'phags pa sbyin pa'i pha rol tu phyin pa zhes bya ba theg pa chen po'i mdo/
当前为德格木刻版 82a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 82a
- 可引用原文
- 7 行
- 全文规模
- 全经 260 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 61 函 · 德格 82a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྡུག་པ། །དེ་ནི་ནོར་ལ་འཕྲོག་མི་བྱེད། །དེ་ལ་འདོད་པས་ལོག་པར་གཡེམ་པ་སྤངས་པ་ཇི་ལྟ་བུ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། ཆུང་མ་ཞེས་བྱ་བ་ནི་ཐ་ན་དུད་འགྲོའི་སྐྱེ་གནས་སུ་གྱུར་པ་རྣམས་ལ་ཡང་།སྡུག་ཅིང་ཕངས་ལ་དགའ་ཞིང་ཡིད་དུ་འོང་བ་ཡིན་ཏེ། བདག་ལ་ཡང་ཆུང་མ་འདི་སྡུག་ཅིང་ཕངས་ལ་དགའ་ཞིང་ཡིད་དུ་འོང་བ་ཡིན་གྱིས། སུ་ཡང་བདག་ལ་འཕྲོག་པའམ། འཕྲོག་ཏུ་འཇུག་པའམ། ཕྲོགས་པ་ལ་རྗེས་སུ་ཡི་རང་བའམ། ནན་གྱིས་མནན་ཏེ། དགའ་
དགུར་ཡོངས་སུ་ལོངས་སྤྱད་པར་མ་གྱུར་ཅིག །བདག་གིས་ཀྱང་སུ་ལ་ཡང་དབྲོག་པར་མི་བྱ། འཕྲོག་ཏུ་གཞུག་པར་མི་བྱ། ཕྲོགས་པ་ལ་རྗེས་སུ་ཡི་རང་བར་མི་བྱ། ནན་གྱིས་མནན་ཏེ། དགའ་དགུར་ལོངས་སྤྱད་པར་མི་བྱའོ་སྙམ་མོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འདོད་པ་ལ་ལོག་པར་གཡེམ་པ་སྤངས་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། བྲན་མོར་གྱུར་པ་ཡན་ཆད་ཀྱང་། །གཞན་གྱི་བཞག་པར་གྱུར་པ་ལ། །གང་ལ་རང་གི་ཆུང་མ་སྡུག །དེ་ནི་ཆུང་མ་འཕྲོག་མི་བྱེད། །དེ་ལ་{བརྫུན་,རྫུན་}དུ་སྨྲ་བ་སྤངས་པ་ཇི་ལྟ་བུ་ཡིན་
ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། བདེན་པ་ཞེས་བྱ་བ་དེ་ནི་ཐ་ན་གནོད་སྦྱིན་དང་། འབྱུང་པོ་དང་། ཤ་ཟ་རྣམས་ལ་ཡང་སྡུག་ཅིང་ཕངས་ལ་དགའ་ཞིང་ཡིད་དུ་འོང་བ་ཡིན་ཏེ། བདག་ལ་ཡང་བདེན་པ་འདི་སྡུག་ཅིང་ཕངས་ལ། དགའ་ཞིང་ཡིད་དུ་འོང་བ་ཡིན་གྱིས། སུ་ཡང་བདག་ལ་{བརྫུན་,རྫུན་}དུ་སྨྲ་བས་སུན་འབྱིན་པའམ། སུན་འབྱིན་དུ་འཇུག་པའམ། སུན་ཕྱུང་བ་ལ་རྗེས་སུ་ཡི་རང་བར་མ་གྱུར་ཅིག །བདག་གིས་ཀྱང་སུ་ལ་ཡང་{བརྫུན་,རྫུན་}དུ་སྨྲ་བས་སུན་དབྱུང་བར་མི་བྱ། སུན་འབྱིན་དུ་གཞུག་པར་མི་བྱ། སུན་
ཕྱུང་བ་ལ་རྗེས་སུ་ཡི་རང་བར་མི་བྱའོ་སྙམ་མོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་{བརྫུན་,རྫུན་}དུ་སྨྲ་བ་སྤངས་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། གནོད་སྦྱིན་འབྱུང་པོ་ཡན་ཆད་ཀྱང་། །གང་ལ་བདེན་པར་སྨྲ་བ་སྡུག །ཤེས་རབ་ཅན་དེ་{བརྫུན་,རྫུན་}ཚིག་གིས། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D182
- 德格版页
- 82a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0182 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。