完整藏文原文 · 德格版页 当前仅加载第 81 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་ཏོ། །དེ་ནས་རྒྱལ་པོ་རྡོ་རྗེ་འཛིན། །ཐམས་ཅད་ནམ་མཁའ་ཐུབ་ཆེན་པོ། །ཐམས་ཅད་དབང་བསྐུར་རྫོགས་སངས་རྒྱས། །ཡེ་ཤེས་རྡོ་རྗེས་བཀའ་སྩལ་པ། །ཨེ་མའོ་ངོ་བོ་ཉིད་ཀྱིས་དག །རྡོ་རྗེ་ཐེག་པ་བླ་ན་མེད། །མ་སྐྱེས་པ་ཡི་ཆོས་རྣམས་ལ། །རྒྱལ་བ་རྣམས་ཀྱིས་སྐྱེ་བར་
D442.081.0129b01.01བསྟན། །དེ་ལ་འདི་ནི་ལས་ཕྲན་ཚེགས་ཀྱི་རྡོ་རྗེ་གསང་བའོ། །སྦྲུལ་ནི་མི་སྡུག་འཇིགས་བྱེད་པ། །ནག་པོ་འབར་བ་འཁྲུག་ཅིང་ཁྲོ། །ལྕེ་གཉིས་མཆེ་བའི་ཕྲེང་བ་ཅན། །རྡོ་རྒྱུས་དག་གམ་སོལ་བས་བྲིས། །དེ་ལ་འདི་ནི་ཀླུ་ཁྲོ་བོ་སྐུལ་བའི་སྙིང་པོའོ། །ཁྃ། ཁ་ཡི་ནང་དུ་དེ་བསམ་ཞིང་། །
D442.081.0129b02.01དུག་ནི་ཧ་ལ་ཧ་ལ་འདྲ། །སྲེག་པ་མེ་ཡི་ཁ་དོག་དང་། །བསྒོམས་ན་འགུལ་བར་གདོན་མི་ཟ། །དེ་ལ་འདི་ནི་དུག་ཐམས་ཅད་དགུག་པའི་སྙིང་པོའོ། །ཧྲཱིཿ། རྣམ་པ་སྣ་ཚོགས་ལས་བྱུང་དུག །ཁམས་གསུམ་ན་ནི་གནས་པ་ཀུན། །དེ་ཡིས་ཁྱེར་བར་བསྒོམས་ནས་ནི། །བབ་པར་
D442.081.0129b03.01གྱུར་པར་རྣམ་པར་བསམ། །དེ་ནི་དེ་མ་ཐག་ཉིད་དུ། །དུག་གི་རྒྱ་མཚོ་མི་བཟད་འགྱུར། །རེག་མ་ཐག་ཏུ་འགྲོ་བ་ཀུན། །འཇིག་པ་འདི་ལ་ཐེ་ཚོམ་མེད། །སྡིག་པ་སྦལ་པ་ལ་སོགས་དང་། །སྦྲུལ་རྣམས་སྣ་ཚོགས་པ་དག་ལའང་། །ཆོ་ག་བཞིན་དུ་རབ་ཏུ་བྱ། །སྦྱོར་བ་
D442.081.0129b04.01འབྱུང་བའི་མཚན་ཉིད་ཀྱིས། །དེ་ལ་འདི་ནི་དུག་ཐམས་ཅད་འཕོ་བའི་སྙིང་པོའོ། །ཨོཾ། ལྟ་བ་རྡོ་རྗེའི་དུག་ལ་སོགས། །གཞན་ཡང་མི་བཟད་པ་ཡི་དུག །ནམ་མཁའ་རྡོ་རྗེའི་དཀྱིལ་འཁོར་དུ། །ཡེ་ཤེས་རྡོ་རྗེས་བཀུག་ནས་འཇུག །བཅོམ་ལྡན་འདས་དུག་གི་དམ་ཚིག་
D442.081.0129b05.01ཆེན་པོ་རྡོ་རྗེས་དེ་སྐད་ཅེས་བཀའ་སྩལ་ཏོ། །དེ་ལ་འདི་ནི་དུག་གསོ་བའི་དམ་ཚིག་རྡོ་རྗེའི་སྙིང་པོའོ། །ཧཱུྃ། སྙིང་པོ་འདི་ནི་རྡོ་རྗེ་ཆེ། །ཁ་དོག་དཀར་པོར་རྣམ་པར་བསྒོམ། །འོད་ཀྱི་སྤྲིན་ནི་ཆེར་འབར་བ། །ཟླ་བའི་འོད་ཟེར་བཞིན་དུ་བསིལ། །གནས་བཞི་དག་ཏུ་སྦྱོར་བ་ཡིས། །
D442.081.0129b06.01དེ་མ་ཐག་ཏུ་སྡུད་པས་ལྡང་། །ལན་གཉིས་ལན་གསུམ་རབ་བསྒོམས་ནས། །སྐྱུགས་པ་དག་ཏུ་རྣམ་བསམས་ན། །ནམ་མཁའི་ཁམས་ཀུན་གང་བ་ཡང་། །སྐད་ཅིག་གིས་ནི་དུག་མེད་བྱེད། །ཞེས་དེ་སྐད་ཅེས་ཀྱང་བཀའ་སྩལ་ཏོ། །དེ་ལ་འདི་ནི་ཉེ་བའི་དུག་ཐམས་ཅད་
D442.081.0129b07.01