完整藏文原文 · 德格版页 当前仅加载第 67 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྫོགས་པའི་སངས་རྒྱས་སེང་གེའི་ང་རོ་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་དུ་རྗོད་པར་བྱེད་ན། དེ་དག་ཐམས་ཅད་སེམས་ཅན་ཐམས་ཅད་དགྲོལ་བའི་ཕྱིར་འཇིག་རྟེན་གསུམ་ཟིལ་གྱིས་མནན་ནས་སེང་གེའི་སྒྲར་སྒྲོགས་སོ། །བསྐལ་པ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་
D266.067.0305b01.01པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་བཅུ་ན་འཇིག་རྟེན་གྱི་ཁམས་དགོན་པ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་དབྱངས་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་སེང་གེའི་དབྱངས་ལ་རྗེས་སུ་དྲན་པར་བྱེད་ཅིང་
D266.067.0305b02.01ཐ་ན་ནམ་མཁའ་ལ་ཡང་མེ་ཏོག་གིས་འཐོར་བ་དང་། གང་གིས་དེ་བཞིན་གཤེགས་པའི་མཆོད་རྟེན་བཙུགས་ནས་སྦྱིན་པ་ཡོངས་སུ་གཏོང་བས་དེ་བཞིན་གཤེགས་པ་དེ་ལ་མཆོད་པར་གྱུར་ཅིག་ཅེས་མོས་པ་ལྟ་ཅི་སྨོས་ཏེ། དེ་དག་ཐམས་ཅད་འཇིག་རྟེན་ན་མེ་ཏོག་ལྟ་བུར་འགྱུར་རོ། །གསུང་
D266.067.0305b03.01དབྱངས་དེ་ཐོབ་པར་འགྱུར་ཏེ་དེ་ནི་སངས་རྒྱས་ཀྱི་གསུང་དབྱངས་སོ། །སངས་རྒྱས་ཀྱི་ཞིང་སྟོང་ཕྲག་{བཅྭ་,བཅོ་}ལྔ་ན་འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བོའི་སྡེ་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་
D266.067.0305b04.01གཤེགས་པ་དཔའ་བོའི་སྡེའི་མཚན་ཉན་པ་དང་། དད་པ་སྐྱེད་པར་འགྱུར་བ་དང་། ལྷག་པའི་བསམ་པས་འཇིག་རྟེན་གྱི་ཁམས་མྱ་ངན་མེད་པ་ལ་ཡང་མོས་པར་བྱེད་པ་དང་། དེ་བཞིན་གཤེགས་པ་དེ་ལ་ལྷག་པའི་བསམ་པས་སེམས་བསྐྱེད་པ་ཙམ་ཡང་དད་པ་སྐྱེད་ན་དེ་དག་ཐམས་ཅད་ཀྱིས་དེ་བཞིན་
D266.067.0305b05.01གཤེགས་པ་ཆོས་སྟོན་པ་མཐོང་བར་འགྱུར་རོ། །དེ་ཅིའི་ཕྱིར་ཞེ་ན། བཅོམ་ལྡན་འདས་དེའི་སྔོན་གྱི་སྨོན་ལམ་གྱིས་ཏེ། འཇིག་རྟེན་གཞན་དུ་བྱང་ཆུབ་ཐོབ་པའི་མིང་ཐོས་ན་དེ་ནས་ཤི་འཕོས་ནས་དེ་དག་བདག་གི་སངས་རྒྱས་ཀྱི་ཞིང་དུ་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་གྱུར་ཅིག་ཅེས་
D266.067.0305b06.01སྨོན་ལམ་དེ་ལྟར་བཏབ་པར་གྱུར་ཏོ། །གང་དེ་བཞིན་གཤེགས་པ་དེའི་མཚན་ཐོས་ནས་དད་པར་མི་བྱེད་ཅིང་སྤོང་བ་དང་། རྣ་བ་བླགས་ཏེ་ཉན་པར་མི་བྱེད་པ་དེ་དག་ནི་ལོ་བྱེ་བ་སྙེད་དུ་སེམས་ཅན་དམྱལ་བའི་ལས་ཡོངས་སུ་བཟུང་བར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་དྲུག་ཅུའི་ཐ་མ་ན་འཇིག་རྟེན་གྱི་ཁམས་
D266.067.0305b07.01