完整藏文原文 · 德格版页 当前仅加载第 76 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ཅིག་འདི་ལྟར་ལྟ་ཞིང་འདི་སྐད་དུ་སྨྲ་བ་དག་ཡོད་དེ། བདག་གཟུགས་ཅན་ནི་འབྱུང་བ་ཆེན་པོ་བཞི་པོ་རགས་པ་ཇི་སྲིད་དུ་འཚོ་ཞིང་གནས་ལ་བརྟན་ཅིང་འདུག་པ་དེ་སྲིད་དུ་ནད་དང་བཅས་སོ། །ཤུ་བ་དང་བཅས་སོ། །ཟུག་རྔུ་དང་བཅས་སོ། །རིམས་ནད་དང་བཅས་སོ། །ཡོངས་
D352.076.0083b01.01སུ་གདུང་བ་དང་བཅས་སོ། །བདག་ནི་ནམ་ཞིག་ན་ཡོངས་སུ་ཆད་པར་འགྱུར་རོ། །འདོད་པ་ན་སྤྱོད་པའི་ལྷ་དང་། གཟུགས་ན་སྤྱོད་པའི་ལྷ་དང་། གཟུགས་ཅན་མ་ཡིན་པ་ནམ་མཁའ་མཐའ་ཡས་སྐྱེ་མཆེད་ལ་གནས་པ་དང་། གཟུགས་ཅན་མ་ཡིན་པ་རྣམ་ཤེས་མཐའ་ཡས་སྐྱེ་
D352.076.0083b02.01མཆེད་ལ་གནས་པ་དང་། གཟུགས་ཅན་མ་ཡིན་པ་ཅི་ཡང་མེད་པའི་སྐྱེ་མཆེད་ལ་གནས་པ་དང་། གཟུགས་ཅན་མ་ཡིན་པ་ཡོད་མིན་མེད་མིན་སྐྱེ་མཆེད་ལ་གནས་པ་དག་ཇི་སྲིད་དུ་འཚོ་ཞིང་གནས་པ་ཞེས་བྱ་བ་ནས། འདི་ནི་གཞི་བདུན་པའོ་ཞེས་བྱ་བའི་བར་དུ་སྔ་མ་བཞིན་ནོ། །ཅི་ལ་
D352.076.0083b03.01རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་དེ་ཕན་ཆད་བདག་ནི་ཆད་པར་འགྱུར་ཏེ་མེད་དོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་དོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་ཕྱི་མའི་མཐའ་ལ་རྟོག་ཅིང་ཆད་པར་སྨྲ་བ་དག་དེ་ཕན་ཆད་
D352.076.0083b04.01བདག་ནི་ཆད་པར་འགྱུར་ཏེ་མེད་དོ་ཞེས་ཁ་ཅིག་མངོན་པར་སྨྲ་ཞིང་མངོན་པར་རྗོད་པ་ཐམས་ཅད་ཀྱང་གཞི་བདུན་པོ་འདི་དག་ལ་སྟེ། དེ་ལས་མི་ལྷག་མི་མང་ལ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཅེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་ཆོས་གང་དག་
D352.076.0083b05.01གཞན་ཟབ་པ་ཟབ་པར་སྣང་བ་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་དེ་དག་ཀྱང་གང་ཞེ་ན་ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་འདི་ལྟར་ལྟ་ཞིང་འདི་སྐད་དུ་སྨྲ་བ་དག་ཡོད་དེ། གང་གི་ཚེ་བདག་
D352.076.0083b06.01འདོད་པའི་ཡོན་ཏན་ལྔ་འབྱོར་པར་གྱུར་ཅིང་། རྩེ་དགའ་ཡོངས་སུ་སྤྱོད་པ་དེ་ཙམ་གྱིས་ན་བདག་འདི་མཐོང་བའི་ཆོས་ལ་མྱ་ངན་ལས་འདས་པ་ཐོབ་པ་ཡིན་ནོ། །གང་གི་ཚེ་བདག་འདོད་པ་དག་ལས་དབེན་ཞིང་བསམ་གཏན་བཞི་པའི་བར་དུ་རྫོགས་པར་བྱས་ཏེ། གནས་པ་དེ་ཙམ་གྱིས་ན་
D352.076.0083b07.01