完整藏文原文 · 德格版页 当前仅加载第 76 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་སློབ་དཔོན་དང་སློབ་མ་དེ་གཉིས་ཕན་ཚུན་ལྟ་བ་དང་མོས་པ་དང་བྱེ་བྲག་ཕྱེད་པ་དང་བཟོད་པ་དག་གིས་མི་འཐུན་པར་སྨྲ་ཞིང་དགེ་སློང་གི་དགེ་འདུན་དང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཕྱི་བཞིན་ཞབས་འབྲིང་དུ་དོང་བ་འདི་ནི་
D352.076.0071a01.01ངོ་མཚར་རབ་ཏུ་ཆེའོ་ཞེས་སྐབས་ཀྱི་གཏམ་དེ་ལྟ་བུ་དག་ཡང་དག་པར་བརྗོད་པར་གྱུར་ཏོ། །དེ་ནས་དགེ་སློང་མང་པོ་དག་རྒྱལ་པོའི་གནས་ན་འདུས་ཤིང་འཁོད་པ་རྣམས་ཀྱི་སྐབས་ཀྱི་གཏམ་དུས་ལ་བབ་པ་དག །བཅོམ་ལྡན་འདས་ཉིན་མོའི་གནས་ན་བཞུགས་བཞུགས་པའི་
D352.076.0071a02.01ལྷའི་སྙན་རྣམ་པར་དག་པ་མིའི་ལས་འདས་པས་གསན་པར་གྱུར་ཏོ། །གསན་ནས་ཀྱང་ཏིང་ངེ་འཛིན་དེ་ལས་བཞེངས་ནས། རྒྱལ་པོའི་གནས་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་མདུན་དུ་གདན་བཏིང་བ་ཉིད་ལ་བཞུགས་སོ། །བཞུགས་ནས་ཀྱང་
D352.076.0071a03.01དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་རྒྱལ་པོའི་གནས་སུ་དགེ་སློང་མང་པོ་རྣམས་འདུས་ཤིང་འཁོད་པ་རྣམས་ཀྱི་སྐབས་ཀྱི་གཏམ་དུས་ལ་བབ་པ་ནི་གང་ཡིན། ཁྱེད་གཏམ་གང་གིས་ན་ད་ལྟར་འདུས་ཤིང་འཁོད། བཙུན་པ་བདག་ཅག་དགེ་སློང་མང་པོ་
D352.076.0071a04.01རྣམས་རྒྱལ་པོའི་གནས་འདིར་འདུས་ཤིང་མཆིས་པ་ན། ཀུན་དུ་རྒྱུ་རབ་དགའ་རྣམ་གྲངས་དུ་མའི་སྒོ་ནས་སངས་རྒྱས་ལ་མི་སྙན་པར་བརྗོད་ལ། ཆོས་དང་དགེ་འདུན་ལ་ཡང་མི་སྙན་པར་བརྗོད་པ་དང་། ཀུན་དུ་རྒྱུ་རབ་དགའི་སློབ་མ་བྲམ་ཟེའི་བུ་ཚངས་སྦྱིན་ཞེས་བགྱི་བ་ནི།
D352.076.0071a05.01རྣམ་གྲངས་དུ་མའི་སྒོ་ནས། སངས་རྒྱས་ལ་སྙན་པ་བརྗོད་ལ། ཆོས་དང་དགེ་འདུན་ལ་ཡང་སྙན་པ་བརྗོད་པ་ཞིག་སྟེ། དེ་ལྟར་ན་སློབ་དཔོན་དང་སློབ་མ་དེ་གཉིས་ཕན་ཚུན་ལྟ་བ་དང་མོས་པ་དང་བྱེ་བྲག་ཕྱེད་པ་དང་བཟོད་པ་དག་གིས་མི་འཐུན་པར་སྨྲ་ཞིང་དགེ་སློང་གི་དགེ་འདུན་དག་
D352.076.0071a06.01དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སླད་བཞིན་ཞབས་འབྲིང་དུ་མཆིས་པ་འདི་ནི་ངོ་མཚར་རབ་ཏུ་ཆེའོ་ཞེས་སྐབས་ཀྱི་གཏམ་དེ་ལྟ་བུ་དག་གླེང་སླངས་པ་ལགས་ལ། བཙུན་པ་བདག་ཅག་དགེ་སློང་མང་པོ་རྣམས་རྒྱལ་པོའི་གནས་སུ་འདུས་ཤིང་
D352.076.0071a07.01