完整藏文原文 · 德格版页 当前仅加载第 80 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
པ། །ཕྱག་རྒྱ་ལྡན་པའི་སློབ་དཔོན་གྱིས། །དེ་ལ་དབང་བསྐུར་སྦྱིན་པར་བྱ། །དབང་བསྐུར་དེ་ཡི་ཕྱི་ནས་ནི། །དེ་ཉིད་འདི་ནི་རབ་ཏུ་དབྱེ། །དེ་ཉིད་བདེ་བ་ཆེན་པོ་སྟེ། །ཐམས་ཅད་ལུས་ལ་རྣམ་པར་གནས། །འདི་ཉིད་ཡེ་ཤེས་ཆེན་པོ་སྟེ། །
D426.080.0172a01.01མཆོག་ཏུ་དགའ་བའི་རང་བཞིན་ཅན། །དེ་ནས་སྦྱིན་སྲེག་བཀའ་སྩལ་པ། །ཁྲུ་གང་ཙམ་པའི་ཚད་དང་ནི། །ཁྲུ་ཕྱེད་ས་ལ་བརྐོ་བར་བྱ། །རྡུལ་ཚོན་དཀར་པོ་ལྡན་པར་ནི། །རྣམ་པར་མཁས་པས་ཐབ་ཁུང་བྱ། །གསུངས་པའི་སྔགས་ཀྱིས་ངེས་པར་ནི། །དེར་ནི་ཤ་
D426.080.0172a02.01སོགས་སྦྱིན་སྲེག་བྱ། །མེ་ནི་ལྷ་ཡི་སྤྱན་ཉིད་དེ། །འདོད་པའི་དོན་ཀུན་སྒྲུབ་པའོ། །དེ་ནས་དཀྱིལ་འཁོར་བཀའ་སྩལ་པ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །ཀ་བ་བརྒྱད་དང་ཡང་དག་ལྡན། །མཁས་པས་དཀྱིལ་འཁོར་བྲི་བར་
D426.080.0172a03.01བྱ། །དུར་ཁྲོད་སོལ་བ་སོ་ཕག་དང་། །ལྡོང་རོས་ཕྱེ་མ་ཉིད་དང་ཡང་། །ལྗང་ཁུ་ཡི་ཡང་ཕྱེ་མ་ཉིད། །དཀྱིལ་འཁོར་ལ་ནི་མཁས་པས་བསྔགས། །དབུས་སུ་གསུམ་ལ་རྡོ་རྗེ་བྲི། །ཤར་གྱི་སྒོ་རུ་མགོ་ཆེན་པོ། །ལྷོ་རུ་རྡོ་རྗེ་དྲིལ་བུ་ཉིད། །དེ་བཞིན་ནུབ་ཏུ་དགྲ་སྟ་སྟེ། །
D426.080.0172a04.01བྱང་དུ་གྲི་གུག་དགེ་བ་ཉིད། །རྡོ་རྗེ་དཀྱིལ་འཁོར་དུ་ནི་བྲི། །ཆོས་དོན་འདོད་དང་ཐར་པ་ལ། །དཀྱིལ་འཁོར་འདི་ནི་རབ་ཏུ་དབྱེ། །དཀྱིལ་འཁོར་བཞེངས་པར་བྱས་ནས་ནི། །དེར་ནི་སློབ་མ་གཞུག་པར་བྱ། །རས་ཀྱིས་གདོང་ནི་བཅིངས་ནས་ནི། །བཀྲོལ་ནས་དཀྱིལ་
D426.080.0172a05.01འཁོར་བསྟན་པར་བྱ། །རྡོ་རྗེ་ཨཱ་ར་ལི་ལས་ལས་ཐམས་ཅད་པའི་ལེའུ་སྟེ་གསུམ་པའོ།། །།མངོན་པར་ཤེས་པ་བཀའ་སྩལ་པ། །ལྷ་ཡི་མིག་དང་རྣ་བ་དང་། །དེ་བཞིན་གཞན་སེམས་ཤེས་པ་ཉིད། །སྔོན་གྱི་གནས་རྗེས་དྲན་པ་དང་། །དེ་བཞིན་རྫུ་འཕྲུལ་མངོན་
D426.080.0172a06.01ཤེས་ཉིད། །ཧེ་རུ་ཀ་ཡི་དབྱིབས་བསྒོམས་ན། །ཡོ་གི་མངོན་ཤེས་ལྔ་རུ་འགྱུར། །ཤིན་ཏུ་གོམས་པའི་རྣལ་འབྱོར་གྱིས། །ཧེ་རུ་ཀར་ནི་ངང་གིས་འགྱུར། །བསམ་གཏན་ལས་ནི་ནུས་སྐྱེས་ནས། །ཕྱིས་ནི་སྤྱོད་པ་ཡང་དག་བརྩམ། །ཡིད་ནི་བརྟན་ནམ་གཡོའམ་
D426.080.0172a07.01