完整藏文原文 · 德格版页 当前仅加载第 61 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
གླིང་དུ་རླུང་གི་དཀྱིལ་འཁོར་ཆེན་པོ་ལངས་པས་རྩྭ་དང་། ཤིང་གེལ་བ་དང་། སྨན་དང་། ནགས་ཚལ་དང་། ལོ་མ་ཐམས་ཅད་གཡོ། རབ་ཏུ་གཡོ། ཀུན་ཏུ་རབ་ཏུ་གཡོ། འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། འུར་འུར། རབ་
D185.061.0123a01.01ཏུ་འུར་འུར། ཀུན་ཏུ་རབ་ཏུ་འུར་འུར། འཁྲུགས། རབ་ཏུ་འཁྲུགས། ཀུན་ཏུ་རབ་ཏུ་འཁྲུགས་ཤིང་ལོ་མ་ཁ་ཅིག་ནི་ཤར་ཕྱོགས་སུ་དམའ་ལ་ནུབ་ཕྱོགས་སུ་མཐོ། ཁ་ཅིག་ནི་ནུབ་ཕྱོགས་སུ་དམའ་ལ། ཤར་ཕྱོགས་སུ་མཐོ། ལོ་མ་ཁ་ཅིག་ནི་མཐའ་
D185.061.0123a02.01དམའ་ལ་དབུས་མཐོ། ཁ་ཅིག་ནི་བྱང་ཕྱོགས་དམའ་ལ་ལྷོ་ཕྱོགས་སུ་མཐོ་ཡང་རྩྭ་དང་། ཤིང་གེལ་བ་དང་། སྨན་དང་། ནགས་ཚལ་དང་། ལོ་མ་རྣམས་མི་རྟོག །རྣམ་པར་མི་རྟོག་སྟེ། འོན་ཀྱང་འཇམ་དཔལ་རླུང་གི་དཀྱིལ་འཁོར་གྱི་དབང་གིས་བྱ་བ་སྣ་ཚོགས་
D185.061.0123a03.01སྟོན་ཏོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མི་རྟོག །རྣམ་པར་མི་རྟོག་སྟེ། འོན་ཀྱང་སེམས་ཅན་གྱི་དབང་གིས་རྟག་ཏུ་སྐད་ཅིག་སྐད་ཅིག་ལ་གཟུགས་ཀྱི་སྐུ་དང་། ཁ་དོག་དང་།
D185.061.0123a04.01སྤྱོད་པ་དང་། སྨོན་ལམ་དང་། བྱ་བ་ལ་འཇུག་པའི་གནས་གྲངས་མེད་པ་དག་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་སུ་འབྱུང་ངོ་། །འཇམ་དཔལ་སེམས་ཅན་རྣམས་ཀྱི་དེ་བཞིན་གཤེགས་པ་ལ་དམིགས་པ་ཡིད་ལ་བྱེད་པ་ཇི་སྙེད་
D185.061.0123a05.01འབྱུང་བ་དེ་སྙེད་ཀྱི་བསྐལ་པར་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དང་། གཤིན་རྗེའི་འཇིག་རྟེན་དུ་སྐྱེ་བའི་རྒྱུན་ཆད་ཅིང་ལྡོག་སྟེ། འཇམ་དཔལ་དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཡོན་ཏན་
D185.061.0123a06.01ཚད་མེད་པ་དང་ལྡན་ཏེ། དེ་བཞིན་གཤེགས་པ་གཅིག་ལ་དམིགས་པའི་ཡོན་ཏན་གྱི་མཐའ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་ཐར་པ་དང་། ཏིང་ངེ་འཛིན་བསམ་གྱིས་མི་ཁྱབ་པ་ལ་གནས་པ་རྣམས་ཀྱིས་ཀྱང་བསྐལ་པ་བྱེ་བ་ཁྲག་ཁྲིག་འབུམ་
D185.061.0123a07.01