完整藏文原文 · 德格版页 当前仅加载第 79 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །དགའ་བ་མྱ་ངན་ལྡན་པ་སྟེ། །དེ་ལས་འབྱུང་བར་འགྱུར་བ་ནི། །སོ་སོར་སྐྱེ་བ་སྨྲ་བ་སྟེ། །དེ་བཞིན་ཆོས་དག་ཟབ་མོ་ཉིད། །སངས་རྒྱས་རྣམས་ཀྱིས་སངས་རྒྱས་བརྗོད། །དེ་ཉིད་འདི་རྣམས་མཉམ་བཤད་པ། །སུམ་ཅུ་པ་སྟེ་
D376.079.0050a01.01རྙེད་པར་དཀའ། །རྣལ་འབྱོར་མ་བཞིའི་ཁ་སྦྱོར་ལས་དེ་ཁོ་ན་ཉིད་ཀྱི་མན་ངག་སྦྱོར་བ་བཞིའི་ཆ་ཞེས་བྱ་བ་སྟེ་བརྟག་པ་བཞི་པའོ།། །།དེ་ནས་ཡང་དག་བཤད་བྱ་བ། །སྦྱིན་སྲེག་ལས་ནི་རབ་ཏུ་བསྒྲུབ། །སྦྱིན་སྲེག་རྣམ་པ་གཉིས་སུ་གསུངས། །ཕྱི་དང་ནང་དུ་ཡང་
D376.079.0050a02.01དག་གནས། །ཕྱི་རུ་ཇི་ལྟར་གསུངས་པ་ལགས། །ནང་དུ་ཡང་ནི་ཇི་ལྟར་འགྱུར། །ཉོན་ཅིག་རྡོ་རྗེ་ནང་གི་ནི། །ཇི་བཞིན་སྦྱིན་སྲེག་རབ་བསྒྲུབ་བྱ། །མེ་ཆེན་པོ་དག་རབ་ཏུ་སྦར། །རྣམ་རྟོག་མེད་པའི་སྦྱིན་སྲེག་བྱ། །བཟའ་བ་བཏུང་བ་གང་ཡང་རུང་། །དེ་རུ་ཐམས་ཅད་
D376.079.0050a03.01སྦྱིན་སྲེག་བྱ། །སྲེག་རྫས་རང་བཞིན་གསུངས་པ་དག །གཟུགས་ཕུང་ལ་སོགས་ལྔ་པོ་དག །རྣམ་རྟོག་མེད་པའི་སྦྱིན་སྲེག་བྱ། །དེ་དག་ཐམས་ཅད་སེམས་ལས་བྱུང་། །ཁྲག་དང་ཁུ་བ་དེ་བཞིན་ཤ། །དྲི་ཆེན་དྲི་ནུ་ལྔ་པོ་དག །རྣམ་རྟོག་མེད་པར་བཟའ་བར་བྱ། །
D376.079.0050a04.01བློ་ལྡན་རང་བཞིན་མེད་པས་སོ། །གཏི་མུག་ང་རྒྱལ་དེ་བཞིན་ཆགས། །ཞེ་སྡང་དེ་བཞིན་འདོད་ཆགས་ཉིད། །ཕྲག་དོག་སེར་སྣ་ཕྲ་མ་དག །དམ་ཚིག་དེ་ཉིད་དྲི་མ་མེད། །ཇི་ལྟར་ཉི་མ་འབར་བ་བཞིན། །དེ་ལྟར་དྲི་མ་མེད་པར་འགྱུར། །ཇི་ལྟར་སྟོན་གྱི་ཟླ་གསལ་བ། །
D376.079.0050a05.01དེ་ལྟར་འདི་ཡི་དབུས་གསལ་ཡིན། །འདོད་ཆགས་ཆེན་པོར་འགྱུར་བ་ཡིན། །རྡོ་རྗེ་སྣང་བྱེད་སྒྲོན་མ་བཞིན། །དེ་ཉིད་ཐར་པར་གསུངས་པ་སྟེ། །བླ་མེད་གོ་འཕང་ཐོབ་པར་འགྱུར། །སྦྱིན་སྲེག་འདི་ལ་རབ་གནས་ན། །ལྷ་རྣམས་དགའ་བས་ཚིམ་པ་ཡིན། །སྦྱིན་སྲེག་ལས་
D376.079.0050a06.01ནི་རབ་གསུངས་ནས། །རབ་གནས་དག་ནི་བརྗོད་པར་བྱ། །སྔོན་གྱི་རྣལ་འབྱོར་ལ་གནས་ནས། །དེ་ནས་རབ་གནས་བྱ་བ་སྟེ། །རབ་གནས་སྐུ་སོགས་ཐང་ཀ་དང་། །རྣལ་འབྱོར་ཅན་གྱིས་གླེགས་བམ་སྟེ། །དཔལ་ལྡན་གཡོན་གྱིས་དྲིལ་བུ་འཛིན། །གཡས་ཀྱིས་རྡོ་རྗེ་ཡོངས་སུ་
D376.079.0050a07.01