完整藏文原文 · 德格版页 当前仅加载第 67 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་མཛད་ཅེས་བྱ་བ་བཞུགས་ཏེ། ཡང་ཤཱ་རིའི་བུ་གང་དེ་བཞིན་གཤེགས་པ་མཆོག་མཛད་དེའི་མཚན་ཉན་པར་འགྱུར་བ་དང་། དད་པ་ཡང་སྐྱེད་པར་འགྱུར་བ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་མཆོག་ཏུ་འགྱུར་རོ། །བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་
D266.067.0304b01.01པར་འགྱུར་རོ། །སངས་རྒྱས་ཀྱི་ཞིང་བྱེ་བ་བརྒྱ་སྟོང་གི་ཐ་མ་ན་འཇིག་རྟེན་གྱི་ཁམས་གཡུལ་ལས་རྣམ་པར་རྒྱལ་ཏེ་རྒལ་བ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མང་པོའི་བླ་མ་ཞེས་བྱ་བ་བཞུགས་ཏེ། ཤཱ་རིའི་བུ་གང་དེ་བཞིན་གཤེགས་པ་མང་པོའི་
D266.067.0304b02.01བླ་མའི་མཚན་ལྷའམ། ཀླུའམ། གནོད་སྦྱིན་ནམ། མིའམ། མི་མ་ཡིན་པ་ཉན་པར་འགྱུར་བ་དེ་ཉིད་དེ་དག་ཐམས་ཅད་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུར་འགྱུར་རོ། །དེ་དག་གིས་བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །
D266.067.0304b03.01གང་དག་མཚན་འདི་ལ་དད་པར་མི་བྱེད་པ་དེ་དག་ནི་བསྐལ་པ་ཉི་ཤུ་དང་ལོ་སྟོང་དུ་དམྱལ་བར་བཙོ་བར་འགྱུར་རོ། །སངས་རྒྱས་ཀྱི་ཞིང་ལྔ་སྟོང་ན་འཇིག་རྟེན་གྱི་ཁམས་རིན་པོ་ཆེ་སྣ་བདུན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་སྡེ་ཞེས་བྱ་
D266.067.0304b04.01བ་བཞུགས་ཏེ། ཤཱ་རིའི་བུ་གང་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེས་རབ་ཏུ་གང་བར་བྱས་ཏེ། སངས་རྒྱས་བཅོམ་ལྡན་འདས་ལ་ཉིན་རེ་ཞིང་སྦྱིན་པ་ཕུལ་ལ་དེ་བཞིན་དུ་བསྐལ་པ་གང་གཱའི་ཀླུང་གི་བྱེ་མ་སྙེད་དང་མཉམ་པར་སྦྱིན་པ་ཕུལ་ནས་དེ་འདི་སྙམ་དུ་སེམས་ཏེ། བདག་གིས་
D266.067.0304b05.01རིན་པོ་ཆེ་འདི་ཡོངས་སུ་བཏང་བ་འདིས་དེ་བཞིན་གཤེགས་པ་པད་མའི་སྡེ་དེའི་མཚན་ཐོས་པར་གྱུར་ཅིག་སྙམ་སྟེ། གང་སངས་རྒྱས་མཐོང་བ་དེ་དག་གིས་ཐོས་པར་ནུས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་དེ་ནི་སྤྱོད་པ་བསམ་གྱིས་མི་ཁྱབ་པ་ལས་ངེས་པར་བྱུང་བ་སྟེ། གང་དག་དེ་
D266.067.0304b06.01བཞིན་གཤེགས་པ་དེའི་མཚན་ཉན་པར་འགྱུར་བ་དང་། དད་པ་ཡང་སྐྱེད་པར་འགྱུར་བ་དེ་དག་ནི་པད་མ་ཆུ་ལས་བྱུང་བ་བཞིན་ཁམས་གསུམ་ཐམས་ཅད་ལས་མངོན་པར་འཕགས་པར་འགྱུར་རོ། །སངས་རྒྱས་ཀྱི་ཞིང་སྟོང་ཕྲག་སུམ་ཅུ་ན་འཇིག་རྟེན་གྱི་ཁམས་ཟླ་བ་ཅན་ན་དེ་བཞིན་གཤེགས་པ་དགྲ་
D266.067.0304b07.01