完整藏文原文 · 德格版页 当前仅加载第 76 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བོ་ཐ་མལ་བ་བརྒྱ་ལ་ཟས་བྱིན་བབས་དམ་པ་གཅིག་ལ་ཟས་བྱིན་པའི་ཆར་མི་ཕོད། །དམ་པ་སྟོང་ལ་ཟས་བྱིན་པ་བས་ལས་བསླབ་པའི་གཞི་ལྔ་འཛིན་པ་གཅིག་ལ་ཟས་བྱིན་པའི་ཆར་མི་ཕོད། བསླབ་པའི་གཞི་ལྔ་འཛིན་པ་ཁྲི་ཕྲག་ལ་ཟས་བྱིན་པ་བས་རྒྱུན་ཏུ་
D359a.076.0283b01.01ཞུགས་པ་གཅིག་ལ་ཟས་བྱིན་པའི་ཆར་མི་ཕོད། རྒྱུན་ཏུ་ཞུགས་པ་ཁྲི་ཕྲག་བརྒྱ་ལ་ཟས་བྱིན་པ་བས་ལན་ཅིག་ཕྱིར་འོང་གཅིག་ལ་ཟས་བྱིན་པའི་ཆར་མི་ཕོད། ལན་ཅིག་ཕྱིར་འོང་ཁྲི་ཕྲག་སྟོང་ལ་ཟས་བྱིན་པ་བས་ཕྱིར་མི་འོང་གཅིག་ལ་ཟས་བྱིན་པའི་ཆར་མི་ཕོད།
D359a.076.0283b02.01ཕྱིར་མི་འོང་བྱེ་བ་ལ་ཟས་བྱིན་པ་བས་དགྲ་བཅོམ་པ་གཅིག་ལ་ཟས་བྱིན་པའི་ཆར་མི་ཕོད། །དགྲ་བཅོམ་པ་དུང་ཕྱུར་ལ་ཟས་བྱིན་པ་པས་རང་སངས་རྒྱས་གཅིག་ལ་ཟས་བྱིན་པའི་ཆར་མི་ཕོད། རང་སངས་རྒྱས་བྱེ་བ་བརྒྱ་ལ་ཟས་བྱིན་པ་བས་སངས་རྒྱས་གཅིག་
D359a.076.0283b03.01ལ་གདུགས་ཚོད་གསོལ་བའི་ཆར་མི་ཕོད་དོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ལམ་ཡོངས་སུ་འཚོལ་ཅིང་སློབ་པར་འདོད་པ་དང་སེམས་ཅན་ཐམས་ཅད་ལ་ཕན་པ་བསྒྲུབ་པར་འདོད་པའི་ཕྱིར་རོ། །དེ་བས་ན་དམ་པ་རྣམས་ལ་ཟས་ཕུལ་བའི་བསོད་ནམས་
D359a.076.0283b04.01ཀྱི་ཕུང་པོ་ཤིན་ཏུ་ཆེའོ། །གང་དག་གིས་འཇིག་རྟེན་གྱི་ལྷ་འདྲེ་འབྱུང་པོ་དག་ལ་བསྙེན་བཀུར་བ་བས་ཕ་མ་ལ་གུས་པ་དང་སྲི་ཞུ་བགྱིད་པ་མཆོག་སྟེ། ཕ་མ་གཉིས་བསོད་ནམས་ཀྱི་ཞིང་མཆོག་ཏུ་གྱུར་བའོ། །ཡང་བཅོམ་ལྡན་འདས་ཀྱིས་བཀའ་སྩལ་པ།
D359a.076.0283b05.01འཇིག་རྟེན་ན་དཀའ་བ་རྣམ་པ་ཉི་ཤུ་ཡོད་དེ། །དེ་དག་གང་ཞེ་ན་འདི་ལྟ་སྟེ། དབུལ་བོས་སྦྱིན་པ་གཏོང་བ་དཀའ། ཕྱུག་འབྱོར་ལྡན་པས་ལམ་ལ་སློབ་པ་དཀའ། སྲོག་བློས་ངེས་པར་གཏོང་བ་དཀའ། །གསུང་རབ་དམ་པའི་ཆོས་བལྟའ་བ་དཀའ། །
D359a.076.0283b06.01སངས་རྒྱས་བྱུང་བའི་ཞིང་ཁམས་སུ་སྐྱེ་བ་དཀའ། འདོད་པ་ལ་མི་ཆགས་ཤིང་སྲན་ཚུགས་པ་དཀའ། ཡིད་འོང་མཐོང་བས་མི་རེ་བ་དཀའ། སྟོབས་འབྱོར་ཅན་སྟོབས་འབྱོར་གྱི་དབང་དུ་མི་འགྲོ་བ་དཀའ། སྨོད་ཕྱིར་བྱེད་པ་ལ་མི་ཁྲོ་བ་དཀའ། བྱ་
D359a.076.0283b07.01