完整藏文原文 · 德格版页 当前仅加载第 80 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
འདྲི་བར་བྱའོ། །དེ་ནས་རྡོ་རྗེའི་མཆོད་པ་བཀའ་སྩལ་པ། བས་མཐའ་དང་ནི་དབེན་པ་དང་། །བདག་གི་ཁྱིམ་གྱི་ནང་དུ་ཡང་། །ལོ་ནི་བཅུ་གསུམ་དེ་བཞིན་དུ། །ལོ་ནི་བཅུ་དྲུག་བུ་མོ་དང་། །ཉི་ཤུ་རྩ་ལྔ་མ་མཆོད་བྱ། །བ་དང་དེ་བཞིན་
D426.080.0173a01.01མ་ཏེ་དང་། །སྟེའུ་མོ་དང་ཁྱི་མོ་དང་། །བོང་མོ་དེ་བཞིན་རྔ་མོ་དང་། །ཤ་བ་དང་ནི་ར་མ་ཉིད། །ཕག་དང་བ་མན་ལས་བྱུང་བ། །གཞན་ཡང་ཧེ་རུ་ཀ་མཆོད་ན། །འགྲུབ་པ་ཉིད་དུ་ཐེ་ཚོམ་མེད། །ཉ་དང་ཟླ་བ་འཕོ་བ་ཡི། །ཚེས་ནི་མུ་སྟེགས་ཅན་གྱིས་བརྟགས། །
D426.080.0173a02.01དྲི་མ་གཞིག་པར་བྱ་བའི་ཕྱིར། །རྣལ་འབྱོར་པས་ནི་མྱང་བར་བྱ། །སྲོག་ཆགས་རྣམས་ནི་གསད་མི་བྱ། །{བརྫུན་,རྫུན་}གྱི་ཚིག་ནི་སྨྲ་མི་བྱ། །མ་བྱིན་པར་ནི་བླང་མི་བྱ། །ཕ་རོལ་བུད་མེད་བསྟེན་མི་བྱ། །ཉིན་པར་ཉལ་ཞིང་མཚན་མོ་ལངས། །ཤིན་ཏུ་མཉམ་པར་
D426.080.0173a03.01བཞག་པས་འདུག །ཤ་ཆེན་དང་ནི་རུས་པ་དང་། །ཁྲག་ནི་ཆེན་པོ་བཏུང་བ་དང་། །ཁུ་ཆེན་ཡང་དག་བཟའ་བ་དང་། །དེ་བཞིན་རྣམ་སྣང་ཆེན་པོ་ཉིད། །བྲམ་ཟེ་མོ་དང་གཡུང་མོ་ཉིད། །གར་མ་དེ་བཞིན་བཙོ་བླག་མ། །ཐོད་ཅན་མ་དང་ཀོ་ལྤགས་མཁན། །
D426.080.0173a04.01གདོལ་པ་དེ་བཞིན་ཕྱག་དར་མ། །རྩྭ་འཚོང་མ་དང་ཤན་མ་ཉིད། །དེ་བཞིན་ཀླ་ཀློ་ལ་སོགས་དང་། །སྨིག་མཁན་དང་ནི་ཆང་འཚོང་མ། །གཞན་ཡང་ཟླ་མཚན་འཛག་པ་ཉིད། །མ་དང་སྲིང་མོ་བུ་མོ་དང་། །སྲིང་མོ་ལས་བྱུང་བུ་མོ་ཉིད། །གཞན་གྱི་བུ་མོ་
D426.080.0173a05.01སྤང་མི་བྱ། །རྗེའུ་རིགས་མངོན་དགའ་མི་བྱ་སྟེ། །བགྲོད་བྱའི་བུ་མོ་རྟག་སྤངས་ནས། །བགྲོད་མིན་མཁས་པས་བསྟེན་པར་བྱ། །རྡོ་རྗེ་ཨཱ་ར་ལི་ལས་འཁྲུལ་འཁོར་དང་། ལས་ཀྱི་ཕྱག་རྒྱ་བསྟན་པའི་ལེའུ་སྟེ་ལྔ་པའོ།། །།དེ་ནས་དམ་ཚིག་གི་བག་
D426.080.0173a06.01དབབ་པ་བཀའ་སྩལ་པ། ཉན་ཐོས་སྐལ་བ་ངན་པ་ལ། །བག་ནི་དབབ་པར་མི་བྱ་ཞིང་། །དེ་བཞིན་གཅེར་བུ་ཐོད་དུམ་དང་། །རལ་པ་ཅན་ནི་ཐམས་ཅད་ལ། །དམ་ཚིག་བག་ནི་དབབ་མི་བྱ། །སྙིང་རྗེ་ཡིས་ནི་བདག་ཉིད་ཅན། །གལ་ཏེ་ཡིན་ན་བཟའ་
D426.080.0173a07.01