完整藏文原文 · 德格版页 当前仅加载第 76 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
སྔ་མ་བཞིན་ནོ། །གཉིས་པ་ནི་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་ནས། འདི་ན་དགེ་སྦྱོང་དང་བྲམ་ཟེ་ཁ་ཅིག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་ཞེས་བྱ་བའི་
D352.076.0079a01.01བར་དུ་སྔ་མ་བཞིན་ནོ། །དེ་ལྟར་སེམས་མཉམ་པར་བཞག་པ་ན། འཇིག་རྟེན་ལ་མཐའ་མེད་པའི་འདུ་ཤེས་ཅན་དུ་གནས་སོ། །དེ་འདི་སྙམ་དུ་སེམས་ཏེ། འཇིག་རྟེན་ན་མཐའ་མེད་ཅིང་ཚད་མེད་པ་དེའི་ཕྱིར་དེས་ན་བདག་ནི་འདི་སྙམ་དུ་འཇིག་རྟེན་ནི་མཐའ་མེད་ཅིང་ཚད་
D352.076.0079a02.01མེད་པས་བདག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་ཞེས་བྱ་བ་ནས། དེ་ལྟར་སེམས་མཉམ་པར་བཞག་པ་ན་འཇིག་རྟེན་ལ་མཐའ་མེད་པའི་ཕྱིར་འདུ་ཤེས་ཅན་དུ་གནས་པར་བྱའོ་སྙམ་མོ། །དེ་ལྟར་ན་འཇིག་རྟེན་
D352.076.0079a03.01མཐའ་མེད་ཅིང་ཚད་མེད་པ་འདི་ནི་གཞི་གཉིས་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བའི་བར་དུ་སྔ་མ་བཞིན་ནོ། །གསུམ་པ་ནི་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ན་དགེ་སྦྱོང་དང་བྲམ་ཟེ་ཁ་ཅིག་དགོན་པ་
D352.076.0079a04.01ན་གནས་ཀྱང་རུང་། ཤིང་དྲུང་ན་གནས་ཀྱང་རུང་ཞེས་བྱ་བ་ནས་སེམས་མཉམ་པར་བཞག་པ་ན། སྟེང་དང་འོག་གི་འཇིག་རྟེན་ལ་ནི་མཐའ་ཡོད་པའི་འདུ་ཤེས་ཅན་ཡིན་ཞིང་། ཐད་ཀར་ནི་མཐའ་མེད་པའི་འདུ་ཤེས་ཅན་དུ་གནས་སོ་ཞེས་བྱ་བའི་བར་དུ་སྔ་མ་བཞིན་ནོ། །དེ་འདི་སྙམ་དུ་སེམས་
D352.076.0079a05.01ཏེ། སྟེང་དང་འོག་གི་འཇིག་རྟེན་ལ་ནི་མཐའ་ཡོད་ཅིང་། ཐད་ཀར་ནི་མཐའ་མེད་དོ་སྙམ་པ་དེའི་ཕྱིར་དེས་ན་བདག་འདི་སྙམ་དུ་སྟེང་དང་འོག་ནི་མཐའ་ཡོད་ལ་ཐད་ཀར་ནི་མཐའ་མེད་དོ་སྙམ་ནས། བདག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་ཞེས་བྱ་བ་ནས་འདི་ནི་
D352.076.0079a06.01གཞི་གསུམ་པ་སྟེ། ཅི་ལ་རྟེན་ཅིང་ཅི་ལ་གནས་ཞེས་བྱ་བའི་བར་དུ་སྔ་མ་བཞིན་ནོ། །བཞི་པ་ནི་ཞེས་བྱ་བ་ནས་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བའི་བར་དུ་སྔ་མ་བཞིན་ནོ། །འདི་ན་དགེ་སྦྱོང་དང་བྲམ་ཟེ་ཤེས་ལྡན་ཁ་ཅིག་དགོན་པ་ན་གནས་ཀྱང་རུང་།
D352.076.0079a07.01