'phags pa 'jam dpal rnam par rol pa zhes bya ba theg pa chen po'i mdo/
当前为德格木刻版 238a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 238a
- 可引用原文
- 7 行
- 全文规模
- 全经 350 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 46 函 · 德格 238a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྤོངས་ཤིག །གསོལ་པ་བཅོམ་ལྡན་འདས། འཇིགས་སྐྲག་པར་འགྱུར་བའི་གཞི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཁྱེའུ་འདོད་ཆགས་དང་ཞེ་སྡང་དང་། གཏི་མུག་ནི་འཇིགས་པ་དང་སྐྲག་པར་འགྱུར་བའི་གཞིའོ། །ངའོ་སྙམ་པའི་ང་རྒྱལ་ནི་གཞིའོ། །ལྟ་བའི་ཀུན་ནས་ལྡང་བ་ནི་གཞིའོ། །སྲེད་པས་ལྷག་པར་ཆགས་པ་ནི་གཞིའོ། །ངར་འཛིན་པ་དང་ང་ཡིར་འཛིན་པ་ནི་གཞིའོ། །དངོས་པོ་ལ་མངོན་པར་ཞེན་པ་ནི་གཞིའོ། །ཡོངས་སུ་འཛིན་པ་དང་རྩོད་པ་ནི་གཞིའོ། །འཇིག་ཚོགས་ལ་ལྟ་བའི་འཆིང་བ་ནི་གཞིའོ། །མི་རྟག་པ་ལ་རྟག་པར་འདུ་ཤེས་པ་ནི་གཞིའོ། །སྡུག་བསྔལ་བ་ལ་བདེ་བར་འདུ་ཤེས་པ་ནི་གཞིའོ། །མི་སྡུག་པ་ལ་སྡུག་པར་འདུ་ཤེས་པ་ནི་གཞིའོ། །བདག་མེད་པ་ལ་བདག་ཏུ་འདུ་
ཤེས་པ་ནི་གཞིའོ། །ཕུང་པོ་རྣམས་ལ་ཡོངས་སུ་འཛིན་པའི་འདུ་ཤེས་ནི་གཞིའོ། །ཁམས་རྣམས་ལ་སོ་སོར་མི་རྟོག་པ་ནི་གཞིའོ། །སྐྱེ་མཆེད་རྣམས་ཡོངས་སུ་མི་ཤེས་པ་ནི་གཞིའོ། །ལུས་ལ་སྐྱོན་དུ་མི་ལྟ་བ་ནི་གཞིའོ། །སྲོག་ལ་མངོན་པར་དགའ་བ་ནི་གཞི་སྟེ། ཁྱེའུ་གཞི་དེ་དག་ལས་འཇིགས་པ་དང་སྐྲག་པ་འབྱུང་བས་དེ་དག་སྤང་བར་བྱའོ། །ཁྱེའུ་ཁྱོད་ཀྱིས་བུ་མོ་དེའི་ལུས་རྣམ་པར་ཞིག་པ་མཐོང་ངམ། གསོལ་པ། བཅོམ་ལྡན་འདས་བདག་གིས་མཐོང་ལགས་སོ། །བཅོམ་ལྡན་འདས་ཀྱིས་
བཀའ་སྩལ་པ། ཁྱེའུ་འདུས་བྱས་ཐམས་ཅད་ནི་དེ་ལྟར་མི་རྟག་པ། སྡུག་བསྔལ་བ། བདག་མེད་པ། རྣམ་པར་འགྱུར་བའི་ཆོས་ཅན། མི་བརྟན་པ། ཐེར་ཟུག་མ་ཡིན་པ། བྱིས་པ་འདྲིད་པ། ལོག་པ་ལས་བྱུང་བ། གཡོ་བ་མེད་པ། རྣམ་པར་བསྒྲུབས་པ་སྟེ། མེད་པ་ལས་སྣང་བས་སྒྱུ་མ་ལྟ་བུའོ། །རོ་མྱང་བ་ཆུང་བས་རྨི་ལམ་ལྟ་བུའོ། །འཁྲུལ་པར་སྣང་བས་སྨིག་རྒྱུ་ལྟ་བུའོ། །གཟོད་མ་ནས་མ་སྐྱེས་པས་མིག་ཡོར་ལྟ་བུའོ། །ལས་ཀྱི་རྣམ་པར་སྨིན་པ་ཆུད་མི་ཟ་བའི་ཚུལ་གྱིས་གཟུགས་བརྙན་ལྟ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D96
- 德格版页
- 238a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0096 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。