完整藏文原文 · 德格版页 当前仅加载第 60 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་འཇིག་རྟེན་དུ་མ་ལུས་པར་རྫོགས་ཤིང་རྒྱས་པར་བགྱིའོ། །འཇིག་རྟེན་གྱི་ཁམས་མི་མཇེད་འདི་ན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དམ་པའི་ཆོས་ཡོངས་སུ་གཟུང་བ་དང་། དམ་པའི་ཆོས་བསྲུང་བའི་སླད་དུ་ཆོས་ཀྱི་རྣམ་གྲངས་འདི་རྒྱས་
D175.060.0174a01.01པར་བགྱིད་དེ། བཅོམ་ལྡན་འདས་ཡོངས་སུ་མྱ་ངན་ལས་འདས་ནས། སླད་མའི་དུས་ལྔ་བརྒྱ་པ་ཐ་མ་ལ་ཆོས་ཀྱི་རྣམ་གྲངས་འདི་བྱང་ཆུབ་སེམས་དཔའ་གང་དག་གི་རྣ་ལམ་དུ་གྲགས་པར་འགྱུར་བ་དང་། འཛིན་པ་དང་། འཆང་བ་དང་། ཀློག་པ་དང་། སྟོན་པ་དེ་དག་ནི་བྱང་ཆུབ་
D175.060.0174a02.01སེམས་དཔའ་བྱམས་པའི་བྱིན་གྱི་རླབས་སུ་རིག་པར་བགྱིའོ། །དེ་ནས་བཅོམ་ལྡན་འདས་ཀྱིས་དམ་པའི་ཆོས་ཡོངས་སུ་འཛིན་པ་བྱང་ཆུབ་སེམས་དཔའ་དེ་དག་ལ་བཀའ་སྩལ་པ། སྐྱེས་བུ་དམ་པ་དག་ཇི་ལྟར་ཁྱོད་ད་ལྟར་ངའི་མདུན་ན་དམ་པའི་ཆོས་ཡོངས་སུ་འཛིན་པར་ལངས་པ་དེ་བཞིན་
D175.060.0174a03.01དུ། ཁྱོད་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཀྱི་སྤྱན་སྔར་དམ་པའི་ཆོས་ཡོངས་སུ་འཛིན་པར་ལངས་པ་ལེགས་སོ་ལེགས་སོ། །དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས་འདི་སྐད་ཅེས་གསོལ་ཏོ། །བཅོམ་
D175.060.0174a04.01ལྡན་འདས་བདག་བློ་ཞན་པས། བདག་གིས་ཆོས་ཀྱི་རྣམ་གྲངས་འདིར་དོན་དང་། ཚིག་དང་། ཡི་གེ་ཡོངས་སུ་རྫོགས་པར་མ་བགྱིས་པ་ལྟ་ན་བཅོམ་ལྡན་འདས་དང་། མི་ཟད་པའི་ཆོས་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ལ་བདག་བཟོད་པ་གསོལ་ཏོ། །བཅོམ་ལྡན་
D175.060.0174a05.01འདས་ཀྱིས་བཀའ་སྩལ་པ། བློ་གྲོས་མི་ཟད་པ་སོ་སོ་ཡང་དག་པར་རིག་པ་སྒྲིབ་པ་མེད་པ་ཐོབ་པའི་བྱང་ཆུབ་སེམས་དཔའ་རྣམས་ལ་དོན་དང་། ཆོས་དང་། ངེས་པའི་ཚིག་དང་། སྤོབས་པ་རྣམས་ལ་འཁྲུལ་པ་མེད་དོ། །འགོག་པ་ལ་ཡང་འཁྲུལ་པ་མེད་དོ། །གང་དག་ཆོས་
D175.060.0174a06.01འདི་ལྟ་བུ་དག་རྟོགས་པར་ཁོང་དུ་ཆུད་པའི་སྐྱེས་བུ་དམ་པ་དེ་དག་ནི་ཡང་དག་པའི་དོན་རྣམ་པར་ངེས་པ་ཐོབ་པ་ཡིན་ནོ། །བློ་གྲོས་མི་ཟད་པ་ཁྱོད་ནི་སོ་སོ་ཡང་དག་པར་རིག་པ་བཞིའི་དམ་པའི་མཆོག་ཐོབ་ཅིང་དབང་རྙེད་པ། ཐེག་པ་ཆེན་པོ་འདི་ལ་གཞན་གྱི་དྲིང་ལ་མི་འཇོག་ཅིང་རྣམ་པར་
D175.060.0174a07.01