完整藏文原文 · 德格版页 当前仅加载第 61 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པར་གྱུར་ཅིག་ཅེས་སྨོན་ལམ་འདེབས་སོ། །དེ་ལ་ཚིག་ཕྱི་མ་ཡང་ཡོད་དེ། རོལ་མོའི་སྒྲ་བྱིན་དེས་ན་བདག །སེམས་ཅན་ཀུན་ལ་ལྷ་རྣ་དང་། །སངས་རྒྱས་བྱང་ཆུབ་འགྲོ་ཕན་པ། །རབ་ཏུ་རྫོགས་པར་བྱེད་གྱུར་ཅིག །རོལ་མོ་སྒྲ་ནི་བྱིན་པས་ན། །
D182.061.0086a01.01རྫོགས་པའི་སངས་རྒྱས་གྲགས་ལྡན་པ། །དཔའ་བོ་རྣམས་ཀྱི་ལྷ་ཡི་སྙན། །གང་དུ་སྐྱེས་པ་དེ་ཡིས་འཐོབ། །དེ་ལ་སྤོས་དང་། ཕྱེ་མ་དང་། བྱུག་པ་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ།
D182.061.0086a02.01སྤོས་དང་། ཕྱེ་མ་དང་། བྱུག་པ་སྦྱིན་པ་ཞེས་བྱ་བ་དེ་ནི་ཚུལ་ཁྲིམས་དང་། ཐོས་པ་དང་། ཏིང་ངེ་འཛིན་གྱི་སྤོས་དང་། ཕྱེ་མ་དང་། བྱུག་པར་འགྱུར་བའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་སྤོས་དང་། ཕྱེ་མ་དང་། བྱུག་པ་སྦྱིན་པར་བྱ་གོར་མ་ཆག་སྙམ་མོ། །
D182.061.0086a03.01དེ་སྤོས་དང་། ཕྱེ་མ་དང་། བྱུག་པའི་སྦྱིན་པ་དེ་སྦྱིན་པ་ན། སངས་རྒྱས་ཀྱིས་དགོངས་པའི་སྨོན་ལམ་བཞིན་དུ་སྤོས་དང་། ཕྱེ་མ་དང་། བྱུག་པའི་སྦྱིན་པ་འདིས་ན་བདག་གིས་སེམས་ཅན་ཐམས་ཅད་ཚུལ་ཁྲིམས་དང་། ཐོས་པ་དང་། ཏིང་ངེ་འཛིན་གྱི་སྤོས་ཀྱིས་བྱུག་
D182.061.0086a04.01པར་གྱུར་ཅིག་ཅེས་སྨོན་ལམ་འདེབས་སོ། །དེ་ལ་འདི་སྐད་ཅེས་བྱ་སྟེ། སྤོས་དང་ཕྱེ་མ་བྱིན་པ་དང་། བྱུག་པ་དག་ནི་བྱིན་པ་ཡིས། །ཚུལ་ཁྲིམས་ཐོས་དང་ཏིང་ངེ་འཛིན། །ལུས་ཅན་རྣམས་ཀྱིས་ཐོབ་གྱུར་ཅིག །སྤོས་དང་ཕྱེ་མ་བྱིན་པ་དང་། །བྱུག་པ་བྱིན་
D182.061.0086a05.01པས་སྐྱོབ་རྣམས་ཀྱི། །ལྷ་ཡི་ཤངས་དང་ལྷ་ཡི་སྐུ། །སྐྱོན་མེད་དེ་ཡིས་འཐོབ་པར་འགྱུར། །དེ་ལ་མེ་ཏོག་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། མེ་ཏོག་དང་། མེ་ཏོག་ཕྲེང་གི་སྦྱིན་
D182.061.0086a06.01པ་ཞེས་བྱ་བ་དེ་ནི་གཟུངས་དང་། སྤོབས་པ་དང་། བྱང་ཆུབ་ཀྱི་ཡན་ལག་རིན་པོ་ཆེའི་མེ་ཏོག་ཐོབ་པར་འགྱུར་བའི་ཚིག་{བླ་དགས་,བླ་དྭགས་}ཡིན་གྱིས། བདག་གིས་མེ་ཏོག་དང་། མེ་ཏོག་ཕྲེང་གི་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །དེ་མེ་ཏོག་དང་། མེ་ཏོག་ཕྲེང་གི་སྦྱིན་པ་དེ་སྦྱིན་
D182.061.0086a07.01