完整藏文原文 · 德格版页 当前仅加载第 81 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
དྲུང་། །མངོན་པར་སྤྱོད་པ་བརྩམ་པར་བྱ། །མི་རུས་ལས་བྱས་ཕུར་བུ་ནི། །སོར་བརྒྱད་པ་ཡི་ཚད་དག་ལ། །བརྒྱ་རྩ་བརྒྱད་དུ་བཟླས་བྱས་ཏེ། །དགྲ་ཡི་སྒོ་ཁར་སྦས་ན་ནི། །སངས་རྒྱས་སྐུ་གསུམ་མཆོག་སྦྱིན་པ། །ཤེས་དང་མི་ཤེས་རྣམ་སྤངས་པ། །ཟླ་
D442.081.0124a01.01བ་ཕྱེད་ནང་རྫོགས་པ་ཡིས། །ཉམས་སམ་ཡང་ན་འཆི་བར་འགྱུར། །ཡང་ན་ཐོད་པ་གང་བ་དག །ཁྱད་པར་དུ་ནི་མཁས་པས་བཙལ། །དེར་ནི་སྔགས་ཀྱི་ཚིག་བྲིས་ཏེ། །རྡོ་རྗེའི་ཚིག་གིས་བཟླས་པ་བྱ། །དགྲ་ཡི་སྒོ་འམ་གྲོང་དག་ཏུ། །སྦས་ན་ངེས་པར་སྐྲོད་པར་འགྱུར། །
D442.081.0124a02.01ཏ་ལའི་ལོ་མའམ་གཞན་དག་ལ། །ཁྲོ་བོའི་སྔགས་ནི་ཀུན་བྲིས་ལ། །དགྲ་ཡི་ཁྱིམ་མམ་སྒོ་དག་ཏུ། །སྦས་ན་སྐམས་ཤིང་འཆི་བར་འགྱུར། །བཅོམ་ལྡན་འདས་དམ་ཚིག་ཆེན་པོའི་རྒྱུའི་རྡོ་རྗེས་དེ་སྐད་ཅེས་བཀའ་སྩལ་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་
D442.081.0124a03.01ཅད་ཀྱི་ལུས་དང་ངག་དང་ཡིད་ངེས་པར་འཆིང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁམས་གསུམ་པ་ཐམས་ཅད་ཀྱི་ལུས་དང་ངག་དང་ཡིད་ཕུར་བུས་གདབ་པའི་སྔགས་རྡོ་རྗེ་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨོཾ་གྷ་གྷ། སྷཱ་ཏ་ཡ་གྷཱ་ཏ་ཡ། སརྦ་དུཥྚྲན་
D442.081.0124a04.01ཕཊ་ཕཊ། ཀཱི་ལ་ཡ་ཀཱི་ལ་ཡ། སརྦ་པཱ་པྃ་ཕཊ་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡ་བཱཀྩིཏྟ་བཛྲ། ཀཱི་ལ་ཡ་ཧཱུྃ་ཧཱུྃ་ཧཱུྃ་ཕཊ་ཕཊ། དེ་ནས་འདི་ནི་གསུངས་ཙམ་གྱིས། །རྡོ་རྗེ་རྫུ་འཕྲུལ་ཆེན་པོ་ཀུན། །བརྒྱལ་ཞིང་རབ་ཏུ་འཇིགས་གྱུར་ནས། །ནམ་མཁའ་རྡོ་རྗེ་
D442.081.0124a05.01ཐུགས་དྲན་གྱུར། །མི་རུས་ལས་བྱས་ཕུར་བུ་འམ། །ཡང་ན་སེང་ལྡེང་མཆོག་ལས་སྐྱེས། །ལྕགས་ལས་བྱས་པའི་ཕུར་བུ་དག །རྡོ་རྗེ་སྐུ་གསུམ་འཇིག་པར་བྱེད། །རྡོ་རྗེ་སེམས་དཔའ་མཉམ་གཞག་ལ། །འོད་འཕྲོ་འཁྲུག་ཅིང་མདངས་བཟང་བ། །རྡོ་རྗེ་སྐུ་ནི་གསུམ་གྱི་
D442.081.0124a06.01མཐར། །གཟུགས་ནི་བསམས་ནས་སྦྱར་བར་བྱ། །རྣམ་པར་སྣང་མཛད་ཕྱག་རྒྱ་ཆེ། །ཡང་ན་འདོད་ཆགས་རྡོ་རྗེ་ཅན། །གཤིན་རྗེ་གཤེད་ཀྱི་ཕྱག་རྒྱ་ཆེ། །བསམས་ན་རྡོ་རྗེ་གསུམ་ཕུར་བུ། །རྡོ་རྗེ་བདུད་རྩི་འཁྱིལ་བ་ཡིས། །གདུག་པའི་ཁྲོ་བོ་ཚར་གཅོད་པ། །རྡོ་རྗེའི་
D442.081.0124a07.01