完整藏文原文 · 德格版页 当前仅加载第 60 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་མགུ་སྐྱེད་པ་དང་། །བྱམས་པ་འཕགས་པའི་ཏིང་ངེ་འཛིན་དག་དང་། །སྙིང་རྗེ་ཆེན་པོའི་རྩ་བ་བསམ་དག་པ། །དགའ་བའི་རྣམ་པ་དག་ལ་འཇུག་པ་དང་། །བཏང་སྙོམས་གཉིས་ལ་ཆགས་ལས་གྲོལ་བ་དང་། །ཆོས་དོན་ཆོས་བྱེད་ཡེ་ཤེས་ཏ་ལ་ལ། །མི་འཁྲུགས་པ་དང་ཡེ་
D175.060.0115b01.01ཤེས་རྒྱ་མཚོ་དང་། །འགྲོ་བ་ཚིམ་བྱེད་རྣམ་པར་དུལ་བ་དང་། །རྣམ་པར་གྲོལ་བའི་ཡེ་ཤེས་དབང་བྱེད་དང་། །རྡོ་རྗེའི་རྒྱལ་མཚན་སྙིང་པོའི་པད་མ་དང་། །པད་མ་འདས་དང་འཇིག་རྟེན་ཆོས་བྲལ་དང་། །མི་གཡོ་བ་ཞེས་བྱ་བའི་ཏིང་འཛིན་དང་། །རྡོ་རྗེ་ལྟ་བུའི་ཏིང་ངེ་འཛིན་དག་དང་། །
D175.060.0115b02.01དཔའ་བར་འགྲོ་ཞེས་བྱ་བའི་ཏིང་ངེ་འཛིན། །སངས་རྒྱས་དགོངས་དང་དེ་བཞིན་མི་འཁྲུགས་དང་། །གཟི་བརྗིད་ཅན་དང་གཟི་བརྗིད་འོད་ཟེར་དང་། །རྣམ་པར་གྲོལ་བའི་ཡེ་ཤེས་མཆོག་སྦྱིན་དང་། །སངས་རྒྱས་རྒྱན་རྣམས་ཤིན་ཏུ་བཀོད་པ་དང་། །ཀུན་ཏུ་སྣང་དང་སངས་རྒྱས་ཞིང་དག་
D175.060.0115b03.01དང་། །སེམས་ཅན་བསམ་པར་རབ་ཏུ་འཇུག་པ་དང་། །མགུ་བྱེད་ཤིན་ཏུ་མགུ་བྱེད་ཏིང་འཛིན་དང་། །བྱང་ཆུབ་ལམ་གྱི་རྗེས་སུ་འཐུན་པ་དང་། །ཕ་རོལ་ཕྱིན་བརྒྱན་གཙུག་ན་རིན་པོ་ཆེ། །བྱང་ཆུབ་ཡན་ལག་མེ་ཏོག་སྦྱིན་པ་དང་། །རྣམ་པར་གྲོལ་བའི་འབྲས་བུ་སྦྱིན་པ་སྟེ། །མི་
D175.060.0115b04.01འཆི་དབྱངས་དང་དམིགས་མེད་རླུང་བཞིན་འགྲོ། །རིན་ཆེན་མཐའ་དང་རྒྱ་མཚོའི་ཤུགས་འཛིན་དང་། །རི་དང་བྲག་རྣམས་རྡོབ་པར་བྱེད་པ་དང་། །རྫུ་འཕྲུལ་དོན་ཆེན་ཡང་དག་སྐྱེད་པ་དང་། །སངས་རྒྱས་དཔག་ཏུ་མེད་པ་མཐོང་བ་དང་། །ཐོས་པ་ཐམས་ཅད་འཛིན་དང་མི་གཡེང་དང་། །
D175.060.0115b05.01སྐད་ཅིག་གཅིག་ལ་ཡེ་ཤེས་སྦྱིན་པ་དང་། །ཡོན་ཏན་མཐའ་ཡས་རྒྱ་མཚོ་རྣམ་པར་དག །དེ་ལྟར་ཏིང་འཛིན་འདི་དག་མཐའ་ཡས་དཔག་མེད་དེ། །བསམ་གཏན་བྱེ་བ་ཁྲག་ཁྲིག་དག་གི་ཕ་རོལ་སོང་། །བྱང་ཆུབ་སེམས་དཔའ་དམ་པ་མཆོག་རབ་འཇིགས་མེད་པ། །བརྟན་མཆོག་
D175.060.0115b06.01སེམས་དཔའ་ཆེན་པོ་ཏིང་འཛིན་རྣམ་དག་རྟོགས། །བཙུན་པ་ཤ་ར་དྭ་ཏིའི་བུ། འདི་ནི་བྱང་ཆུབ་སེམས་དཔའ་རྣམས་ཀྱི་བསམ་གཏན་མི་ཟད་པ་ཞེས་བྱའོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས། བྱང་ཆུབ་སེམས་དཔའ་བློ་གྲོས་མི་ཟད་པ་ལ་འདི་སྐད་ཅེས་སྨྲས་སོ། །རིགས་
D175.060.0115b07.01