rdo rje A ra li zhes bya ba'i rgyud kyi rgyal po chen po/
当前为德格木刻版 174b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 174b
- 可引用原文
- 7 行
- 全文规模
- 全经 71 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 80 函 · 德格 174b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྦྱིན་པར་བྱ། །ཤིན་ཏུ་མཛེས་ཤིང་གོས་མཛེས་པ། །བྲིས་སྐུར་གནས་པ་ལེགས་གྲུབ་ཕྱིར། །འདི་ཉིད་ཀྱི་ནི་ཆོ་ག་ཡིས། །གནོད་སྦྱིན་མོ་ནི་དགུག་པར་བྱ། །བྲིས་སྐུ་ཉིད་ནི་གནོད་སྦྱིན་མོ། །སྔ་བར་བྱིན་ནས་འགྲོ་བར་འགྱུར། །དེ་ཡི་རྒྱན་རྣམས་ཐམས་ཅད་ནི། །གང་ཞིག་ཅུང་ཟད་རྒྱན་རྣམས་ཀུན། །སྔ་བ་རུ་ནི་བླང་བར་བྱ། །གལ་ཏེ་འདོད་ན་མཚན་མོ་ལ། །མེ་ཏོག་གིས་ནི་མཆོད་པར་བྱ། །དེ་ནས་རྡོ་རྗེ་རོ་ལངས་ཀྱི་བསྒྲུབ་པ་བཀའ་སྩལ་པ། མ་ཆད་རྨ་མེད་གང་བ་ནི། །ལེགས་པར་བརྟུལ་ཞུགས་
ཅན་གྱིས་བཀྲུ། །མར་ཁུ་ཆེན་པོས་བྱུག་པ་དང་། །བདུག་པ་ཆེན་པོས་བདུག་པར་བྱ། །དཀྱིལ་འཁོར་ཆེན་པོའི་ཤར་ཕྱོགས་སུ། །མར་ཁུ་ཆེན་པོའི་མར་མེ་དབུལ། །ང་ཡིས་ཁྱོད་ལ་ཅི་གསུངས་པའི། །དེ་ལ་དཀྱིལ་འཁོར་བཞེངས་པར་བྱ། །ཡུངས་ཀར་རོ་ལ་བརྡེག་བྱ་ཞིང་། །སྒྲ་ནི་རི་བོར་ཡང་དག་བརྗོད། །དེ་ལ་མཁས་པས་འཇིགས་མི་བྱ། །ཨོྃ་ཛྭ་ལ་ཛྭ་ལ་བྷྱོ་ཧཱུྃ་བརྗོད་པར་བྱའོ། །དེས་ནི་ཅི་ཞིག་སྦྱིན་ཞེས་སྨྲ། །སྒྲུབ་པོས་དེ་ལ་བླང་བར་བྱ། །རྐང་བྱུག་དང་ནི་མིག་སྨན་ཉིད། །རལ་གྲི་དང་ནི་ས་འོག་དང་། །
རིལ་བུ་མཁའ་ལ་སྤྱོད་པ་ཉིད། །ཐམས་ཅད་སྦྱིན་པར་ཐེ་ཚོམ་མེད། །དེ་ནས་ཚོགས་ཀྱི་དཀྱིལ་འཁོར་བཀའ་སྩལ་པ། གོང་གི་བསམ་གཏན་བྱས་ནས་ནི། །དེ་ལ་སྔགས་ནི་བཟླ་བར་བྱ། །རང་གིས་ཧེ་རུ་ཀ་ཡི་ནི། །རྣལ་འབྱོར་གྱིས་ནི་བདག་ཉིད་དུ། །ཚོགས་ཀྱི་དཀྱིལ་འཁོར་འགྲུབ་པར་འགྱུར། །གཙང་ཞིང་དབེན་པའི་ས་ཕྱོགས་དང་། །ཞི་ཞིང་དགེ་བའི་གནས་སུ་ནི། །རྣལ་འབྱོར་པ་ཡིས་བཟའ་བར་བྱ། །ཚོགས་ཀྱི་དཀྱིལ་འཁོར་འདི་ཉིད་དུ། །དཔལ་ལྡན་ཧེ་རུ་ཀ་ཡི་ནི། །ཨཱ་ར་ལི་ཞེས་བྱ་བའི་
མཚན། །ཟ་བ་ན་ནི་གཏམ་སྨྲ་བྱ། །རི་ཡི་རྒྱལ་པོའི་མགོར་གནས་པ། །ཚོགས་ཀྱིས་དག་པའི་སེམས་ཀྱིས་བསྐོར། །དེ་ཡང་ཚོགས་ཀྱི་དཀྱིལ་འཁོར་འདིར། །འགྲུབ་འགྱུར་གང་ཕྱིར་འདི་ཉིད་དུ། །མཆོད་པས་གྲུབ་པར་ཤེས་མི་འགྱུར། །དེ་ཡི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D426
- 德格版页
- 174b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0426 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。