完整藏文原文 · 德格版页 当前仅加载第 61 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
ན་རིའི་རྒྱལ་པོ་རི་རབ་ཀྱི་དབང་གིས་གླིང་བཞི་རྣམས་སུ་སེམས་ཅན་རྣམས་ཀྱིས་རྣམ་པ་མང་པོར་མཐོང་སྟེ། ཁ་ཅིག་གིས་ནི་དེ་འཆར་བར་མཐོང་། ཁ་ཅིག་གིས་ནི་ཤར་ཟིན་པར་མཐོང་། ཁ་ཅིག་གིས་ནི་བག་དྲོས་པ་ཙམ་དུ་མཐོང་། ཁ་ཅིག་
D185.061.0122a01.01གིས་ནི་དྲོས་ཆེན་ཙམ་དུ་ཤེས། ཁ་ཅིག་གིས་ནི་ནམ་ཕྱེད། ཁ་ཅིག་གིས་ནི་ཉི་མ་ཕྱེད། ཁ་ཅིག་གིས་ནི་ཉི་མ་མེལ་ཙེ་ཐུན་གཅིག་ཙམ་དུ་ཤར་བར་ཤེས། ཁ་ཅིག་གིས་ནི་ཉི་མ་ཕྱེད་ཡོལ་ཙམ་དུ་ཤེས། ཁ་ཅིག་གིས་ནི་ཉི་མ་སྣུར་ཙམ་དུ་ཤེས།
D185.061.0122a02.01ཁ་ཅིག་གིས་ནི་ཐོ་རངས་ཙམ་དུ་ཤེས་ཏེ། ཉི་མའི་དཀྱིལ་འཁོར་གཅིག་ཡིན་མོད་ཀྱི། འོན་ཀྱང་གླིང་བཞི་དག་ཏུ་སེམས་ཅན་རྣམས་ཀྱིས་གཞན་དང་གཞན་དག་ཏུ་མཐོང་ཡང་ཉི་མའི་དཀྱིལ་འཁོར་ནི་མི་རྟོག །རྣམ་པར་མི་རྟོག་སྟེ། ལྷུན་གྱིས་གྲུབ་ཅིང་རྣམ་པར་
D185.061.0122a03.01མི་རྟོག་བཞིན་དུ་རི་རབ་ཀྱི་དབང་གིས་གླིང་བཞི་པའི་འཇིག་རྟེན་གྱི་ཁམས་སུ་བྱ་བ་སྣ་ཚོགས་སྟོན་ཏོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་སེམས་ཅན་གྱི་དབང་གིས་འཁོར་གཅིག་ཁོ་ནའི་ནང་ནས་ཀྱང་
D185.061.0122a04.01སེམས་ཅན་ཁ་ཅིག་གིས་ནི་དེ་བཞིན་གཤེགས་པ་མངོན་པར་རྫོགས་པར་འཚང་རྒྱ་བར་ཤེས། ཁ་ཅིག་གིས་ནི་ཡོངས་སུ་མྱ་ངན་ལས་འདའ་བར་ཤེས། ཁ་ཅིག་གིས་ནི་བཅོམ་ལྡན་འདས་མངོན་པར་རྫོགས་པར་སངས་རྒྱས་པར་ཤེས་སོ། །འཁོར་དེ་ཉིད་ཀྱི་
D185.061.0122a05.01ནང་ནས་ཁ་ཅིག་གིས་ནི་བཅོམ་ལྡན་འདས་ཡོངས་སུ་མྱ་ངན་ལས་འདས་པར་ཤེས། ཁ་ཅིག་གིས་ནི་དེ་བཞིན་གཤེགས་པ་བཅོམ་ལྡན་འདས་མངོན་པར་རྫོགས་པར་སངས་རྒྱས་ནས་ལོ་བཅུ་ལོན་པར་ཤེས། ཁ་ཅིག་གིས་ནི་དེ་བཞིན་གཤེགས་པ་ཡོངས་སུ་མྱ་ངན་ལས་
D185.061.0122a06.01འདས་ནས་ལོ་བཅུ་ལོན་པར་ཤེས། ཁ་ཅིག་གིས་ནི་བཅོམ་ལྡན་འདས་ཀྱི་བསྟན་པ་སྙིང་པོར་གྱུར་པར་ཤེས། ཁ་ཅིག་གིས་ནི་བཅོམ་ལྡན་འདས་ཀྱི་བསྟན་པ་ནུབ་པར་ཤེས། ཁ་ཅིག་གིས་ནི་བཅོམ་ལྡན་འདས་ཀྱིས་ཆོས་བསྟན་ནས་ལོ་བཅུ་དང་། ཉི་ཤུ་དང་། སུམ་
D185.061.0122a07.01