完整藏文原文 · 德格版页 当前仅加载第 60 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་བཀྱེ་བའོ། །སྔོན་གྱི་སྨོན་ལམ་མི་གཏོང་བ་ལས་བྱུང་བས་ན། སྙིང་རྗེ་ཆེན་པོ་ནི་སེམས་ཅན་ཐམས་ཅད་རབ་ཏུ་ཐར་བར་བྱེད་པའོ། །འདུས་བྱས་ལ་སེམས་ཅན་ཡོངས་སུ་སྨིན་པར་བྱ་བ་ལས་བྱུང་བས་ན། སྙིང་རྗེ་ཆེན་པོ་ནི་འདུས་མ་བྱས་ལ་མི་རེག་པའོ། །སངས་རྒྱས་
D175.060.0133b01.01ཀྱི་ཚུལ་ཁྲིམས་ལ་སེམས་ཅན་རྣམས་རབ་ཏུ་འགོད་པ་ལས་བྱུང་བས་ན། སྙིང་རྗེ་ཆེན་པོ་ནི་ཚུལ་ཁྲིམས་འཆལ་པའི་སེམས་ཅན་རྣམས་ལ་ལྟ་བའོ། །བཙུན་པ་ཤ་ར་དྭ་ཏིའི་བུ། དེ་ལྟར་བྱང་ཆུབ་སེམས་དཔའི་ངེས་པར་འབྱུང་བ་གང་ཅི་ཡང་རུང་སྟེ། དེ་དག་ཐམས་ཅད་སྙིང་རྗེ་
D175.060.0133b02.01ཆེན་པོ་ལས་སྐྱེས་པ་སྟེ། དེའི་ཕྱིར་སྙིང་རྗེ་ཆེན་པོ་ཞེས་བྱའོ། །འདི་ལྟར་སྦྱིན་པར་བྱེད་པ་དང་། ཚུལ་ཁྲིམས་སུ་བྱེད་པ་དང་། བཟོད་པར་བྱེད་པ་དང་། བརྩོན་འགྲུས་སུ་བྱེད་པ་དང་། བསམ་གཏན་དུ་བྱེད་པ་དང་། ཤེས་རབ་ཏུ་བྱེད་པ་དང་། ཐབས་སུ་བྱེད་པ་དང་། བྱང་
D175.060.0133b03.01ཆུབ་ཀྱི་ཕྱོགས་ཀྱི་ཆོས་ཐམས་ཅད་བྱེད་པ་ནི་སྙིང་རྗེ་ཆེན་པོའོ། །བདག་གི་བྱེད་པ་དང་། རང་འབྱུང་གི་ཡེ་ཤེས་སྒྲུབ་པར་བྱེད་པ་དང་། ལེགས་པར་བྱ་བ་བྱེད་པ་དང་། འགྱོད་པ་མེད་པར་བྱེད་པ་དང་། གདོན་མི་ཟ་བར་བྱེད་པ་ནི་སྙིང་རྗེ་ཆེན་པོའོ། །སེམས་ཅན་ཐམས་ཅད་ཀྱི་བྱ་བ་ཅི་ཡོད་
D175.060.0133b04.01ཅེས་སོ་སོར་ཉེ་བར་གནས་པ་ལས་བྱུང་བས་ན། དེའི་ཕྱིར་སྙིང་རྗེ་ཆེན་པོ་ཞེས་བྱའོ། །བཙུན་པ་ཤ་ར་དྭ་ཏིའི་བུ། འདི་ནི་བྱང་ཆུབ་སེམས་དཔའ་རྣམས་ཀྱི་སྙིང་རྗེ་ཆེན་པོ་མི་ཟད་པ་ཞེས་བྱའོ།། །།བམ་པོ་ལྔ་པ། བཙུན་པ་ཤ་ར་དྭ་ཏིའི་བུ། གཞན་ཡང་བྱང་
D175.060.0133b05.01ཆུབ་སེམས་དཔའ་རྣམས་ཀྱི་དགའ་བ་ཆེན་པོ་ཡང་མི་ཟད་པ་སྟེ། དེ་ལ་དགའ་བ་ཆེན་པོ་ཡང་གང་ཞེ་ན། གང་སངས་རྒྱས་ཀྱི་ཆོས་རྣམས་དྲན་པ་དང་། རྗེས་སུ་དྲན་པ་དང་། དགའ་བ་དང་། མོས་པ་དང་། མཆོག་ཏུ་དགའ་བ་དང་། སེམས་མ་གོང་ཞིང་མི་རྫི་བ་དང་། སྲེད་པ་མེད་པ་
D175.060.0133b06.01དང་། འདོད་པའི་དགའ་བ་ཐམས་ཅད་གཏོང་བ་དང་། ཆོས་ཀྱི་དགའ་བ་ཐམས་ཅད་ཀྱི་རྟེན་དང་། སེམས་མཆོག་ཏུ་དགའ་བ་དང་། ལུས་རབ་ཏུ་སིམ་པ་དང་། སངས་རྒྱས་ལ་དགའ་ཞིང་ཡི་རངས་པ་དང་། དེ་བཞིན་གཤེགས་པའི་སྐུ་ལ་དགའ་ཞིང་མོས་པས། མཚན་དང་
D175.060.0133b07.01