完整藏文原文 · 德格版页 当前仅加载第 44 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པའི་ཆོས་ཀྱི་སྐུ་ལ་དེ་ལྟར་མཐོང་བ་དེ་དག་ནི་ཡང་དག་པ་མཐོང་བ་ལགས་སོ། །བཅོམ་ལྡན་འདས་ཡང་དག་པའི་མཐོང་བ་གང་ལགས་པ་དེ་དག་ནི། བཅོམ་ལྡན་འདས་ཀྱི་སྲས་ཐུགས་ལས་སྐྱེས་པ་དང་། ཞལ་ནས་སྐྱེས་པ་
D92.044.0274a01.01དང་། ཆོས་ལས་སྐྱེས་པ་དང་། ཆོས་ཀྱིས་སྤྲུལ་པ་དང་། ཆོས་ཀྱི་བགོ་སྐལ་ལ་སྤྱོད་པ་ཞེས་བགྱིའོ། །བཅོམ་ལྡན་འདས་ཤེས་པ་དག་པ་ཞེས་བགྱི་བ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཤེས་པའི་ཕ་རོལ་ཏུ་ཕྱིན་པ་ལགས་ཏེ་འདི་ལྟར་ཤེས་པ་དག་པ་
D92.044.0274a02.01ལགས་སོ། །བཅོམ་ལྡན་འདས་སྡུག་བསྔལ་འགོག་པའི་བདེན་པ་ནི་ཤེས་པ་དག་པ་དེའི་སྤྱོད་ཡུལ་ཡང་མ་ལགས་ཡུལ་ཡང་མ་ལགས་ན། བཅོམ་ལྡན་འདས་སྡུག་བསྔལ་འགོག་པའི་བདེན་པ་རྟོན་པ་བཞིའི་ཤེས་པ་ཅན་དག་གི་སྤྱོད་ཡུལ་མ་ལགས་ཤིང་ཡུལ་མ་ལགས་པ་ལྟ་སྨོས་ཀྱང་ཅི་
D92.044.0274a03.01འཚལ། དེ་ཅིའི་སླད་དུ་ཞེ་ན། བཅོམ་ལྡན་འདས་ཐེག་པ་གསུམ་པའི་ལས་དང་པོ་པ་རྨོངས་པ་མ་མཆིས་པའི་ཆོས་ཅན་དག་གིས་དོན་དེ་ཁོང་དུ་ཆུད་པར་འགྱུར་ཞིང་དོན་དེ་རྟོགས་པར་འགྱུར་བའི་སླད་དུ་བཅོམ་ལྡན་འདས་ཀྱིས་རྟོན་པ་བཞི་བཤད་ཅིང་བཏགས་པའི་སླད་དུའོ། །
D92.044.0274a04.01བཅོམ་ལྡན་འདས་རྟོན་པ་བཞི་པོ་འདི་དག་ནི་འཇིག་རྟེན་པ་ལགས་སོ། །བཅོམ་ལྡན་འདས་རྟོན་པ་གཅིག་པུ་འདི་ལྟ་སྟེ། སྡུག་བསྔལ་འགོག་པའི་བདེན་པ་ནི་རྟོན་པ་ཐམས་ཅད་ཀྱི་མཆོག་འཇིག་རྟེན་ལས་འདས་པ་ལགས་ཏེ། དེ་ནི་ཡང་དག་པར་རྟོན་པར་བགྱི་བ་དང་།
D92.044.0274a05.01སྐྱབས་ལགས་སོ། །བཅོམ་ལྡན་འདས་དེ་བཞིན་གཤེགས་པའི་སྙིང་པོ་ནི་འཁོར་བ་ན་རྟོན་པ་ལགས་ཏེ། དེ་བཞིན་གཤེགས་པའི་སྙིང་པོ་ཉིད་ཀྱི་དབང་དུ་བགྱིས་ནས་བཅོམ་ལྡན་འདས་ཀྱིས་སྔོན་གྱི་མཐའ་མེད་དོ་ཞེས་བཤད་ཅིང་བཏགས་སོ། །བཅོམ་ལྡན་འདས་དེ་བཞིན་
D92.044.0274a06.01གཤེགས་པའི་སྙིང་པོ་མཆིས་ན་འཁོར་བ་ཞེས་མཆི་ན་ནི་ཚིག་དེ་རིགས་པ་ལགས་སོ། །བཅོམ་ལྡན་འདས་འཁོར་བ་ཞེས་བགྱི་བ་ནི་ཟིན་པ་དག་གི་དབང་པོ་རྣམས་འཕོས་མ་ཐག་ཏུ་ཟིན་པ་དག་གི་དབང་པོ་རྣམས་ལེན་པ་ལ་འཁོར་བ་ཞེས་བགྱིའོ། །བཅོམ་ལྡན་འདས་འཆི་
D92.044.0274a07.01