完整藏文原文 · 德格版页 当前仅加载第 48 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་བསོད་ནམས་ཆུང་ཤེས་ནས། །སྐྱེ་བོ་གཞན་དག་མྱ་ངན་བྱེད། །སྦྱིན་དང་ཚུལ་ཁྲིམས་ཡོངས་སུ་ཉམས། །ཆོས་ལ་ཡང་ནི་རྒྱབ་ཀྱིས་ཕྱོགས། །ཡང་སྐྱེ་བ་ནི་མི་ཤེས་པས། །ཉོན་མོངས་སྦྲུལ་གྱིས་ཉོན་མོངས་པ། །མ་རིག་པས་ནི་བྱིས་
D102.048.0267a01.01པ་རྣམས། །གང་ན་ཐར་པ་མེད་པར་འཁྱམ། །ཐར་པའི་དོན་ནི་མི་ཤེས་ནས། །འཁྲུལ་པས་སྡིག་པ་རྣམས་ཀྱང་བྱེད། །ཉོན་མོངས་རྣམས་ཀྱིས་བྱིས་པ་འཁྱམ། །ཡིད་ནི་རྟག་ཏུ་རྣམ་པར་འཁྲུགས། །བཅིང་བ་སྣ་ཚོགས་ལྡན་ལུས་ལ། །མེས་ནི་ཀུན་ཏུ་འབར་ཞིང་ཚིག །
D102.048.0267a02.01གང་ན་བདེ་བ་མེད་པ་དེར། །ལུས་ནི་རྣམ་པར་འཁྲུལ་པས་འཁྱམ། །གང་ལས་ཤིན་ཏུ་བདེ་འབྱུང་བ། །བདེ་བ་དེ་ནི་མི་ཤེས་ཏེ། །སངས་རྒྱས་ཞིང་ནི་བདེ་བ་སྦྱིན། །ཆོས་ཀྱི་འཁོར་ལོ་སྨན་གྱི་མཆོག །ཚུལ་ཁྲིམས་བདེན་པའི་ཚུལ་ཁྲིམས་སོ། །དེ་བཞིན་གཤེགས་པའི་
D102.048.0267a03.01ཚངས་དབྱངས་ཡིན། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་སྡེ་ལ་བཀའ་སྩལ་པ། སྨན་གྱི་སྡེ་སེམས་ཅན་དག་འཆི་བའི་དུས་ཀྱི་ཚེ། དེ་ལྟར་སྨྲེ་སྔགས་འདོན་ཀྱང་ལེགས་པར་བྱས་པའི་ལས་ཀྱི་འབྲས་བུ་རྣམ་པར་སྨིན་པ་མ་གཏོགས་པར་དེ་
D102.048.0267a04.01དག་གི་སྐྱོབ་པར་འགྱུར་བ་སུ་ཡང་མེད་དོ་ཞེས་བཀའ་དེ་སྐད་སྩལ་ནས་ཚིགས་སུ་བཅད་པ་འདི་དག་ཀྱང་གསུངས་སོ། །སྡིག་པའི་ལས་ནི་བྱས་པས་ན། །སེམས་ཅན་དམྱལ་བ་རྣམས་སུ་ལྟུང་། །སྲེག་པའི་གོས་ནི་གྱོན་པར་འགྱུར། །སྐོམ་དུ་ལྕགས་ཁུ་འཐུང་བར་འགྱུར། །ལུས་རྣམས་ལ་ནི་
D102.048.0267a05.01མེ་མདག་འབབ། །ཚིག་ནས་རབ་ཏུ་མི་བཟད་དུ། །སེམས་ཅན་དམྱལ་བ་འཇིགས་ཆེན་དུ། །དེ་ཡི་ལུས་ནི་རབ་ཏུ་འཚིག །བདེ་བ་དག་ནི་མི་ཤེས་ཤིང་། །ཆོས་ཀྱང་རྣམ་པར་མི་ཤེས་ཏེ། །ཆོས་མ་ཡིན་པས་བྱིས་པ་འཁྱམ། །བདེ་བ་ཅུང་ཟད་རྙེད་མི་འགྱུར། །དད་དང་ཚུལ་ཁྲིམས་
D102.048.0267a06.01ཕུན་སུམ་ཚོགས། །ཤེས་རབ་ལྡན་ཞིང་དཀའ་ཐུབ་ཆེ། །དགེ་བའི་བཤེས་གཉེན་བསྟེན་པ་ནི། །དེ་བཞིན་གཤེགས་པར་མྱུར་དུ་འགྱུར། །འཇིག་རྟེན་སངས་རྒྱས་འབྱུང་བའི་ཕྱིར། །བརྩོན་འགྲུས་ཀྱི་ནི་མཆོག་རྩོམས་ལ། །སེམས་ཅན་ཐམས་ཅད་ཡོངས་བཟུང་བ། །དགེ་བའི་ལས་ཀྱི་
D102.048.0267a07.01