完整藏文原文 · 德格版页 当前仅加载第 76 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ནུར་མི་བྱེད་ཅིང་འབད་པས་འགྲུས་པར་བྱས་ན་སྐྱེ་བོ་དེ་ངེས་པར་ལམ་ཐོབ་པར་འགྱུར་རོ་ཞེས་ང་སྨྲའོ། །ཡང་བཅོམ་ལྡན་འདས་ཀྱིས་བཀའ་སྩལ་པ། དགེ་སྦྱོང་དག་སེམས་ལ་ཡིད་མ་ཆེས་ཤིག །སེམས་ལ་གཏན་ནས་ཡིད་ཆེས་པར་མི་བྱའོ། །བག་ཡོད་
D359a.076.0286a01.01བར་གྱིས་ཤིག །གཟུགས་ལ་ཆགས་པར་མ་བྱེད་ཅིག །གཟུགས་ལ་ཆགས་པས་སྡུག་བསྔལ་འབྱུང་ངོ་། །གང་ཚེ་དགྲ་བཅོམ་པ་མངོན་དུ་བྱས་པ་དེའི་ཚེ་གདོད་སེམས་ལ་ཡིད་ཆེས་པར་རིགས་སོ། །དེ་ནས་བཅོམ་ལྡན་འདས་ཀྱིས་ཡང་དགེ་སྦྱོང་རྣམས་ལ་བཀའ་སྩལ་པ། དགེ་
D359a.076.0286a02.01སྦྱོང་དག་བག་ཡོད་པར་གྱིས་ཤིག །བུད་མེད་ལ་བལྟ་བར་མི་བྱའོ། །གལ་ཏེ་འཕྲད་པའི་ཚེ་ཡང་བལྟ་བར་མི་བྱ་བག་དང་ལྡན་པར་བགྱིས་ཏེ་གཏམ་སྨྲ་བར་མི་བྱ་སྟེ། གལ་ཏེ་གཏམ་སྨྲ་ཚེ་བསམས་བབ་དག་ནི་དགེ་སྦྱོང་སྟེ། སྙིགས་མའི་འཇིག་རྟེན་དུ་པད་མའི་དམ་གྱིས་མ་གོས་
D359a.076.0286a03.01པ་ལྟར་གནས་པར་བྱའོ་སྙམ་ནས་རྒན་མོ་ལ་མའི་འདུ་ཤེས། རང་ལས་ཅུང་ཟད་རྒན་པ་ལ་ཨ་ཕྱིའི་འདུ་ཤེས། རང་ལས་གཞོན་པ་ལ་སྲིང་མོའི་འདུ་ཤེས་བསྐྱེད་པར་བྱ་ཞིང་། ན་ཚོད་ཆུང་བ་དག་ལ་ཚུལ་མིན་གྱིས་བརྙས་པར་མི་བྱའོ། །གལ་ཏེ་ཚུལ་མིན་ཡིད་བྱེད་བྱུང་བའི་ཚེ་
D359a.076.0286a04.01ཞིབ་ཏུ་དཔྱད་ཅིང་བརྟག་པར་བྱའོ། །འདི་ལྟར་བརྟག་པར་བྱ་སྟེ། ལུས་ཀྱི་སྤྱི་བོ་ནས་རྐང་མཐིལ་གྱི་བར་དུ་བརྟག་པར་བྱའོ། དེ་ནས་ལུས་ཀྱི་ནང་དུ་བརྟག་པར་བྱ་སྟེ། ལུས་ཀྱི་ནང་མི་གཙང་བ་སྣ་ཚོགས་ཀྱིས་ཀུན་ནས་གང་ཞིང་འཛག་པ་ཉིད་ཡིན་ནོ་ཞེས་ཚུལ་མིན་ཡིད་བྱེད་དེ་ཡོངས་
D359a.076.0286a05.01སུ་བསལ་བར་བྱའོ། །ཡང་བཅོམ་ལྡན་འདས་ཀྱིས་བཀའ་སྩལ་པ། དཔེར་ན། རྩྭ་སྐམ་ལ་མེ་མཆེད་པའི་ཚེ་དེ་ལས་{རིངས་,རིང་}རྟབས་ཀྱིས་བཟློས་དགོས་པ་ལྟར་ལམ་ལ་སློབ་པའི་སྐྱེ་བོ་དག་འདོད་ཆགས་ཀྱི་ཡུལ་རྣམས་རྒྱང་རིང་དུ་འདོར་བར་བྱའོ། །ཡང་བཅོམ་ལྡན་འདས་ཀྱིས་བཀའ་
D359a.076.0286a06.01སྩལ་པ། སྐྱེ་བོ་ཞིག་ཡིད་འདོད་ཆགས་ཀྱིས་གདུངས་ཏེ་ཆགས་སེམས་དེ་ཞི་བའི་ཐབས་མ་རྙེད་ནས་རང་གི་མཚན་མ་སྟ་གྲིས་བཅད་དོ། །བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ཁྱོད་ཀྱིས་མཚན་མ་གཅོད་པ་ལས་སེམས་གཅོད་པ་མཆོག་གོ །སེམས་ནི་
D359a.076.0286a07.01