གཞུག་པའི་རྡོ་རྗེའི་དམ་ཚིག་གོ། །ཨཱཿཁྃ་བཱི་ར་ཧཱུྃ། འདི་ནི་དམ་ཚིག་ཐམས་ཅད་ཀྱི་ལུས་དང་ངག་དང་སེམས་ཀྱི་སྙིང་པོའི་སྔགས་ཀྱི་རྒྱལ་
D442.081.0134b04.01པོའོ། །དེ་ལ་འདི་ནི་རྡོ་རྗེ་ཆེན་པོ་དབང་བསྐུར་བའི་གསང་བའི་ཡེ་ཤེས་གསང་ཆེན་ནོ། །སངས་རྒྱས་ཀུན་གྱིས་ནམ་མཁའི་ཁམས། །ཡོངས་སུ་གང་བར་རབ་ཏུ་བསྒོམ། །རྡོ་རྗེའི་བློ་ཡིས་སིལ་སྙན་དང་། །དྲི་སོགས་དམ་ཚིག་སྤྲིན་ཚོགས་བསྒོམ། །འདི་སྐད་ཀྱང་གསུངས་སོ། །
D442.081.0134b05.01རྡོ་རྗེ་སྐུ་གསུམ་སྔགས་ཀྱིས་ནི། །ཡུངས་ཀར་བརྟུལ་ཞུགས་ཅན་གྱིས་བརྡེག །དེ་ལ་དེ་ཡི་ཚེ་ན་ནི། །རང་ཉིད་དབང་བསྐུར་རབ་ཏུ་སྩོལ། །ཡང་ནི་རྡོ་རྗེ་སེམས་དཔའ་ཡིས། །ཏིང་ངེ་འཛིན་གྱིས་སངས་རྒྱས་བསྒོམ། །བུམ་པ་དམ་ཚིག་མཆོག་རྣམས་ཀྱིས། །བཟུང་བར་
D442.081.0134b06.01མཁས་པས་བསྒོམ་པར་བྱ། །རྟག་ཏུ་སློབ་མ་བློ་བརྟན་པ། །རྡོ་རྗེ་རྣམ་པར་སྣང་མཛད་བསམ། །ལུས་དང་ངག་སེམས་རྡོ་རྗེ་ཅན། །སྔགས་ཤེས་པས་ནི་དགོད་པར་བྱ། །དེ་ལ་འདི་ནི་དབང་བསྐུར་བ་ཐམས་ཅད་ཀྱི་གསང་ཆེན་ཏེ། སློབ་དཔོན་ཐམས་ཅད་ཀྱིས་རྡོ་རྗེའི་ཚིག་ཏུ་སྨྲ་
D442.081.0134b07.01