完整藏文原文 · 德格版页 当前仅加载第 79 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
ཁུ་བ་ལ་སོགས་བཟའ། །རྟག་ཏུ་བུད་མེད་གུས་པར་བགྱི། །བྷ་གའི་པདྨར་འོ་བགྱིད་དོ། །ཡང་ནི་ལེགས་སོ་ལེགས་སོ་བྱིན། །སྒོ་སྐྱོང་དེ་བཞིན་རྡོ་རྗེ་ཅན། །ཐོད་པ་ཡང་དག་བླངས་ནས་ནི། །རྡོ་རྗེ་ཅན་ལ་བཟའ་བ་དབུལ། །ཞི་ཞིང་གཅེར་བུར་འདུག་
D376.079.0047a01.01པ་དང་། །རྡོ་རྗེ་ཅན་ནི་སྐྲ་གྲོལ་བས། །ལེགས་པར་དབང་བསྐུར་སྟེར་བར་བྱེད། །བྷ་གར་འོ་བྱེད་རྡོ་རྗེ་ཅན། །དེ་ནས་བརྩམས་ཏེ་རྡོ་རྗེ་ཁྱོད། །སེམས་ཅན་དོན་གྱིས་བརྟུལ་ཞུགས་བཟང་། །བཟའ་བ་དྲི་ཆེན་དྲི་ཆུ་དང་། །ཁྲག་དང་ཁུ་བ་ཤ་དག་གོ། །བྷ་གའི་པདྨར་འོ་
D376.079.0047a02.01བྱ་སྟེ། །བདུད་རྩི་རྣམས་ནི་བསྒྲུབ་པར་བྱ། །རྡོ་རྗེ་རྣལ་འབྱོར་ཕོ་ཉ་མོས། །དེ་ནས་རྟག་ཏུ་དབང་བསྐུར་རོ། །ཧཱུྃ་ཧཱུྃ་ཧཿཧཿཨཿཨཿཧྲཱིཿཧྲཱིཿསྭཱ་ཧཱ། །དེ་ནས་དེ་མ་ཐག་ཏུ་ཀུན། །རྡོ་རྗེ་མཁའ་འགྲོ་མ་ཉིད་ཀྱིས། །སྒྲ་ཆེན་པོ་ནི་རབ་ཏུ་བསྒྲགས། །རྡོ་རྗེ་ཅན་དེ་དབང་
D376.079.0047a03.01བསྐུར་རོ། །སྣ་ཚོགས་གཟུགས་ཅན་དྲག་པོ་ཆེ། །ཐོད་པའི་གདན་ལ་ཡང་དག་བཞུགས། །ཤ་དང་ཁྲག་དག་འཐུང་བ་སྟེ། །གསང་བའི་དཀྱིལ་འཁོར་དུ་ནི་སྦྱོར། །ལ་ལ་རོལ་མོའི་ཆ་བྱད་བརྡུང་། །པ་ཊ་ཧ་སོགས་མུ་ཀུ་ཎ་ཌ། །ལ་ལ་རབ་ཏུ་གླུ་ལེན་ཅིང་། །
D376.079.0047a04.01ལ་ལ་པི་ཝང་བསྒྲེང་བ་སྟེ། །ལ་ལ་རྡོར་ཅན་གར་བྱེད་དོ། །ལ་ལ་དྲིལ་བུའི་སྒྲ་སྒྲོགས་བྱེད། །ལ་ལ་སྒྲ་དག་རབ་ཏུ་སྒྲོགས། །ཕྱོགས་བཅུར་ཕེཾ་གྱི་སྒྲ་དག་གོ། །ལ་ལ་གར་དག་རབ་ཏུ་བྱེད། །ལ་ལར་དཀྱིལ་འཁོར་དུ་གླུ་ལེན། །ལ་ལ་མེ་ཏོག་རབ་ཏུ་འགྲེམས། །
D376.079.0047a05.01དེ་ཡིས་རྡོར་ཅན་ལ་དབང་བསྐུར། །ལ་ལ་སྤོས་ཀྱིས་རབ་སྦྱིན་བྱེད། །ལ་ལ་དྲི་ཡིས་དེ་བཞིན་ནོ། །འདི་ལྟར་གྱུར་པའི་མཆོད་པ་ཡིས། །གསང་བའི་དཀྱིལ་འཁོར་ལ་ནི་བྱ། །དེ་ནས་རྡོར་ཅན་ལྷ་མོ་དེ། །ཚིག་འདི་དག་ནི་བརྗོད་པ་སྟེ། །ཚོགས་ཀྱི་དཀྱིལ་འཁོར་ཉིད་
D376.079.0047a06.01དག་དང་། །དབང་དག་ལེགས་པར་བརྗོད་ནས་ནི། །ང་ཡིས་གཞན་ཡང་བཤད་བྱ་བ། །ལྷ་རྣམས་དགོད་པ་མཆོག་དག་གོ། །རྒྱ་རུ་ཀུན་ཏུ་ཁྲུ་བརྒྱད་དེ། །གྲུ་བཞི་པ་ལ་སྒོ་བཞི་པ། །སྔགས་པས་དེ་ཡི་ཉིས་འགྱུར་(དབྱད,དཔྱད)། །གང་དུ་མཁའ་འགྲོའི་ཚོགས་འགྱིང་བ། །
D376.079.0047a07.01