完整藏文原文 · 德格版页 当前仅加载第 68 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་བྱེད་པ་དང་། དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་བྱེད་པ་བཞིན་ནོ། །དེ་ལ་འདི་སྐད་ཅེས་བྱ་སྟེ། གང་གིས་མགོན་དེའི་མཚན་ནི་བཟུང་བྱས་ན། །ཕྱི་རོལ་མ་ཡིན་རྟོག་པར་བྱེད་པ་དང་། །མདངས་ལྟ་བུ་ཡི་
D272.068.0024b01.01ཏིང་འཛིན་ཐོབ་བྱེད་ཅིང་། །དེ་དང་གཞན་དུ་མང་པོ་སྐྱེད་པར་བྱེད། །ཡོན་ཏན་རིན་ཆེན་མེ་ཏོག་རྒྱས་པ་ནུབ་བྱང་གི་ཕྱོགས་མཚམས་ལོགས་ན་ངན་སོང་སྤངས་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D272.068.0024b02.01རྫོགས་པའི་སངས་རྒྱས་རྣམ་པ་མང་པོའི་གཟི་བརྗིད་ཀྱི་རྒྱལ་པོ་དཔལ་འབྱུང་བ་ཞེས་བྱ་བ་ད་ལྟར་བཞུགས་ཏེ་འཚོ་ལ་གཞེས་ཤིང་ཆོས་ཀྱང་སྟོན་ཏོ། །བསྐལ་པ་དེ་ནི་དགེ་བ་རྒྱ་ཆེ་བ་ཞེས་བྱའོ། །རིགས་ཀྱི་བུའམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་
D272.068.0024b03.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པ་མང་པོའི་གཟི་བརྗིད་ཀྱི་རྒྱལ་པོ་དཔལ་འབྱུང་བ་ཞེས་བྱ་བ་དེའི་མཚན་བཟུང་ན་ཤི་འཕོས་ནས་སྤོབས་པ་དཔག་ཏུ་མེད་པ་བཀོད་པ་ཞེས་བྱ་བའི་གཟུངས་འཐོབ་པར་འགྱུར་རོ། །ཚེགས་ཆུང་ངུས་དེ་བཞིན་གཤེགས་
D272.068.0024b04.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱི་སངས་རྒྱས་ཀྱི་ཞིང་གི་ཡོན་ཏན་ཕུན་སུམ་ཚོགས་པ་བཀོད་པ་ཡོངས་སུ་འཛིན་པར་འགྱུར་རོ། །སྐྱེ་བ་གཅིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འགྲུབ་པར་འགྱུར་རོ། །སངས་རྒྱས་
D272.068.0024b05.01བྱེ་བ་ཕྲག་དགུ་བཅུས་ཆོས་བསྟན་པ་ཡང་ཐོས་པར་འགྱུར་རོ། །དེ་ལ་འདི་སྐད་ཅེས་བྱ་སྟེ། གང་གིས་རྒྱལ་བའི་མཚན་དེ་བཟུང་བྱས་ན། །སྐྱེ་བ་གཅིག་གིས་བྱང་ཆུབ་འཐོབ་པ་དང་། །འོད་དཔག་མེད་དང་མཉམ་པའི་ཞིང་དག་དང་། །གཟུངས་ཀྱང་སེམས་ཅན་དེ་ཡིས་
D272.068.0024b06.01འཐོབ་པར་འགྱུར། །ཡོན་ཏན་རིན་ཆེན་མེ་ཏོག་རྒྱས་པ་བྱང་ཤར་གྱི་ཕྱོགས་མཚམས་ལོགས་ན་མྱ་ངན་གྱི་གནོད་པ་ཐམས་ཅད་དང་བྲལ་བ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་
D272.068.0024b07.01