完整藏文原文 · 德格版页 当前仅加载第 61 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་མ་སྙེད་དག་གི་རྡུལ་ཕྲ་རབ་ཀྱི་རྡུལ་རྣམས་ནི་ཆེས་ཉུང་གི། བཅོམ་ལྡན་འདས་ཤཱཀྱ་ཐུབ་པས་རྒྱུན་མི་གཅོད་པར་ལྷུན་གྱིས་གྲུབ་ཅིང་རྣམ་པར་མི་རྟོག་པར་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་རྡུལ་ཕྲ་རབ་ཀྱི་རྡུལ་རེ་རེ་ལ་སེམས་
D185.061.0126b01.01ཅན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མཛད་ཟིན་པ་དང་། ཡོངས་སུ་སྨིན་པར་མཛད་པ་དང་། ཡོངས་སུ་སྨིན་པར་མཛད་པར་འགྱུར་བ་དག་ནི་ཆེས་མང་སྟེ། འཇམ་དཔལ་དེ་ལྟར་དེ་བཞིན་གཤེགས་པ་དགྲ་
D185.061.0126b02.01བཅོམ་པ་ཡང་དག་པར་རྫོགས་པའི་སངས་རྒྱས་ནི་སེམས་ཅན་ཡོངས་སུ་སྨིན་པར་མཛད་པ་བསམ་གྱིས་མི་ཁྱབ་པ་དང་ལྡན་ནོ། །འཇམ་དཔལ་དཔེར་ན་ཟླ་བའི་དཀྱིལ་འཁོར་ནི་ཉི་མའི་དབང་གིས་འབྲི་བ་དང་། སྐྱེ་བ་དང་། མི་སྣང་བར་འགྱུར་བར་ཡང་
D185.061.0126b03.01སྣང་ལ། ཟླ་བའི་དཀྱིལ་འཁོར་ལ་ནི་འབྲི་བ་དང་། མི་སྣང་བ་དང་། སྐྱེ་བ་མེད་དེ། འོན་ཀྱང་སེམས་ཅན་རྣམས་ཀྱི་སྔོན་གྱི་དགེ་བའི་ལས་ཀྱི་རྣམ་པར་སྨིན་པས་ཉི་མའི་གྲངས་དང་། ཡུད་ཙམ་དང་། ཡུད་ཙམ་ཕྱེད་དང་། ཟླ་བ་ཕྱེད་
D185.061.0126b04.01དང་། ཟླ་བ་དང་། ལོ་བགྲང་བའི་གྲངས་བཞག་པའི་ཕྱིར། དེ་བཞིན་གཤེགས་པའི་བྱིན་གྱི་རླབས་ཀྱིས་བྱ་བ་དེ་ལྟ་བུ་དག་འབྱུང་ཡང་འཇམ་དཔལ་ཟླ་བའི་དཀྱིལ་འཁོར་ལ་ནི་འབྲི་བའམ། འཕེལ་བའམ། མི་སྣང་བར་འགྱུར་བ་མེད་དེ།
D185.061.0126b05.01འོན་ཀྱང་འཇམ་དཔལ་སེམས་ཅན་རྣམས་ཀྱི་སྔོན་གྱི་དགེ་བའི་ལས་ཀྱི་རྣམ་པར་སྨིན་པ་དང་། ཉི་མའི་དབང་གིས་ལྷུན་གྱིས་གྲུབ་ཅིང་རྣམ་པར་མི་རྟོག་པར་ཟླ་བའི་དཀྱིལ་འཁོར་གྱི་བྱ་བ་དེ་ལྟ་བུ་དེ་འབྱུང་ངོ་། །འཇམ་དཔལ་དེ་བཞིན་དུ་དེ་བཞིན་གཤེགས་
D185.061.0126b06.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་སྔོན་དགེ་བའི་རྩ་བའི་ཚོགས་བསགས་པའི་སེམས་ཅན་རྣམས་ཀྱི་ང་རྒྱལ་དང་། རྒྱགས་པ་དང་། དྲེགས་པ་ཡང་དག་པར་གཞོམ་པའི་ཕྱིར་དང་། སྔོན་གྱི་དགེ་བའི་རྩ་བའི་ཚོགས་རྣམས་
D185.061.0126b07.01