完整藏文原文 · 德格版页 当前仅加载第 44 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
རྐྱེན་ནི་ཇི་ལྟ་བུ་དག་ལས་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། སྨན་ཆེན་འདི་ལ་ལས་རྣམས་ཀྱི་སྤྱོད་ཡུལ་ནི་ལྷའི་བདེ་བ་དག་དང་། འབྱོར་པ་དག་དང་། ལྷའི་ཁ་ཟས་འཐོབ་པ་ཡིན་ཏེ། དཔེར་ན་མི་དབུལ་པོ་གཉིས་ཤིག་འབྲོག་ཏུ་འཁྱམས་པ་ལས་དེར་གཅིག་
D83.044.0086b01.01གིས་ནི་ཆུ་བསིལ་བ་རྙེད་ལ། གཅིག་ནི་སྐོམ་སྟེ་ཤི་ན་ཆུ་དེ་ལ་ལ་ཞིག་གིས་སྙིམ་པས་བཅུས་ཏེ་མི་དེ་ལ་བྱིན་པ་ཡང་མེད། ལ་ལ་ཞིག་གིས་མི་ཅིག་ཤོས་དེ་ལ་བཀག་པ་ཡང་མེད་ཀྱི་བསོད་ནམས་ཀྱི་མཐུ་འབའ་ཤིག་གིས་གཅིག་གིས་ནི་ཆུ་རྙེད་ལ་གཅིག་གིས་ནི་ཆུ་མ་རྙེད་པ་དེ་བཞིན་དུ་དགེ་
D83.044.0086b02.01བ་དང་མི་དགེ་བའི་ཆོས་དེ་དག་བལྟ་བར་བྱའོ། །ཟླ་བ་ཡར་གྱི་ངོ་དང་མར་གྱི་ངོ་ཇི་ལྟ་བ་བཞིན་དུ་དགེ་བ་དང་མི་དགེ་བ་ཡང་དེ་བཞིན་དུ་བལྟ་བར་བྱའོ། །དཔེར་ན་ཤིང་ཐོག་རློན་པ་ཡོངས་སུ་སྨིན་པ་ན་ཁ་དོག་གཞན་དུ་འགྱུར་ཏེ། ཁ་དོག་དེ་དང་ཡོངས་སུ་སྨིན་པ་ཡང་མེའི་ཁམས་
D83.044.0086b03.01ཀྱི་དབང་གིས་འགྱུར་རོ། །དེ་བཞིན་དུ་ལུས་འདི་ཡང་བསོད་ནམས་ཀྱི་དབང་གིས་ཚོང་དཔོན་གྱི་ཁྱིམ་ནོར་དང་གསེར་འབྱོར་པ་དག་ཏུ་རྒྱན་ཉེ་བར་སྟོན་ཏོ། །ལྷའི་གནས་དག་ཏུ་ལྷའི་རྒྱན་དག་ཉེ་བར་སྟོན་ཏེ། དབང་ཕྱུག་གི་རྒྱན་གང་ཡིན་པ་དེ་ནི་བསོད་ནམས་ཀྱི་དཔེར་བསྟན་ཏོ། །དཔེར་
D83.044.0086b04.01ན་ས་བོན་ས་ལ་བཏབ་ན་ཤིང་གི་རྩེ་མོར་སྣང་བར་འགྱུར་ལ། ས་བོན་དེ་ཡང་སྡོང་བུ་ནས་སྡོང་བུའི་རྩེ་མོར་འཕོ་བ་མེད་ཅིང་ཤིང་གི་ནང་ན་ཡང་ས་བོན་དེ་མི་དམིགས་ལ། མི་ལ་ལ་ཞིག་གིས་ལག་པ་གཉིས་ཀྱིས་ས་བོན་བླངས་ཏེ་ཤིང་གི་རྩེ་མོར་བཞག་པ་ཡང་མེད་ཅིང་ས་བོན་རྩ་བ་ནས་
D83.044.0086b05.01འཕོ་བ་ཡང་མི་དམིགས་པ་དེ་བཞིན་དུ་དགེ་བ་དང་མི་དགེ་བ་ལུས་ལ་གནས་པ་རྣམས་ཀྱང་ལུས་ལ་མི་སྣང་ངོ་། །དཔེར་ན་ས་བོན་ལས་མེ་ཏོག་འགྲུབ་པ་ན་ས་བོན་གྱི་ནང་ན་ཡང་མེ་ཏོག་མི་སྣང་ཞིང་མེ་ཏོག་གི་ནང་ན་ཡང་འབྲས་བུ་མི་དམིགས་ལ། ས་བོན་དང་མེ་ཏོག་ཀྱང་གཉིས་སུ་དབྱེར་
D83.044.0086b06.01མེད་པ་དེ་བཞིན་དུ་ལུས་ལས་ཀྱང་ལས་འབྱུང་ལས་ལས་ཀྱང་ལུས་འབྱུང་མོད་ཀྱི། ལུས་ཀྱི་ནང་ན་ཡང་ལས་མི་སྣང་ལས་ཀྱི་ནང་ན་ཡང་ལུས་མི་སྣང་ངོ་། །དཔེར་ན་མེ་ཏོག་ཡོངས་སུ་སྨིན་པ་ན་འབྲས་བུ་དམིགས་པ་དེ་བཞིན་དུ་ལུས་སྨིན་ན་ལས་རྣམས་དམིགས་སོ། །དཔེར་ན་གང་
D83.044.0086b07.01