完整藏文原文 · 德格版页 当前仅加载第 46 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ཙམ་གྱིས་སྐྱེ་བོ་འགུམ་པར་འགྱུར་བ་ལས་དེར་མི་ཞིག་གིས་དུག་ཐམས་ཅད་འཇིལ་བ་དང་། དུག་ཐམས་ཅད་རབ་ཏུ་ཞི་བར་བགྱིད་པའི་སྨན་གནོད་སེལ་ཅེས་བགྱི་བ་འཚལ་ཏེ་མཆིས་ནས། དེ་ནས་སྨན་དེ་བསྟན་མ་ཐག་ཏུ་སྦྲུལ་གདུག་པའི་དུག་དེ་མ་མཆིས་པར་བགྱིས་ནས་དེ་ལ་ཁྱེའུ་དང་
D96.046.0229b01.01བུ་མོ་རྣམས་བརྩེ་བས་རྩེ་ཞིང་། ཁྱེའུ་དང་བུ་མོ་དེ་དག་སྦྲུལ་གདུག་པ་དེ་དང་ལྷན་ཅིག་ཏུ་རྩེ་བར་བགྱིད་དེ། པང་པར་ལེན་ཅིང་གློ་ལ་སེ་རལ་ཕྲེང་དུ་བཏགས་ཏེ། རྒྱན་དུ་བགྱིས་ཀྱང་ཚིག་པར་མི་བགྱིད། ཟ་བར་མི་བགྱིད། སྡུག་བསྔལ་དུ་མི་བགྱིད་དོ། །འཇམ་དཔལ་དེ་བཞིན་དུ་
D96.046.0229b02.01བདག་ཀྱང་སྔོན་ཆོས་འདུལ་བ་མ་ཐོས་པས་ཚུལ་བཞིན་མ་ལགས་པ་ཡིད་ལ་བགྱིད་པ་ཕྱིན་ཅི་ལོག་ལ་ཉེ་བར་གནས་པའི་ཉོན་མོངས་པས་ཡོངས་སུ་བསྲེགས་པ་ན་འདོད་ཆགས་ཀྱིས་རང་གི་ལུས་ལ་ཆགས་ཤིང་རང་གི་གཟུགས་ལ་མངོན་པར་ཞེན་ཏེ། གཟུགས་དབུ་བ་ལྟ་བུར་སོ་སོར་
D96.046.0229b03.01རྟོག་པར་མི་བགྱིད། ལུས་སྒྱུ་མའི་ཆོས་ཉིད་དུ་མ་འཚལ། དགའ་བའི་རྩེད་མོ་རྨི་ལམ་ལྟ་བུར་མ་འཚལ། འདོད་པའི་དགའ་བའི་རོ་མྱང་བ་སྦྲང་རྩིའི་ཐིགས་པ་ལྟ་བུར་མ་འཚལ། སྲོག་གི་དབང་པོ་ཟིལ་པའི་ཐིགས་པ་ལྟ་བུར་མ་འཚལ། འདུ་བྱེད་ཐམས་ཅད་མི་རྟག་པར་མ་
D96.046.0229b04.01འཚལ། ལུས་མི་སྡུག་པར་མ་འཚལ། འདུ་བྱེད་ཐམས་ཅད་ཤིན་ཏུ་སྡུག་བསྔལ་བར་མ་འཚལ་ཞིང་། ཆོས་ཐམས་ཅད་བདག་མ་མཆིས་པར་སོ་སོར་རྟོག་པར་མི་བགྱིད་དེ་བདག་ཀྱང་མུན་པ་མུན་ནག་གིས་བསྒྲིབས་ཤིང་། གཞན་ལ་ཡང་མུན་པར་བགྱིད། བདག་ཀྱང་བཅིངས་
D96.046.0229b05.01ཤིང་གཞན་ལ་ཡང་འཆིང་བར་བགྱིད་པ་ལས། འཇམ་དཔལ་གང་གི་ཚེ་བདག་གིས་ཁྱོད་ལས་ཆོས་དང་ལྡན་པའི་བཀའ་མཆིད་ཐོས་ཏེ། ཐོས་ནས་ཀྱང་མོས་ཤིང་མོས་ནས་ཀྱང་རྣམ་པར་གྲོལ་ཏེ་དེའི་སླད་དུ་བདག་ད་ལྟར་དང་སླན་ཆད་ཆགས་པའི་མིག་གིས་སུ་ལ་ཡང་ལྟ་བར་མི་བགྱིད་
D96.046.0229b06.01དོ། །དེ་ཅིའི་སླད་དུ་ཞེ་ན། འཇམ་དཔལ་སྣང་བ་ནི་མུན་པ་དང་ལྷན་ཅིག་མི་གནས་སོ། །འཇམ་དཔལ་དེ་བཞིན་དུ་འདོད་ཆགས་དང་བྲལ་བ་ནི་སུ་ཡང་ཉོན་མོངས་པ་རྣམས་ལ་ཆགས་པ་མ་མཆིས་པའི་སླད་དུའོ། །དེ་ནས་ཡང་འཇམ་དཔལ་གཞོན་ནུར་གྱུར་པ་ལ་སྨད་
D96.046.0229b07.01