完整藏文原文 · 德格版页 当前仅加载第 44 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པ་མི་དམིགས་ལ་རྣམ་པར་ཤེས་པ་མེད་ན་ཡང་ལུས་སྐྱེ་བ་མི་དམིགས་སོ། །དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ་སྨན་ཆེན་གྱིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་རྡོ་རྗེའི་སྙིང་པོ་ལྟ་བུའི་རྣམ་པར་ཤེས་པ་དེས་ལུས་ཉམ་ཆུང་བ་
D83.044.0088b01.01རྣམས་ཇི་ལྟར་མངོན་པར་འགྲུབ་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། སྨན་ཆེན་དཔེར་ན་མི་དབུལ་པོ་ལ་ལ་ཞིག་གིས་ཡིད་བཞིན་གྱི་ནོར་བུ་རིན་པོ་ཆེ་རྙེད་ན། དེས་ཡིད་བཞིན་གྱི་ནོར་བུ་རིན་པོ་ཆེ་དེ་བླངས་ནས་ལྷའི་གནས་དང་། སྐྱེད་མོས་ཚལ་དང་། སྐྱེད་
D83.044.0088b02.01ཚལ་དང་། ཞིང་དང་། ར་བ་དང་། སྒོ་ཁང་དང་། ཤིང་གེལ་པ་དང་། འཁྲི་ཤིང་སྣ་ཚོགས་ཀྱིས་འཁོར་བ་དང་། ཁང་པ་མེ་ཏོག་གིས་གཏོར་བ་དང་། རྫས་དང་། ཡོ་བྱད་དག་སྤྲུལ་ན། སྨན་ཆེན་དེ་དག་ཐམས་ཅད་ནི་མི་བརྟན་ཞིང་ཉམ་ཆུང་ལ་མྱུར་དུ་འགྱེས་
D83.044.0088b03.01ཤིང་འཇིག་པའི་ཆོས་ཅན་ཡིན་ཏེ། ཡིད་བཞིན་གྱི་ནོར་བུ་རིན་པོ་ཆེ་དེ་མི་དེའི་ལག་ནས་སྟོར་ན་དེའི་བདེ་བའི་ལོངས་སྤྱོད་དེ་དག་ཀྱང་མེད་པར་འགྱུར་རོ། །ཇི་ལྟར་ཡིད་བཞིན་གྱི་ནོར་བུ་རིན་པོ་ཆེ་དེ་རྡོ་རྗེ་སྟོང་གིས་ཀྱང་མི་ཕྱེད་ལ། དེའི་ཡོ་བྱད་དེ་དག་འཇིག་པའི་རང་བཞིན་ཅན་
D83.044.0088b04.01ཡིན་པ་དེ་བཞིན་དུ་རྣམ་པར་ཤེས་པའི་ཁམས་ནི་རྡོ་རྗེའི་སྙིང་པོའི་རང་བཞིན་ལྟ་བུ་ཡིན་ལ་ལུས་གང་ཡིན་པ་དེ་ནི་སྙིང་པོ་མེད་དོ། །གསོལ་པ། བཅོམ་ལྡན་འདས་རྣམ་པར་ཤེས་པའི་ཁམས་ཞན་པ་དེས་ཇི་ལྟར་གཟུགས་མཁྲང་ཞིང་སྲ་བ་ཕྱེ་སྟེ་འཕོ་ཞིང་མཆི། བཅོམ་ལྡན་
D83.044.0088b05.01འདས་ཀྱིས་བཀའ་སྩལ་པ། སྨན་ཆེན་དཔེར་ན་ཆུའི་རྒྱུན་ཤིན་ཏུ་འཇམ་པོ་རིའི་གསེབ་ན་འདུག་པས་རི་དེ་ཉིད་རྟོལ་ཏེ་བྱུང་ན། སྨན་ཆེན་དེ་ཇི་སྙམ་དུ་སེམས། དེའི་ནང་ན་ཆེས་སྲ་བ་གང་ཡིན། གསོལ་པ། བཅོམ་ལྡན་འདས་རི་ནི་རང་བཞིན་གྱིས་མཁྲང་ལ་རྡོ་རྗེ་ལྟར་བརྟན་
D83.044.0088b06.01ཞིང་སྲ་བ་ལགས་ལ། ཆབ་ནི་རང་བཞིན་གྱིས་འཇམ་ཞིང་རེག་ན་བདེ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་རྣམ་པར་ཤེས་པ་རང་བཞིན་གྱིས་ཞན་པས་ལུས་ཆེན་པོ་དག་ཕྱེ་སྟེ་འགྲོ་བར་འགྱུར་རོ། །གསོལ་པ། བཅོམ་ལྡན་འདས་ཇི་ལྟར་
D83.044.0088b07.01