完整藏文原文 · 德格版页 当前仅加载第 67 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་མཆིས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་
D266.067.0310b01.01སེམས་དཔའ་ཆེན་པོ་མ་ཕམ་པ་ལ་འདི་སྐད་ཅེས་བཀའ་སྩལ་ཏོ། །མ་ཕམ་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཅིག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་མི་འགྱུར་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
D266.067.0310b02.01པར་འཚང་རྒྱ་བའི་ཆོས་གཅིག་པོ་ཡོད་དོ། །མ་ཕམ་པ་བྱང་ཕྱོགས་ལོགས་སུ་འཇིག་རྟེན་གྱི་ཁམས་ཚད་མེད་པ་འདས་ནས་འཇིག་རྟེན་གྱི་ཁམས་རྡོ་རྗེའི་སྙིང་པོ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེས་རབ་ཏུ་འཇོམས་པ་ཞེས་བྱ་བ་བཞུགས་
D266.067.0310b03.01ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །མ་ཕམ་པ་གང་དག་དེ་བཞིན་གཤེགས་པ་རྡོ་རྗེས་རབ་ཏུ་འཇོམས་པ་དེའི་མཚན་ཉན་པར་འགྱུར་བ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་
D266.067.0310b04.01རྒྱ་བར་འགྱུར་རོ། །བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །དེ་ལྟར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་མཐུ་ཆེའོ། །མ་ཕམ་པ་ངས་མངོན་པར་ཤེས་པ་དེ་བཞིན་གཤེགས་པ་མར་མེ་
D266.067.0310b05.01མཛད་ལས་དེ་བཞིན་གཤེགས་པ་དེའི་མཚན་ཐོས་ནས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་གྱུར་ཏོ། །མ་ཕམ་པ་གལ་ཏེ་ངས་དེ་བཞིན་གཤེགས་པ་མར་མེ་མཛད་དེ་ལས་དེ་བཞིན་གཤེགས་པ་དེའི་མཚན་ཐོས་པར་མ་གྱུར་ན། ང་འདི་
D266.067.0310b06.01ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་འགྱུར་རོ། །རྡོ་རྗེས་རབ་ཏུ་འཇོམས་པ་ཞེས་བྱ་བའི་ཚིག་གི་དོན་ཇི་ལྟ་བུ་ཞེ་ན། མ་ཕམ་པ་འདི་ལྟ་སྟེ། དཔེར་ན་ནོར་བུའམ། རྡོ་བའམ། བོང་བའམ། གསེག་མའམ། གྱོ་
D266.067.0310b07.01