完整藏文原文 · 德格版页 当前仅加载第 46 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ལྔ་བརྒྱས་རང་རང་གི་གོས་དང་རྒྱན་ཐམས་ཅད་ལུས་ལས་ཕུད་དེ། འཇམ་དཔལ་གཞོན་ནུར་གྱུར་པ་ལ་ཕུལ་ནས་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་རབ་ཏུ་འབྱུང་བ་ལེགས་པར་བཤད་དེ། བདག་ཅག་རྣམས་
D96.046.0234a01.01ཀྱིས་ཀྱང་རབ་ཏུ་འབྱུང་བ་འདི་བསྒྲུབ་པར་བགྱིའོ། །དེ་ནས་འཇམ་དཔལ་གཞོན་ནུར་གྱུར་པས་སྨད་འཚོང་མའི་བུ་མོ་གསེར་མཆོག་འོད་དཔལ་ལ་འདི་སྐད་ཅེས་སྨྲས་སོ། །བུ་མོ་ཁྱོད་རྟའི་ཤིང་རྟ་འདི་ལ་ཞོན་ལ། ཚོང་དཔོན་གྱི་བུ་འཇིགས་བྱིན་ལ་སྙིང་བརྩེ་བའི་ཕྱིར་ཡོངས་སུ་སྨིན་པར་གྱིས་
D96.046.0234a02.01ཤིག་དང་། དེ་ཉིད་ཀྱིས་ཁྱོད་རབ་ཏུ་འབྱུང་བ་དང་། བསྙེན་པར་རྫོགས་པར་འགྱུར་རོ། །དེ་ནས་སྐྱེ་བོ་ཕལ་པོ་ཆེ་དེ་དག་འདི་སྙམ་དུ་སེམས་ཏེ། འདོད་ཆགས་དང་བྲལ་བ་དང་། འདོད་ཆགས་དང་མ་བྲལ་བ་གཉིས་ལྷན་ཅིག་གནས་སུ་ཇི་ལྟར་རུང་སྙམ་མོ། །དེ་ནས་བུ་མོ་དེས་སྐྱེ་
D96.046.0234a03.01བོ་ཕལ་པོ་ཆེ་དེ་དག་གི་སེམས་ཀྱི་ཡོངས་སུ་རྟོག་པ་སེམས་ཀྱིས་ཤེས་ནས། སྐྱེ་བོ་ཕལ་པོ་ཆེ་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་འདོད་ཆགས་དང་བྲལ་བའི་བྱང་ཆུབ་སེམས་དཔའ་ནི་འདོད་ཆགས་དང་བཅས་པའི་སེམས་ཅན་རྣམས་དང་ལྷན་ཅིག་གནས་ཀྱང་ཁ་ན་མ་ཐོ་
D96.046.0234a04.01བ་མེད་ལ། འདོད་ཆགས་དང་བཅས་པའི་སེམས་ཅན་རྣམས་ཀྱང་འདུལ་བར་བྱེད་དོ། །གྲོགས་པོ་དག་ཞེ་སྡང་དང་བྲལ་བའི་བྱང་ཆུབ་སེམས་དཔའ་ནི་ཞེ་སྡང་དང་བཅས་པའི་སེམས་ཅན་རྣམས་དང་ལྷན་ཅིག་གནས་ཀྱང་ཁ་ན་མ་ཐོ་བ་མེད་ལ་ཞེ་སྡང་དང་བཅས་པའི་སེམས་ཅན་རྣམས་ཀྱང་
D96.046.0234a05.01འདུལ་བར་བྱེད་དོ། །གྲོགས་པོ་དག་གཏི་མུག་དང་བྲལ་བའི་བྱང་ཆུབ་སེམས་དཔའ་ནི་གཏི་མུག་དང་བཅས་པའི་སེམས་ཅན་རྣམས་དང་ལྷན་ཅིག་གནས་ཀྱང་ཁ་ན་མ་ཐོ་བ་མེད་ལ་གཏི་མུག་དང་བཅས་པའི་སེམས་ཅན་རྣམས་ཀྱང་འདུལ་བར་བྱེད་དོ། །གྲོགས་པོ་དག་ཉོན་མོངས་པ་དང་
D96.046.0234a06.01བྲལ་བའི་བྱང་ཆུབ་སེམས་དཔའ་ནི་ཉོན་མོངས་པ་དང་བཅས་པའི་སེམས་ཅན་རྣམས་དང་ལྷན་ཅིག་གནས་ཀྱང་ཁ་ན་མ་ཐོ་བ་མེད་ལ་ཉོན་མོངས་པ་དང་བཅས་པའི་སེམས་ཅན་རྣམས་ཀྱང་འདུལ་བར་བྱེད་དོ། །གྲོགས་པོ་དག་འདི་ལྟ་སྟེ་དཔེར་ན། མ་ནི་བུ་དང་ལྷན་ཅིག་གནས་ཀྱང་ཆགས་པ་མེད་
D96.046.0234a07.01