完整藏文原文 · 德格版页 当前仅加载第 68 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་མི་ཁྱབ་པའི། །ཡོན་ཏན་འདི་དང་གཞན་ཡང་འཐོབ་པར་འགྱུར། །ཡོན་ཏན་རིན་ཆེན་མེ་ཏོག་རྒྱས་པ་ལྷོ་ནུབ་ཀྱི་ཕྱོགས་མཚམས་ལོགས་ན་ཡོན་ཏན་དཔག་ཏུ་མེད་པ་བཀོད་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་
D272.068.0024a01.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་འོད་དམ་པ་དཔལ་གྱི་གཟི་བརྗིད་འབྱུང་བ་ཞེས་བྱ་བ་ད་ལྟར་བཞུགས་ཏེ་འཚོ་ལ་གཞེས་ཤིང་ཆོས་ཀྱང་སྟོན་ཏོ། །བསྐལ་པ་དེ་ནི་ཡིད་བདེ་བ་ཡང་དག་པར་སྐྱེད་པ་ཞེས་བྱའོ། །རིགས་ཀྱི་བུའམ་
D272.068.0024a02.01རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་འོད་དམ་པའི་དཔལ་གྱི་གཟི་བརྗིད་འབྱུང་བ་ཞེས་བྱ་བ་དེའི་མཚན་ཐོས་ན་མཚན་དེ་དག་ཐོས་པ་ཙམ་གྱིས་སངས་རྒྱས་བྱེ་བ་མཉེས་པར་འགྱུར་རོ། །
D272.068.0024a03.01ཐམས་ཅད་དུ་མདངས་ལྟ་བུ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོས་མཚན་དེ་དག་རྒྱུན་དུ་བཟུང་བ་བྱས་ན་ཤི་འཕོས་ནས་སེམས་ཅན་ཐམས་ཅད་མདངས་ལྟ་བུ་ཞེས་བྱ་བའི་ཏིང་ངེ་འཛིན་ལ་འཇོག་པར་བྱེད་ཅིང་། ཐམས་ཅད་
D272.068.0024a04.01ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ། །རྒྱུ་གང་དང་རྐྱེན་གང་གིས་སེམས་ཅན་ཐམས་ཅད་མདངས་ལྟ་བུ་ཞེས་བྱ་བའི་ཏིང་ངེ་འཛིན་ཐོབ་པར་བྱེད་ཅིང་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་ཞེ་ན། རིགས་
D272.068.0024a05.01ཀྱི་བུའམ་རིགས་ཀྱི་བུ་མོ་གང་ལ་ལས་ཏིང་ངེ་འཛིན་འདི་ལ་གནས་ཤིང་ཆོས་བསྟན་ན་དེ་ལྟར་ཆོས་བསྟན་པས་ཏིང་ངེ་འཛིན་འདི་འཐོབ་པར་འགྱུར་ཞིང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེའི་སེམས་ཅན་ཇི་སྙེད་པ་དེ་དག་ཐམས་ཅད་ཀྱང་བདེ་བར་འགྱུར་རོ། །
D272.068.0024a06.01དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིད་དུ་འོང་བ་ཞེས་བྱ་བའི་ཞིང་ན་སེམས་ཅན་རྣམས་བདེ་བ་ལ་གཅིག་ཏུ་བཀོད་པ་དང་། ངན་སོང་དུ་སོང་བའི་སེམས་ཅན་རྣམས་ཀྱང་ཡོངས་སུ་གྲོལ་བར་བྱེད་ཅིང་ལྷ་དང་མིའི་ངོ་བོ་ཉིད་
D272.068.0024a07.01