完整藏文原文 · 德格版页 当前仅加载第 79 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུང་། །།དོན་ཀུན་རྣལ་འབྱོར་ཀུན་གྱིས་ནི། །མཛེས་པར་སྐུ་གཟུགས་མཆོད་པར་བྱ། །ཤ་དང་ཆང་དག་རབ་ཏུ་བཀང་། །རོ་ཡི་སྟེང་དུ་ཡང་དག་གནས། །པར་པ་ཊི་ཀཱ་ཤཾ་ཀུ་ལི། །མཆོད་པ་ཀུན་གྱིས་དགྱེས་པར་བྱ། །མེ་ཏོག་སྤོས་དང་མར་མེ་དང་། །དྲི་ཉིད་དང་ནི་
D376.079.0050b01.01རྣམ་པ་བཞི། །གླུ་དབྱངས་དེ་བཞིན་གར་དག་དང་། །སྒྲུབ་པོས་པ་ཊ་ཧ་སོགས་ཏེ། །སྐུ་ལ་སོགས་པ་འདི་རྣམས་ལ། །རབ་གནས་ཆེན་པོ་བྱ་བ་ཡིན། །ཡ་ཨིྃ་ཨཾ་ཧིཾ་ཡ་ཨི་ཨཾ། །ཛེ་ཨིཛྫ་ཨི་མཱ་ཨ་ཨུཾ། །མཱ་ཨ་ཨུཾ་མཱ་ཨདྷ་མྨུ་པཱ། །པིཛྫ་ཨི་ཙིཏྟ་ཡཾ་མུ། །ཙིཎྚིཛྫ་
D376.079.0050b02.01ཨཻ་ས་ཨེ་ལ། །སཏྟྲཱཏྠུ་ཀི་རི་ཛྫ་ཨི། །གླུ་འདི་དག་ནི་བླངས་པ་ཡིས། །དབང་རྣམས་ཀུན་ཀྱང་བླང་བ་སྟེ། །ཆོས་རྣམས་ཐམས་ཅད་ཡང་དག་རྫོགས། །དེ་བཞིན་གཤེགས་པ་ཀུན་གྱི་གཞི། །མཆོད་པ་ཀུན་གྱི་སྤྲིན་ཆེན་མོ། །སྤྲོ་ཞིང་བསྡུ་བར་བརྗོད་པའོ། །
D376.079.0050b03.01ང་ཡིས་རབ་གནས་བཤད་པ་ནི། །རྒྱུད་གཞན་ལས་ནི་རྙེད་པར་དཀའ། །རྣལ་འབྱོར་མ་བཞིའི་ཁ་སྦྱོར་ལས་སྦྱིན་སྲེག་རབ་གནས་ཀྱི་བརྟག་པ་སྟེ་ལྔ་པའོ།། །།དེ་ནས་མདོར་བསྡུས་རབ་བཤད་པ། །དེ་ཉིད་གཏན་ལ་དབབ་པའི་མཆོག །རྟག་ཏུ་སེམས་
D376.079.0050b04.01ནི་རྣམ་རྟོག་མེད། །རྣམ་རྟོག་བཅས་པས་ཅི་ལྟར་འགྱུར། །ཅི་ལྟར་མེ་དག་རབ་འབར་བ། །རྟག་ཏུ་ཤིང་རྣམས་ཚིག་པར་བརྗོད། །དེ་ལ་ཚིག་པ་ཤིང་རྣམས་ཏེ། །འདི་ཡིས་ཚིག་པར་མཐོང་བ་ཡིན། །དེ་ཡིས་ཚིག་པ་ཇི་བཞིན་དུ། །བློ་ལྡན་རྣམ་རྟོག་མེད་པ་ཡིས། །
D376.079.0050b05.01ཕུང་པོ་ལྔ་ཡི་ཤིང་རྣམས་ཏེ། །དེ་བཞིན་གཟུགས་ཀྱི་ཕུང་པོ་ཉིད། །རུས་པ་རྐང་དང་བད་ཀན་དང་། །ཁྲག་དང་ཁུ་བ་དྲི་ཆེན་དག །མིག་གཉིས་དེ་བཞིན་རྣ་བ་དང་། །དེ་བཞིན་དུ་ནི་སྣ་ཉིད་དང་། །ས་དང་ཆུ་དང་དེ་བཞིན་མེ། །རླུང་དང་ནམ་མཁའ་ཉིད་དག་དང་། །འབྱུང་
D376.079.0050b06.01པ་ལྔ་པོ་ཐམས་ཅད་ལ། །དེ་ཉིད་ཉི་ཤུ་རྩ་ལྔ་དག །དེ་ཡི་གནས་ནི་བྱེ་བྲག་ཏུ། །ང་ཡིས་བྱེ་བྲག་བརྗོད་པ་སྟེ། །ལྟེ་བར་གནས་པའི་འཁོར་ལོ་ཆོས། །འདབ་མ་དྲུག་ཅུ་བཞི་དང་ལྡན། །ཤེས་རབ་གནས་སུ་རབ་ཏུ་གསུངས། །ཟླ་བའི་གཟུགས་བཞིན་གསལ་བ་སྟེ། །དེ་
D376.079.0050b07.01