完整藏文原文 · 德格版页 当前仅加载第 44 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
མཆི་བ་ཡང་དག་པ་ལགས་སོ། །བཅོམ་ལྡན་འདས་སྐྱབས་སུ་མཆི་བ་གཉིས་ཀྱང་ཡང་དག་པར་ན་དེ་བཞིན་གཤེགས་པ་ལ་སྐྱབས་སུ་མཆི་ཞེས་བགྱི་བའི་མཐའ་ལགས་པར་ཁོང་དུ་ཆུད་པར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དེ་
D92.044.0270a01.01བཞིན་གཤེགས་པ་ཡང་གཞན་མ་ལགས། སྐྱབས་གཉིས་པོ་ཡང་གཞན་མ་ལགས་ཏེ། བཅོམ་ལྡན་འདས་དེ་བཞིན་གཤེགས་པ་ཉིད་སྐྱབས་གསུམ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཐེག་པ་གཅིག་གི་ལམ་བསྟན་པའི་ཆོས་འདི་ཡང་དེ་བཞིན་
D92.044.0270a02.01གཤེགས་པའི་ཁྱུ་མཆོག་གི་གསུང་དང་། དེ་བཞིན་གཤེགས་པའི་སེང་གེའི་སྒྲ་སོ་སོ་ཡང་དག་པར་རིག་པ་བཞི་དང་ལྡན་པ་ལགས་པའི་སླད་དུའོ། །བཅོམ་ལྡན་འདས་མོས་པ་ཇི་ལྟ་བ་དག་ལ་དེ་བཞིན་གཤེགས་པས་ཐེག་པ་གཉིས་པོ་ཐབས་ཀྱི་སྒྲུབ་པས་བསྒྲུབས་པ་དེ་
D92.044.0270a03.01དག་ཀྱང་ཐེག་པ་ཆེན་པོ་བདག་ཉིད་ཀྱི་སླད་དུ་ལགས་སོ། །བཅོམ་ལྡན་འདས་ཐེག་པ་འདི་གཉིས་ཀྱི་མིང་ནི་མ་མཆིས་ཏེ། བཅོམ་ལྡན་འདས་ཡང་དག་པར་ན་འདི་ལ་ཐེག་པ་གཅིག་པོ་ནི་ཐེག་པ་ཡང་དག་པ་ལགས་ཏེ་ཐེག་པ་གསུམ་ཡང་དག་པར་འདུའོ། །བཅོམ་
D92.044.0270a04.01ལྡན་འདས་ཉན་ཐོས་དང་རང་སངས་རྒྱས་རྣམས་ཀྱི་འཕགས་པའི་བདེན་པ་ཐོག་མར་མངོན་པར་རྟོགས་པའི་ཤེས་པ་གཅིག་པུས་ནི་གནས་ཀྱི་ས་དེ་སྙེད་ཅིག་སྤོང་བར་འགྱུར་རོ། །བཅོམ་ལྡན་འདས་ཤེས་པ་དེ་གཅིག་པུས་ཡོངས་སུ་འཚལ་བ་ལ་སོགས་པ་ཡོན་ཏན་བཞི་པོ་རྣམས་
D92.044.0270a05.01མངོན་སུམ་དུ་བགྱིད་པར་འགྱུར་ཞིང་དོན་བཞི་པོ་བདག་ཉིད་ཆོས་ཉིད་ཀྱིས་ཤིན་ཏུ་སོ་སོར་རྟོགས་པར་འགྱུར་རོ། །བཅོམ་ལྡན་འདས་འཇིག་རྟེན་ལས་འདས་པའི་ཤེས་པ་ལ་ཤེས་པ་བཞི་འཕོ་བ་དང་དམིགས་པ་བཞི་འཕོ་བ་མ་མཆིས་ཏེ། བཅོམ་ལྡན་འདས་འཇིག་རྟེན་ལས་འདས་པའི་ཤེས་པ་རྡོ་རྗེ་ལྟ་བུ་
D92.044.0270a06.01ནི་མི་འཕོ་བའི་ཆོས་ཅན་ལགས་སོ། །བཅོམ་ལྡན་འདས་དེ་ལྟར་འདི་ལ་ཉན་ཐོས་དང་། རང་སངས་རྒྱས་ཐམས་ཅད་ཀྱི་གནས་ཀྱི་ས་སྤོང་བའི་འཕགས་པའི་བདེན་པ་ཤེས་པ་དང་པོ་ནི་ཡང་དག་པའི་ཤེས་པ་ལགས་ཏེ། བཅོམ་ལྡན་འདས་དེ་དག་ལ་འཕགས་པའི་བདེན་
D92.044.0270a07.01