完整藏文原文 · 德格版页 当前仅加载第 61 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན། སངས་རྒྱས་ཀྱིས་གསུངས་པའི་སྨོན་ལམ་བཞིན་དུ་མེ་ཏོག་དང་། མེ་ཏོག་ཕྲེང་གི་སྦྱིན་པ་འདིས་ན། བདག་གིས་སེམས་ཅན་ཐམས་ཅད་ཀྱི་ལུས་གཟུངས་དང་། སྤོབས་པ་དང་། བྱང་ཆུབ་ཀྱི་ཡན་ལག་རིན་པོ་ཆེའི་མེ་ཏོག་གིས་བརྒྱན་པར་བྱེད་པར་གྱུར་ཅིག་ཅེས་
D182.061.0086b01.01སྨོན་ལམ་འདེབས་སོ། །དེ་ལ་ཚིག་ཕྱི་མ་ཡང་ཡོད་དེ། མེ་ཏོག་མེ་ཏོག་ཕྲེང་བྱིན་པས། །མྱུར་བར་རྣམ་པ་ཐམས་ཅད་དུ། །བྱང་ཆུབ་ཡན་ལག་མེ་ཏོག་གིས། །ལུས་ཅན་ཀུན་ལ་བརྒྱན་པར་ཤོག །མེ་ཏོག་མེ་ཏོག་ཕྲེང་བྱིན་པས། །གང་དང་གང་དུ་སྐྱེས་
D182.061.0086b02.01པ་དེར། །རྒྱལ་པོ་བློན་པོ་ཞང་བློན་གྱིས། །རྟག་ཏུ་མཆོད་ཅིང་རིམ་གྲོ་བྱེད། །དེ་ལ་རོ་བྲོ་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། རོ་བྲོ་བ་སྦྱིན་པ་ཞེས་བྱ་བ་དེ་ནི་རོ་བྲོ་བའི་མཆོག་ཏུ་
D182.061.0086b03.01འགྱུར་བའི་སྐྱེས་བུ་ཆེན་པོའི་མཚན་དུ་འགྱུར་བའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་རོ་བྲོ་བའི་སྦྱིན་པ་རྒུན་གྱི་རོའམ། བུ་རམ་ཤིང་གི་རོའམ། སྦྲང་རྩིའི་རོའམ། མར་གྱི་རོའམ། འབྲུ་མར་གྱི་རོའམ། ལན་ཚྭའི་རོ་སྦྱིན་པར་བྱ་གོར་མ་ཆག་སྙམ་མོ། །དེ་
D182.061.0086b04.01རོ་བྲོ་བའི་སྦྱིན་པ་དེ་སྦྱིན་པ་ན། སངས་རྒྱས་ཀྱིས་བསྔགས་པའི་སྨོན་ལམ་བཞིན་དུ། རོའི་སྦྱིན་པ་འདིས་ན། བདག་གིས་སེམས་ཅན་ཐམས་ཅད་ལ་རོ་བྲོ་བའི་མཆོག་ཏུ་འགྱུར་བའི་སྐྱེས་བུ་ཆེན་པོའི་མཚན་ཡོངས་སུ་རྫོགས་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ། །
D182.061.0086b05.01དེ་ལ་འདི་སྐད་ཅེས་བྱ་སྟེ། རོ་ཡི་སྦྱིན་པས་སེམས་ཅན་ཀུན། །ཀུན་མཁྱེན་རོ་ཡི་སྙིང་པོ་ཡིས། །རྫོགས་སངས་རྒྱས་པའི་བྱང་ཆུབ་ཀྱི། །སྤྱོད་པ་ཡོངས་སུ་རྫོགས་གྱུར་ཅིག །རོ་ཡི་སྦྱིན་པས་ཡིད་གཞུངས་ཤིང་། །དྲན་ལྡན་བློ་གྲོས་རྒྱ་མཚོ་བཞིན། །དེས་ནི་རོ་ཡི་
D182.061.0086b06.01རྣམ་གྲངས་འཐོབ། །ལྷུན་གྱིས་གྲུབ་པར་ལོངས་སྤྱོད་ལྡན། །དེ་ལ་གནས་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། གནས་སྦྱིན་པ་ཞེས་བྱ་བ་དེ་ནི་སེམས་ཅན་ཐམས་ཅད་ཀྱི་གནས་དང་། སྐྱོབ་
D182.061.0086b07.01