完整藏文原文 · 德格版页 当前仅加载第 48 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྲོག་ཆད་པར་འགྱུར་རོ། །སྙམ་བསམས་ནས་དེས་དེར་མེ་ཁྱེར་ཏེ་འོངས་ནས་ཁྱིམ་དེའི་ནང་དུ་མེ་{ཆུང་ཟད་,ཅུང་ཟད་}ཅིག་བོར་བ་དང་། མི་བཙོན་རར་བཅུག་པ་དེས་མེ་དེ་མཐོང་ངོ་། །མཐོང་ནས་ཀྱང་དེ་དབུགས་ཕྱིན་པར་གྱུར་ཏེ་སྤྲོ་བ་སྐྱེས་སོ། །མེ་དེ་ཡང་རྒྱུ་གང་གིས་འབར་བའི་མེ་འབར་བ་དེས་ཁྱིམ་
D102.048.0262b01.01དེ་ཀུན་ཏུ་འབར་བར་གྱུར་ནས་མི་དེ་ཡང་དེ་ཉིད་དུ་ཚིག་པ་དང་། དེ་ཚིག་གོ་ཞེས་རྒྱལ་པོས་ཐོས་ནས་མི་དགའ་སྟེ། དེ་འདི་སྙམ་དུ་ཕྱིན་ཅད་ནི་བདག་གི་ཡུལ་དུ་སེམས་ཅན་གང་ཡང་བཙོན་རར་མི་གཞུག་གོ་སྙམ་དུ་སེམས་སོ། །དེ་ནས་རྒྱལ་པོ་དེས་རང་གི་ཡུལ་ན་གནས་པའི་སེམས་ཅན་རྣམས་ལ།
D102.048.0262b02.01ཀྱེ་སེམས་ཅན་ཁྱེད་ཅག་མ་འཇིགས་ཤིག །མ་སྐྲག་ཤིག །ཁྱེད་ཅག་འཇིགས་པར་མ་གྱུར་ཅིག །ཕྱིན་ཆད་ངའི་ཡུལ་དུ་ཆད་པས་གཅད་པའམ། བཙོན་རར་གཞུག་པར་མི་བྱའོ། །སེམས་ཅན་གང་ཡང་སྲོག་དང་དབྲལ་བར་མི་བྱ། ཀྱེ་སེམས་ཅན་ཁྱེད་རྣམས་མ་འཇིགས་ཤིག་ཅེས་དེ་ལྟར་
D102.048.0262b03.01དབུགས་ཕྱུང་བ་དེ་བཞིན་དུ། སྨན་གྱི་སྡེ་དེ་བཞིན་གཤེགས་པ་ནི་ཉོན་མོངས་པ་ཐམས་ཅད་བསྲེགས་པ་ནད་ཐམས་ཅད་རབ་ཏུ་ཞི་བའོ། །ཇི་ལྟར་ཁྱིམ་ཚིག་ནས་མི་ཉིད་ཀྱི་ལུས་ཀྱང་ཚིག་སྟེ། སེམས་ཅན་རྣམས་ཀྱི་དོན་དང་ཕན་པ་དང་བདེ་བའི་ཕྱིར་ཞུགས་ནས་སེམས་ཅན་བཅིངས་པ་ཡང་
D102.048.0262b04.01བཅིངས་པ་ལས་ཡོངས་སུ་ཐར་བར་བྱེད་པ་དེ་བཞིན་དུ། དེ་བཞིན་གཤེགས་པ་ཡང་འདོད་ཆགས་དང་། ཞེ་སྡང་དང་། གཏི་མུག་གི་དྲི་མ་སྤངས་ཏེ། སེམས་ཅན་ཐམས་ཅད་ལ་སྒྲོན་མ་བཞིན་དུ་འཇིག་རྟེན་དུ་བྱུང་ནས་སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་།
D102.048.0262b05.01{ཡི་དགས་,ཡི་དྭགས་}དང་། ལྷ་མ་ཡིན་གྱི་ལུས་རྣམས་ལས་ཡོངས་སུ་ཐར་བར་མཛད་ཅིང་སེམས་ཅན་གཞོན་ནུ་དང་། རྒན་པོ་རྣམས་ཀྱང་ཡོངས་སུ་ཐར་བར་མཛད་དོ། །དེ་ནས་སྟེང་གི་བར་སྣང་ལས་ཚིགས་སུ་བཅད་པ་འདི་དག་བྱུང་ངོ་། །རྒྱལ་བའི་ཞིང་ནི་ངོ་མཚར་ཞིང་། །ཞིང་{བཟངས་,བཟང་}མངོན་པར་འདུས་
D102.048.0262b06.01བྱས་པ། །དེ་ལ་ས་བོན་བཏབ་པ་ནི། །རྣམ་པར་ཆུད་ཟར་མི་འགྱུར་རོ། །རྒྱལ་བའི་ཞིང་ནི་དག་པའི་ཞིང་། །སངས་རྒྱས་བསྟན་པ་བསྔགས་པ་སྟེ། །སེམས་ཅན་ཐམས་ཅད་བཟུང་བའི་ཕྱིར། །སྟོན་པས་ཀྱང་ནི་ཐབས་མཛད་དོ། །མྱ་ངན་འདས་པའི་དབྱིངས་གནས་ཀྱང་། །ས་ཡི་སྟེང་ན་ཀུན་ཏུ་སྣང་། །
D102.048.0262b07.01