完整藏文原文 · 德格版页 当前仅加载第 76 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་དེ་བོས་ནས་བཀའ་སྩལ་པ། ཁྱོད་སྔོན་ཁྱིམ་ན་གནས་པའི་ཚེ་ལས་ཅི་ཞིག་བགྱིད། གསོལ་པ། པི་ཝང་བརྡུང་བའི་ལས་བྱེད་པ་ལགས་སོ། །བཀའ་སྩལ་པ། རྒྱུད་ལྷོད་ན་ཅིར་འགྱུར། གསོལ་པ། སྒྲ་འབྱུང་བར་མི་འགྱུར་རོ། །
D359a.076.0287a01.01རྒྱུད་དམ་ན་ཅིར་འགྱུར། སྒྲ་འཆད་པར་འགྱུར་རོ། །རྒྱུད་རན་པར་བཅས་ན་ཅིར་འགྱུར། རྒྱུད་མཐོ་དམན་མེད་ཅིང་སྙོམས་པར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སྦྱོང་དེ་ལ་བཀའ་སྩལ་པ། ལམ་ལ་སློབ་པའི་ཚེ་ཡང་དེ་ལྟ་བུར་སེམས་སྙོམས་པར་བསྡམས་
D359a.076.0287a02.01པས་ལམ་ཐོབ་པར་འགྱུར་རོ། །ཡང་བཅོམ་ལྡན་འདས་ཀྱིས་བཀའ་སྩལ་པ། ལམ་ལ་སློབ་པ་དང་། །དཔེར་ན། ལྕགས་བཞུ་སྦྱང་བྱས་ཏེ་རིམ་གྱིས་བརྡུངས་པས་གཡའ་དག་པར་བྱས་པ་དེ་ལས་སྣོད་ཅི་བྱེད་ཀྱང་ལས་སུ་རུང་བར་འགྱུར་བ་ལྟ་བུ་སྟེ། ལམ་ལ་སློབ་པ་དག་
D359a.076.0287a03.01སེམས་ཀྱི་དྲི་མ་རིམ་གྱིས་དག་པར་བྱས་ཏེ་བརྩོན་པས་བྱང་ཆུབ་སྦྱང་བར་བྱས་པས་གདོན་མི་ཟ་བར་བྱང་ཆུབ་འགྲུབ་པར་འགྱུར་ཏེ། གཞན་དུ་ན་རང་ཉིད་སྐྱོ་བར་འགྱུར། སྐྱོབས་ཉོན་མོངས་པར་འགྱུར། ཀུན་ནས་ཉོན་མོངས་པས་ལམ་ལས་ལྡོག་པར་འགྱུར། ལམ་ལས་ལོག་པས་ལྡིག་པའི་
D359a.076.0287a04.01ལས་གསོགས་པར་འགྱུར་རོ། །ཡང་བཅོམ་ལྡན་འདས་ཀྱིས་བཀའ་སྩལ་པ། སྐྱེ་བོ་དག་ལ་མལ་སྤྱོད་ཀྱང་སྡུག་བསྔལ་ལ་ལམ་ལ་མི་སྤྱོད་ཀྱང་སྡུག་བསྔལ་ལོ། སེམས་ཅན་སྐྱེས་ནས་རྒ་བའི་བར་དང་། རྒས་ནས་ན་བ་དང་འཆི་བའི་བར་སྡུག་བསྔལ་འབྱུང་བ་ནི་དཔག་པར་དཀའ་སྟེ།
D359a.076.0287a05.01སེམས་ཉོན་མོངས་པས་དཀྲུགས་ཤིང་སྡིག་པའི་ལས་བསགས་པས་སྐྱེ་འཆི་བརྒྱུད་མར་འབྱུང་བའི་ཕྱིར་སྡུག་བསྔལ་བརྗོད་ཀྱིས་ལོངས་པ་མ་ཡིན་ནོ། །ཡང་བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་ངན་སོང་ལས་གྲོལ་ཏེ་མིའི་ལུས་རྟེན་ཐོབ་པ་དཀའ། མིའི་ལུས་རྟེན་ཐོབ་ཀྱང་བུད་
D359a.076.0287a06.01མེད་ཀྱི་རྟེན་ལས་ལོག་སྟེ་སྐྱེས་པའི་དངོས་པོ་ཐོབ་པ་དཀའ། སྐྱེས་པའི་ལུས་རྟེན་ཐོབ་ཀྱང་དབང་པོ་ཀུན་ཚང་བ་དཀའ། དབང་པོ་ཐམས་ཅད་ཚང་ཡང་ཡུལ་དབུས་སུ་སྐྱེ་བ་དཀའ། ཡུལ་དབུས་སུ་སྐྱེས་ཀྱང་སངས་རྒྱས་ཀྱི་བསྟན་པའི་རྗེས་སུ་སློབ་པ་དཀའ། སངས་རྒྱས་ཀྱི་བསྟན་པའི་རྗེས་
D359a.076.0287a07.01