完整藏文原文 · 德格版页 当前仅加载第 68 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་བ་གྲངས་མེད་པར་ཀུན་ཏུ་འབྱུང་བ་ཞེས་བྱ་བ་ད་ལྟར་བཞུགས་ཏེ་འཚོ་ལ་གཞེས་ཤིང་ཆོས་ཀྱང་སྟོན་ཏོ། །བསྐལ་པ་དེ་ནི་སྤོབས་པ་བཀོད་པ་ཞེས་བྱའོ། །རིགས་ཀྱི་བུའམ་རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D272.068.0025a01.01རྫོགས་པའི་སངས་རྒྱས་བསྐལ་པ་བྱེ་བ་གྲངས་མེད་པར་ཀུན་ཏུ་འབྱུང་བ་ཞེས་བྱ་བ་དེའི་མཚན་བཟུང་ན་ཤི་འཕོས་ནས་སྒྲ་དབྱངས་ཡན་ལག་དྲུག་ཅུ་དང་ལྡན་པའི་སྤོབས་པ་ཕུན་སུམ་ཚོགས་པ་འཐོབ་པར་འགྱུར་རོ། །སངས་རྒྱས་བྱེ་བ་ཕྲག་བརྒྱད་ཅུ་ལས་དགེ་བའི་རྩ་བ་བསྐྱེད་པར་
D272.068.0025a02.01འགྱུར་རོ། །དེ་ལ་འདི་སྐད་ཅེས་བྱ་སྟེ། གང་གིས་རྒྱལ་བའི་མཚན་དེ་དག་ནི་བཟུང་བྱས་ན། །རྒྱལ་བ་བྱེ་བ་ཁྲག་ཁྲིག་བརྒྱད་ཅུ་མཆོད་པ་ཡི། །བསོད་ནམས་དེ་དག་དེ་ལ་ཆུང་བར་མི་འགྱུར་ཞིང་། །སྒྲ་དབྱངས་ཕུན་ཚོགས་ཡན་ལག་དྲུག་ཅུར་ལྡན་པ་འཐོབ། །ཡོན་
D272.068.0025a03.01ཏན་རིན་ཆེན་མེ་ཏོག་རྒྱས་པ་སྟེང་གི་ཕྱོགས་ལོགས་ན་གཟི་བརྗིད་དཔག་ཏུ་མེད་པ་བཀོད་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་བ་གསེར་གྱི་ནམ་མཁའ་ངེས་པར་སྒྲོགས་པ་བཀོད་
D272.068.0025a04.01པ་དཔལ་གྱི་གཟི་བརྗིད་འབྱུང་བ་ཞེས་བྱ་བ་ད་ལྟར་བཞུགས་ཏེ་འཚོ་ལ་གཞེས་ཤིང་ཆོས་ཀྱང་སྟོན་ཏོ། །བསྐལ་པ་དེ་ནི་སྣང་བ་ཤིན་ཏུ་གསལ་བ་ཞེས་བྱའོ། །རིགས་ཀྱི་བུའམ་རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D272.068.0025a05.01པའི་སངས་རྒྱས་དགེ་བ་གསེར་གྱི་ནམ་མཁའ་ངེས་པར་སྒྲོགས་པ་བཀོད་པ་དཔལ་གྱི་གཟི་བརྗིད་འབྱུང་བ་ཞེས་བྱ་བ་དེའི་མཚན་བཟུང་ན་ཚུལ་ཁྲིམས་ཀྱི་ཕུང་པོ་དཔག་ཏུ་མེད་པ་ཡོངས་སུ་དག་པ་དང་། ཏིང་ངེ་འཛིན་གྱི་ཕུང་པོ་དཔག་ཏུ་མེད་པ་དང་། ཤེས་རབ་ཀྱི་ཕུང་
D272.068.0025a06.01པོ་དཔག་ཏུ་མེད་པ་དང་། རྣམ་པར་གྲོལ་བའི་ཕུང་པོ་དཔག་ཏུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་དཔག་ཏུ་མེད་པ་ཡོངས་སུ་དག་པར་བྱེད་དོ། །ས་ནས་ས་འཐོབ་པར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པའི་ཡེ་ཤེས་མཆོག་
D272.068.0025a07.01