完整藏文原文 · 德格版页 当前仅加载第 48 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོར་རྟོག་པའི་རྣ་བའི་སྟོབས། །དེ་ནི་ལུས་ལ་ཡོན་ཏན་ཆེ། །སྔོན་ཆད་རྟ་དང་གླང་པོ་ཡིས། །ཀུན་ཏུ་བསྐོར་ནས་རྩེ་ཞིང་འཁྱམ། །ཐར་པའི་ཆོས་ནི་མ་ཤེས་ནས། །བདག་ཅི་སྡིག་པའི་ལས་ལ་ཆགས། །འཇིག་རྟེན་ཕ་རོལ་མ་ཤེས་ནས། །
D102.048.0272a01.01རྩེ་བས་སྡིག་པ་བྱེད་དུ་བཅུག །བདག་ནི་ཡང་དང་ཡང་སྐྱེས་ཏེ། །ཤི་བ་བདག་ལ་ཡང་འོངས་སོ། །ཡང་དང་ཡང་དུ་མྱ་ངན་མཐོང་། །སྨྲེ་སྔགས་འདོན་པས་རབ་ཏུ་བཅིངས། །མ་རྣམས་ཀྱང་ནི་ཤི་བ་མཐོང་། །ཕ་རྣམས་ཤི་དང་གཉེན་དག་དང་། །སྲིང་མོ་དང་ནི་བུ་དག་
D102.048.0272a02.01དང་། །ཆུང་མ་རྣམས་ཀྱང་ཤི་བ་མཐོང་། །མངོན་པར་འདུ་བྱེད་ཀུན་སྟོང་ན། །སེམས་དང་བཅས་པ་སུ་ཞིག་ཆགས། །འདོད་པས་ཟིན་པའི་སེམས་ཀྱིས་སུ། །བདག་གིས་ཡིད་བརྟན་རུང་བར་ཤེས། །ཞི་བའི་ཆོས་ནི་མི་དམིགས་ཏེ། །འཆི་བ་ལ་ནི་མངོན་དགའ་མེད། །དེ་ཕྱིར་
D102.048.0272a03.01འདོད་པས་བསྒྲིབས་སེམས་ཀྱིས། །བདག་གིས་སྦྱིན་པ་མ་བྱིན་ནོ། །དེ་བས་འདོད་དང་མཉམ་སྡིག་མེད། །དེ་ནི་ད་དུང་མི་ལྡོག་གོ། །ཀུན་ཏུ་ནོར་བས་བདག་ཅག་སྐྱེས། །འགྲོ་བ་མཐའ་དག་ཀུན་ཏུ་ནོར། །ཀུན་ཏུ་ནོར་བའི་སྒྲ་ཡང་ཉན། །དམ་ཆོས་མ་ཡིན་ཡོངས་སུ་
D102.048.0272a04.01འཛིན། །ཐར་པ་དང་ནི་བསམ་གཏན་བཙལ། །ལུས་ནི་ཁུར་དུ་བཀུར་མི་བྱ། །འཇིག་རྟེན་དོན་དུ་འགྲོ་བའི་གཙོ། །སངས་རྒྱས་སྟོན་པ་རྣམས་སུ་ཤོག །སངས་རྒྱས་འཇིག་རྟེན་ཕ་དང་མ། །སངས་རྒྱས་ལམ་ནི་རབ་སྟོན་པ། །འཛམ་བུའི་གླིང་ནི་ཀུན་ཏུ་ཡང་། །རིན་ཆེན་
D102.048.0272a05.01ཆར་པ་རབ་ཏུ་འབེབས། །ཆོས་ཀྱི་བསྡུ་བ་ཅི་འདྲ་བ། །སེམས་ཅན་བླུན་པོས་མི་ཤེས་ཏེ། །བྱང་ཆུབ་ཏུ་ནི་སེམས་བསྔོས་ན། །ཆོས་ཀྱི་བསྡུ་བ་ཐོབ་པར་འགྱུར། །འདུ་བྱེད་ཐམས་ཅད་སྟོང་པ་སྟེ། །དེ་བཞིན་ལོངས་སྤྱོད་ནོར་ཡང་སྟོང་། །བདག་ཀྱང་སྟོང་པར་མཐོང་བས་ན། །མཐོང་
D102.048.0272a06.01ནས་རེ་བ་མེད་པར་གྱུར། །གནས་བརྟན་སྨན་གྱི་སྡེ་ཁྱོད་ཀྱིས། །བདག་ཅག་རྣམས་ཀྱི་ཚིག་གསོན་ཅིག །བྱང་ཆུབ་སེམས་དཔའ་རྣམས་ཀྱི་ཕྱིར། །ཁྱོད་ནི་ཕོ་ཉར་བཞུད་འཚལ་ལོ། །འཁོར་བའི་ཉེས་པ་རྣམས་དྲན་ནས། །བྱང་ཆུབ་སེམས་དཔའ་སྐྱོ་བ་མེད། །བརྩོན་འགྲུས་ལྡན་ཞིང་དཀའ་
D102.048.0272a07.01